關島婚禮代理


相信不少人也知道,薯淘已經在關島St. Probus Holy Chapel內舉行婚禮。

由生活易進來的朋友當然最關心是有哪幾間代理、哪一間比較好、價錢、手續和最根本的問題,其實代理做什麼、到底要不要找代理等等。以下分享有限的經驗。

關島當地主要由兩間公司擁有教堂或獨家代理權,World Bridal(教堂為 Amantes, Crystal, St Laguna)和 Watabe(教堂為Del’Anello, Blue Aster, St Probus, San Vitores Bayside等),因為他們和香港代理間的合約關係,不能直接聯絡他們,只可找代理。

就我所知香港代理的旅行社有以下數間,能提供有限教堂選擇:

Continental Airlines Holidays 聯絡方法請看這裏。向航空公司領正牌的旅行社,你報名後他會轉介你到Global Wedding,這中間人再聯絡World Bridal。有結婚顧問服務,若我現在才選代理,可能會選這間,套餐內容可看此,最新價San Vitores Chapel每對couple30299起,crystal每對couple45299起,果然年年加價,各套餐內容有分別,但多數不包禮服,外景攝影要自行聯絡。

Century travel或其他旅行社都有代理類似的world bridal package。想看看其他網友如何讚Century顧問Lawrence Tse(email: lawrence_tse@cthkg.com; Tel: 25259588),可看其例子,但這顧問之後好像沒做了,Century可以信用咭付款儲積分。

然後數間都是專門的結婚代理公司了,預算每對新人四萬多到六萬多,通常包來回機票酒店、租用教堂、長轎車接送(視乎酒店而定)、化裝set 頭、live music、兩位證婚人、教堂內數碼攝影以cd形式取得、一切文件(不包翻譯出世紙)、聯絡等等。有什麼需要當然可以加錢加服務,相對靈活一點。由於每間代理公司所代理的教堂不一樣,所以若你是一定要到某獨家代理教堂,則不可選擇代理了。

Watabe wedding電話:25010090,香港中環威靈頓街 33號 12樓。日本Watabe已於2007年十月正式登陸本港,於08年4月起獨家代理watabe在關島轄下的教堂,網站內明碼實價列出每對新人不包機票酒店的價錢。雖然我不是使用她的服務,但staff Crystal真的很幫忙,她解答了我很多Wedding Abroad未能答我的問題,WA出發前45天內不可以加DVD或其他服務,但直接聯絡watabe hk或甚至在關島briefing時要求就可以。又,選擇watabe的話,機票酒店要分開買,legal document他們會找當地導遊跟進。

以下數間不能提供watabe旗下教堂作婚禮場地。

Global Wedding電話:31019731,地址:中環士丹利街34-38號金禾大廈303室。日本World Bridal的香港代理,Crystal Chapel都是很多人的心水,而我選擇代理時主要是看口碑,由於global wedding 很多人投訴,每隔一段時間就有新人投訴。主要關於安排不周,雖是代理卻要新人主動提點,取回相片需時等等,所以沒有選這公司。但其實我暫時沒有看到有人投訴日本公司的,所以只要能準時到達關島後,一切間題都會解決。至於相片嘛,回來再算吧,總不會遺失相片吧。(好像有人試過被agency弄失相片的,但我不記得是哪一間。)

Go Wedding Abroad電話:21480080,地址:旺角雅蘭中心 II 期12 樓1206室。再看一下網站,blank,冇package details,唔通又摺埋?;p 我選用的代理,選之前無人投訴,選了就有。由於日本公司的package不時轉變,海鮮價有加無減(其實其他公司亦應該一樣),早前亦有點不滿,但負責人Joby很詳細的解釋過,看得出她有誠意,但服務嘛,我用過但不會推介,詳見各日行情,不贅。他們可以代為聯絡於關島的外景攝影師Steven Zhao。(但不經wedding abroad 也可以自行email給他直接聯絡。)套餐包訂造新郎新娘禮服各一套和一些基本首飾租借。綑綁銷售康泰的機票酒店套票,價錢是和CO一樣的,但以Manhattan以外的信用咭付款額外收2個%。

