審計署今日將會發表新一期「衡工量值」報告，一如以往，狠批官僚浪費，為納稅人出一口氣。
一般而言，官僚浪費有兩種，一種是天文數字，動輒一千幾百萬，隨時把你氣得當場昏厥；另一種錢不在多，但勝在夠「無厘頭」，令你哭笑不得。例如審計署去年揭發，應科院花十八萬公帑請風水師指點迷津，其荒謬程度，一如警務處請義和團教飛虎隊玩神打。如果要數政府歷年來最不可思議的浪費事件，我夠膽講，應科院絕對可以擠身前三甲，信不信由你。
沒辦法，政府使的是公帑，不是私己錢，當然不會像街市師奶般精打細算，一個幾毫也跟你計到盡。更重要的，是政府使錢有政治考慮，不一定講求成本效益，像零三年的巨星匯，旨在「沖喜」，根本無想過要賺錢，難怪最後蝕足一億。
我們身為納稅人，眼見政府如此浪費，當然十分肉痛，但可以怎樣？還不是要每年按時交稅？既然錢已付了，唯有看開一點，當自己入戲院看一場鬧劇，看完笑過就算，免得勞氣。
至於今期有甚麼新「劇目」呢？有請審計署。
終於正式出山，還有靚仔相刊登，學肥老闆（鄭則仕在電視劇《金石良緣》中所扮演的角色）話齋：「so good！」
原來你會在新界北踩單車睇日落嗎﹖幾時得閒，帶我踩番轉﹖（放心，我不是顏福偉）
多謝晒。
幾時都得閒，但踩單車這項活動不宜在春夏進行，特別是香港的春夏，簡直係人間煉獄，踩單車真係「羅禮瑞」。
最好係冬天﹝有人話秋天，但香港根本沒秋天﹞，迎著微微北風，向大尾篤進發。若是假日，最好是黃昏出發，避開討厭的人流﹝那些省城人不懂踩單車規矩，左穿右插，其駕駛態度比一般飛車黨還要惡劣﹞，到達時已是入黑，可以先吃過晚飯，再買點飲品，上大霸吹水，其樂無窮。
可有興趣？