薯淘同雞

飽食終日 無所用心


發表留言

黃子華,除褲!

多謝蘋果賜我合照

多謝蘋果賜我合照

坦白講,香港我最鍾意嘅藝人,第一個係周星馳,第二個就係黃子華喇。近期都可能加多個王祖藍男~

如果有朝一日吳彥祖80歲癲咗追我,正路要諗諗。但如果係佢哋呢,嘩,都唔使諗喇啩,笑喪硬喎,哈哈。史提芬周呢真係講嘢可能冇拍戲咁好笑,但子華喎,我諗一定絶無冷場。

其實我呢尐cheap精只係兩年前先睇返佢所有youtube,又正正因為最低潮期有佢cheer up my life,所以今次無啦啦亞姨撩我,梗係去馬。又因為咁唔覺意坐倒第一行,梗係想握手,子華起初示意陣間先,最後真係有「握」,give me five咁啦,真係有信用。

題外話,澳門尐交通真係好唔掂,可能近排佔中尐人過曬果邊。有人喺sands食好掋食嘅buffet食到7:30仲要去廁所,結果shuttle bus一路塞塞塞差唔多8:30先入倒場。好在,子華好醒目咁播短片等人,唔好在,條藝術短片真係太高層次,我估佢係想表達藝人辛酸一面,笑匠只能笑不能喊,但……你都係對人歡笑把啦,sorry。;p

堅型

堅型

正題蘋果都講曬,cut咗佔中講返環保同打工,內容都ok嘅,幾好笑同有尐意義,不過就可能冇講政治咁有切膚之痛。造型就無敵地型囉,雖然朋友話都係同香港睇同一套衫,但我覺得好得喎,日日著都冇問題啦。

係呀,我通常寫評論都係skin-deep㗎咋,佢只可以棟篤笑同拍劇,戲同唱歌都……

另,informative尐嘅有,澳門買黃牛易好多,8:30倒尐農夫開始掟飛,下次唔想見報可以到時先買飛。威尼斯人入面呢個金光綜藝館可以容納max 13,500人,重多過紅館12,500,點解我覺得佢好似山頂都冇咁山頂嘅呢~

ticketbis
又又,見倒呢個易手票網,「合法黃牛」?last minute ticket 唔知係咪真係work,唔該試咗話我知。


發表留言

廣告客戶SO SORRY

taobao

堅開心,薯淘終於發市~

well,以我哋呢個個蚊型細blog,梗係唔會有淘宝咁大戶睇得上眼啦。不過為存厚(其實係為免賣免費廣告)又唔開名喇。講真,我呢個肥控制員(網主 I mean)尐文咁爛,另一件尐文又咁曲高和寡,人流偏低,落廣告都冇so啦。

Marketing Skills
不過呢,一樓都知造假呢尐嘢唔少,朋友自己去yahoo拍賣sell舊嘢,都會整一兩個鬼a/c去自己推自己。估唔到而家尐香港網購站係咁大少通吃,只要唔提佢個offer而幫佢出一個post,就有cash voucher收。嗱,一來個blogger又要自己可能俾多少少錢買嘢,二來少少錢又可以買倒個真心post推介,完全冇蝕底。

可惜,遇著我呢個肥控制員咁麻煩,雖然我冇神監管住啫,都仲有兩錢良心假,點會因為收咗一個幾毫而俾人限制我唔講「我收咗一個幾毫而喺度賣廣告」唧。

唯有再次多謝廣告商關顧兼重申:薯淘係唔sell嘢嘅(應該唔會乞米啩),至今網評post全部係自家經驗,真金白銀再喺冇乜修飾下(都係為存厚我好少插x佢哋,讚果尐或多或少加多少少私人感情美化,畢竟我好易滿足。)就算薯尐書我都冇錢收的 >_<

P.S. 即係咁,每個人都有個價嘅,即係假如或者有一日如果邏輯上可行有個大到我O嘴嘅銀碼我驚我maybe忍唔住有機會幾肯定會反口,哈哈。


發表留言

反對新東北發展系列之三:Mission Impossible(公路篇)

traffic-jam

上期講過,新東北「再發展」(包括古洞北、粉嶺北兩個發展區,以及皇后山等六個新增的建屋計劃)後,人口將由現時約三十萬暴增至五十多萬,增幅接近一倍,而沙中線通車後,東鐵將由現在的十二卡減至九卡,班次又難有增加空間(港鐵說更新訊號系統後可增加班次,只是語言偽術,詳見前文),西鐵又自顧不暇,不可能起到絲毫的分流作用,可以肯定,東鐵屆時必定塞到核爆,由北區出九龍,時間無可避免要倍增。