還有,一個好的導遊可以幫你在當地安排妥當,如閣下有需要找我用的導遊,請進右手邊porkchop的網頁自行留言聯絡,導遊會不定期的觀看,並於適當時間聯絡你。(留個私人訊息告訴他你們的全名、電話、行禮時間、人數、入住酒店等詳情後再作安排。)

其實若不行教堂,自己訂好機票酒店,拿美國關島visa,出生證明等到那裏結婚仍是很簡單,詳細可看

又,經過實驗證明,(可看第20點12月10日至14日的日程紀錄)選擇婚禮代理(不計watabe)其實可以比用travel agency勞氣幾十倍,價錢還相差一大截,各位請自行判斷。婚紗禮服出外買或租便行,攝影師亦可自己約,不想找Steven亦可請導遊介紹其他攝影師。

PS 本篇最後修改日期為10年5月6日。

關島婚禮代理” 有 59 則迴響

  1. hazelnut

    Hi 淘,

    May I ask if you’ve talked to Jody about the vow in Guam? I’ve watched some Guam video wedding on YouTube and it seemed that they’re doing Christian vow.

    My h2b and I don’t want something “too religious"; but would love to have a reading of a poem of something similar. I wonder if we can personalize our vow.

    Let me know if you have any insight. Thanks a lot!

  2. 因為薯是基督徒,而我們又身在教堂,所以基督教儀式似乎合情合理合符邏輯呢。又,那些都是真正的牧師,不過也許你仍然可以向Joby詢問一下看看是否可能有其他版本宣誓。

  3. 你好,首先多謝你,你個blog d資料好詳盡,真的幫我我好多嫁!當我有野唔明十五十六時,我都會上黎睇下你個blog有無呢方面既資料嫁!多謝哂!
    有問題想請教下你嫁!你係esdlife到講過:‘Blue Aster – 室外很漂亮,再加沙灘,但室內嘛,除非你真係好鍾意好鍾意藍色,每一張照片都近乎偏色的藍。 ’真的嗎?我上網搵過d相,其實真係唔多,官方相就唔藍,但我search 到對日本couple,真的好藍好藍,我想問你點解覺得blue aster d相藍既?

    我原本想join century travel lawrance for crystal chapel package, 但係係expo見到watabe hk 有discount for blue aster chapel $41888全包了,真的好抵,見你講過如果affort得起就選擇watabe hk, 所以咪十五十六囉!你有無乜野建議呢?
    真的唔該哂!
    另外,我去左fantasy wedding 試衫了,試左你第一件,都好靚啊,有d似full rich 件french lace(我都試了)如果join crystal chapel, 都會去fantasy 租衫的。我同fantasy 老闆提起你,佢唔記得了,但我同佢講要多謝你啊,因為你個blog張相著得好靚,所以我先去睇的!

  4. 客氣。唔係覺得,係事實。;p 因為blue aster d玻璃全藍色,所以陽光透入去都變藍,我係睇過另一對新人o既相而咁講。anyway,如果你好鍾意藍色係冇問題,但我覺得影出嚟d膚色會好唔自然,偏色。

    其實lawrance都好好口碑,而watabe hk 因為子公司,同當地watabe溝通較好,好多o野last minute都可以o係香港加加減減。lawrance 果邊應該係出發前內45日冇得改service。不過事實上如dvd、轉花球、香檳轉橙汁、花瓣雨、etc 係可以去到關島briefing時直接同watabe request的,導遊會幫你。所以而家都睇唔倒有乜分別lu。watabe hk的全包是否唔包機票酒店呢?因為我自己都唔係用呢兩間,所以只能睇評語,而咁多couple跟lawrance都有讚冇彈,只睇價錢、同時間訂埋機票酒店方便d呢兩點,我會揀佢lor。

    租衫fantasy係幾掋o既,不過我都建議你睇多幾間。

  5. momo ca

    hi, “dvd、轉花球、香檳轉橙汁、花瓣雨、etc 係可以去到關島briefing時直接同watabe request的,導遊會幫你", you mean “him"? So do you think I shall make request with Lawrence now (he says only need to confirm 1 mth b4 wedding), or it will be lower price if I request there (you know the price I sent you la)?

