小一家長實戰紀錄


係,正常人中咗六合彩二奬唔應該公告天下,不過我真係有強逼症。(._.")


雞髀你記住我真係盡咗力㗎喇!
睇呢條link可見上表。2011年係47年嚟出生人數最高嘅一年,2012本來會更高,不過中間停咗雙非。

所以由K2開始,上咗整整一年面試班,係冇用嘅。其餘因為幼稚園已經夠深,只係上吓phonics同音樂班,玩吓happy bee算。而每報任何興趣班,薯都係要柴台話我嘥錢。雞髀仔啲英文會話麻麻,K3時,我唔再理薯反對喇,硬係要佢去monkeytree玩吓。再加畫畫同小提琴。

雞髀唔係笨,但係細仔,有搵沙浸好好人嘅譚sir做過評估,話佢雖然唔係最outstanding果批,但10分佢都俾8分,任何學校都可以去試吓咁話。結果呢?咪都係鎩羽而歸,全軍覆歿(除咗幼稚園聯繫小學收咗,但要10萬蚊一年);咁我都冇全港所有學校報曬,因為薯死都唔肯搬去11區。佢亦都唔肯俾錢雞髀讀國際學校,話納稅人應有福利喎。

即使係咁,我仍然冇放棄。既然直資私校都冇嘢揸手喇,自然要玩唔抱太大期望嘅嘥錢租屋大抽獎啦。

K2時,自己知自己事冇抽獎運。於是用雞髀八字去check紫微斗數,師傅話佢今年運強,值得一搏。因為朋友教路租借地址,尤其傳統名校,大把人抽查你,所以唯有就薯唔搬,但努力爭取喺41區租多一個單位將雞髀仔搬過去,兼且請姐姐幫手照顧,(我哋一向冇用姐姐,自己的事自己做)薯淘再分開一人幾晚咁過去陪太子讀書。我知道我明白成件事好柒,大量研究證明讀邊間小學並不影響小朋友將來成就,但我就係唔想後悔,將來雞髀問媽媽點解你推我去band3,我曳唔關我事,你一手做成,blah blah blah。(當時其實另一位朋友陪我,打算抽瑪神,又係題外喇,但起碼人同此心。)趙榮德先生都話啦,既然有咁嘅rule,你有能力嘅不妨玩呢個遊戲。亦自然唔掋得同胞得我哋港產唔得。anyway,monkeytree加姐姐係有啲用,起碼雞髀肯講多啲英文,不過到佢啲中文認字開始唔掂喇,應該又要再跟進吓。

同時,沙田區其實過去幾年嘅成功率仲低過九龍城… 不過我target始終唔係新界,以下就只post近幾年數據:
唔使問我,數自己識計,pure luck,另可上EK睇hkpapa852分析


唔知你哋睇到啲乜,我就睇到2007年至2010年出生人數增加萬八,但41區抽獎人數2013年至2016年之間,反而係由966變917,即係話其實都可以預計今年香港九龍區人數唔會大增,41區俾盡你一千人。而且唔係自行,真係參加統一抽奬嘅人數係由2013年嘅827人跌到2016年嘅742。
如果男女各半,有姐妹嘅又唔揀,有可能係2、3百人入面抽84個位,咁咪分分鐘有超過3成機會?筍過曬所有直資私校嘅機會率。

當然,自行時我哋乜分都冇,揀都冇用,所以揀咗41區嘅基督教學校,話曬有20分,而去過開放日其實資源都好充足,睇落唔差。入到我都願喇,最少唔使俾學費,慳好多。或者係隔夜點心,整定,自行又衰咗。

抽獎交表時,分8行,每行見老師名冊又係百零人,(唔太記得清名數同頁數,但當時我清楚數咗一版同乘咗頁數。)


6月3日,死期,已經預咗要跪玻璃,靠薯求校長之類,整定10份portfolio填曬form。我一個去到,薯帶雞髀仔上小蜜蜂,得返7行添,應該唔過千人啦。anyway,話平常心啫,預咗唔得啫,始終都有少少期望,薯已經預早吩咐,唔好喊呀。我全程靠閏蜜好友於whatsapp支持,記住要型要靚唔可以跪低。當時見到前面有家長笑,有家長眼濕濕,老師再派紙巾…越嚟越緊張,唔得我要型…深呼吸…