有人或會說,東鐵塞爆,可以坐巴士,再不然,大不了自駕!真的可行嗎?且聽我細說道來。

根據政府的計劃,北區對外文通的改善措施主要有兩項,分別是擴闊粉嶺公路及興建粉嶺繞道。由於吐露港公路主要是四線雙程(部份路段為三線),而粉嶺公路全程均是三線雙程,由北區出大埔,康樂園上橋位是一個樽頸,早晚繁例塞,所以政府現正擴闊粉嶺公路(泰亨至和合石一段),改為四線雙程,跟吐露港公路看齊。

至於粉嶺繞道,北接文錦道及蓮塘口岸,南通長山、公主山及龍山,直出粉嶺公路,毋須經過粉嶺市中心,故名粉嶺繞道;除方便中港貨運外,主要是舒緩沙頭角公路的擠塞。

各位省城人,你們可能對上述的擠塞情況及改善措施沒有概念,不要緊,簡單來講,當所有工程完成後,北區出大埔的交通(非鐵路)會更加快捷方便,這一點,即使疑神疑鬼如我亦從無懷疑過。不過,停一停,等一等,大埔是我們北區人每日返工的目的地嗎?當然不是,我們要出市區,大埔只是路過,就算粉嶺公路暢通無阻,吐露港公路風馳電掣,最後還要過隧道才去到目的地(撇除迂迴曲折的大埔公路不談),對不對?

現時新界東(不計將軍澳)出市區有五條隧道,分別是大老山、獅子山、尖山、城門及大欖,除大欖外,其餘四條隧道每朝早都塞到爆廠,尤其獅隧,車龍伸延到新田圍是等閒事。政府只改善北區周邊的交通網,卻無計劃擴建出九龍的五條隧道及相關路段,根本無補於事,唯一結果,只是把樽頸位往後移,即把粉嶺公路的擠塞搬到吐露港,而四條隧道則塞上加塞。

難道政府沒有想過這個問題?非也,政府再蠢也未至於蠢到這個地步,我相信政府也心知肚明,受地形限制,擴建隧道及相關路段根本不可行,例如大埔公路沙田段,左有新城市廣場,右有東鐵路軌,怎樣擴建?最多只能做一些小修小補,例如封閉近蔚景園往大圍方向的一段支路,以擴闊連接青沙公路的交匯點,此舉固然有助舒緩大埔公路沙田段的擠塞情況,但考慮到尖山隧道的車流量每年以雙位數字的速度增長,上述的疏導效果又可以維持多久?

問題來了。政府提出的所謂交通改善措施,既不能治本,連治標也恐怕做不到,那麼政府的動機是甚麼?純粹為做而做?也不一定,我想到有兩個可能:

(一)把樽頸往後移,可以轉移公眾視線,例如把粉嶺公路的擠塞搬到吐露港,甚至各個隧道口,政府就可以把問題歸究於整個新界東的「人口自然增長」,而非新東北規劃有誤。

(二)受害者人數愈少,愈容易組織起來反抗,反之亦然。如果擠塞問題集中在北區,巴士團團轉也上不到高速公路,或在粉嶺公路塞一個鐘都未塞到去吐露港,我們北區人一定同你搏命。君不見去年佔領上水之所以一呼百應,無他,只因同仇敵愾、上下一心。相反,如果擠塞問題由整個新界東的人共同承受,他們人數眾多,且分散各區,很難團結一致,集體抗爭。

十年後,北區人口暴增,東鐵癱瘓,公路塞爆,對外交通徹底崩潰。想返工?一係北上賺人仔食地溝油,一係原區就業,清潔保安走水貨,任君選擇。再不然,疊埋心水拿綜援,一年去九次旅行。這就是新東北發展計劃給你的「願景」。

原文刊於《全民媒體》。

關注

Get every new post delivered to your Inbox.

Join 233 other followers