心目中就諗起種種唔科學嘅方法…塔羅牌我抽嘅係death card,冇嘢,事情告一段落,可能係新開始好事呢;雞髀仔抽嘅係lover,希望真係咁完美…
到我時,老師叫我對名,邊有心機睇,份嘢好多字,我由底睇上,喇沙利道?!唔係啩…
之後真係目無表情,簽收,先醒起睇清楚有冇錯名剩。YES,唔使跪玻璃喇,成件事唔柒喇。真係天堂地獄,唉,感謝主,我同自己講要決志,因為我一向覺得自己已經係個好人,再多對上帝都冇乜吸引力,;p,係嚟緊唔知跟雞髀天主定薯基督好,好彩都係同一個神。薯一路撥冷水話上帝唔會聽呢啲。

一笑,就發現有線(應該係除非唔係)camera對住我問意見,我只答了「ok la」。

17年夏季北海道親子自駕遊

話說雞髀仔光宗耀祖,薯淘唔使跪玻璃叩門,同個個新同學仔一樣,即plan旅行。^^ 薯亞洲嚟計只可以去日本,所以都係回鄉吧。

廢話少講,先填form續雞髀仔特區護照,訂機票、酒店連執行程,初步如下:

7月12日
HX692 9:05 HKG – 15:15 CTS

18:00 World net rental攞車,又係wish。
Petit Hotel Gracey Tomamu,因為其實好遲book房,選擇不多,貪佢離機場唔遠。

然後呢兩日去星野resort(房爆曬)個雲海terrence(雲海テラス)同薰衣草田(ファーム富田)、青池等。

7月14日
17:30 前CHECKIN 高砂溫泉晚飯住宿。


7月15日
食個早餐,例牌旭川動物園,今次一樣冇企鵝行街,因為夏天。唔去就可以去大雪山層雲峽。


然後去留萌HOTEL NORTH EYE住兩晚,可能去吓禮受牧場呀,向日葵之里果類。純粹係因為旭川市附近冇房可揀,所以去吓呢邊啦。或者來回6粒鐘去埋稚內都得。

7月17日去返札幌市
純粹book咗MYSTAY住到走,再諗去邊。滝野鈴蘭丘陵公園、睇吓仲行唔行小欂、OUTLETnorthern horse park之類。如果唔去旭川動物園,可以去NORTH SAFARI

7月20日
HK693 16:10 CTS – 21:00 HKG

還元水醫好了原發性血小板增生?!


以上係最新報告,一切正常。

最初試水嘅POST喺呢度

跟進POST

再跟進POST

呢個係15年12月嘅報告

其實2013年報告已超標,不過我冇理佢,跟住聽醫生講去埋抽骨髓驗,結論係原發性血小板增生essential thrombocytosis。要食藥到老兼定期驗血觀察,驚血杰易中風。

咁,我自從16年1月做咗嘅買咗部還元水機後,生活習慣都係咁上下。除咗照顧雞髀仔更加頻撲咗,升咗職由超hea變到得返hea,生活維持好q悶,呢幾個月開始做返瑜伽,同埋呢一個月接受唔到自己肥到盡甜品食盡又開始diet返外,生活無太大改變。醫生開嘅鐵片同亞氏匹靈一概冇食。同飲多咗好多水。

15年度(3月年結)請咗7日病假(堅係病,我好憎但又好負責任唔會呃公司假)到16年度請咗1.5日,飲水之後冇因為傷風感冒睇過醫生。還元水嘅消炎作用我係感覺得到嘅,因為我係好易上呼吸度感染成日喉嚨痕氣管又窄又鼻敏感嘅人,飲咗水後上呼吸道感染消失咗,而且就算有少少徵狀都識自己好返。﹝親戚買咗機都話冇曬呢啲小病,糖尿指數亦回復正常。﹞而血小板數自己不斷跌,連陳醫生都話要睇吓還元水係乜嚟。不過佢話醫療集團唔係咁容易放小冊子喺度sell。

話分兩頭,介紹人Anna好人都講咗一啲之前我唔知嘅相反意見畀我聽:
1. 曾經講過還元水實驗,對老鼠心臟肌肉可能有壞影響,仲未解答到的。但暫時未聽到對人有事。
2. 冷還元水浸菜浸農藥,浸茶葉都出「色」應該唔關滲透力事,而係關強鹼嘅化學反應事,睇落有道理。
3. 還元水越飲越頸渴同頭暈可能同MgOH有關,係不宜過量嘅胃藥,呢點我冇test過,不過水照理冇加料電解唔會多得去邊。so far口渴好處係令我飲到更多嘅水而且所有報告正常,反正我依然要半年驗一次血,有問題自然會發現。目前並無顯示對肝腎功能有任何壞影響。飲水多好處連抽血都見到,姑娘唔需要再用飛機仔,好快搞掂。

所以,我唔理曹博士當我白痴妹都好,到底還元水有幾偽科學都好。事實係我因為接受新事物唔需要終身食藥,只要冇因為飲佢而導致其他壞處,就自然喺度推介比各位有緣人喇。