  6. Just incase 你唔放心, book from lawrance. If not, booking directly in guam will be a bit cheaper. (not much actually)

    em… 不過你係crystal,我唔敢答。以上係for watabe的。

  7. momo ca

    唔係唔放心,係懶咋.轉花球?轉雞旦花?
    明天我去民政署宣誓(冇預約,不知o唔ok),再去高等法院,因為姓的串法不同,唔知趕唔趕得切.

  8. Cathy

    你好,我上次去expo見到watabe做promotion$4xK全包好吸引,同bf都考慮join,不過果時未定日子. 宜家大約plan咗今年10,11or12月出發,希望下禮拜expo會有更佳offer啦!

  9. Porkchop

    Co Holiday is only travel agent, not exact direct from Continental Airline. They get the name from CO. So Same to Century Travel. Pls don’t think they are operate by Continental Airline.

    For Century Travel, Lawrence Tse is Senior Manger & Sammi Tsang is Sales Executive. They both work for Continental Airline B4, after they left CO, they join Century Travel. Lawrence & Sammi are very professional for Guam & Saipan, also for other places.

  10. gi gi

    hi…你好呀,你個blog真係超正呀^^我同男友plan o係2010年去guam結婚呀,有你呢個blog真係幫助好大,多謝你呀!

    其實令我地最煩惱就係揀用邊間agent,睇左好多人o既comment,都話travel agent比wedding agent好,仲平d tim,不過其實travel agent同wedding agent係一個有提供婚紗禮服,外景拍攝,一個就冇,其他野係咪冇乜分別o家? 我地好擔心travel agent攪文件上o既野會冇咁好,對我地冇咁多提點,所以真係好矛盾呀@_@

    可唔可以比d意見我地呀?我地係咪應該鎖定幾間想join o既agent,跟住上去聽下佢地d details,再返去考慮呢? 但如果遇到婚紗展,佢地有d agent做promotion咁點算好呀? 如果唔join又驚錯過,但即刻join又驚後悔喎,好煩呀,都唔知第一步應該從邊度入手好。

  11. HI gigi,

    我諗你先揀chapel 吧,因為最新的blue aster 一定是watabe,其餘兩大熱門,crystal 可以找century的lawrence,st probus 都係watabe。

    anyway,chapel 冇所謂的話,跟旅行社會平d,一樣可以request當地導遊同你搵外景影相,搞wedding cert 好簡單,只要你証件齊就ok,邊個做都得。對d agency o既婚紗唔需要抱太大期望,俾一兩千蚊就可以响出面搵倒o既質素lor。

    haha, 一定要join agency 的話,watabe lor,暫時未聽過有人話join咗後悔。

    又,呢篇文章內容我又改了一遍。^^

  12. gi gi

    唔好意思呀,原來我尋晚send到比你o家,我以為send唔到,所以再o係你主頁留左言 ,ha ha^^

    我應該會考慮crystal or st probus呀!我o係esd睇到有人話century的lawrence冇做喇,不過唔知係咪真,我聽到之後都好唔開心呀,因為個個都讚佢好,我都想搵佢整呀….

    你話搞wedding cert 好簡單,只要証件齊就ok,咁如果join左travel agent,佢地會唔會話比我地知要帶d咩所需文件o家?

    watable好似好貴o家喎,係咪o家?

  13. nevermind, 我delete 咗多餘果個留言。btw,我都唔清楚有冇人follow佢同做成點。但其實只要旅行社幫你confirm 教堂booking,其餘都冇乜o野要做,問題不大,係爭在你有其他request佢未必直接答倒你咁解。

    所需文件可以參考關島婚禮頁第18點下面checklist。價錢可以直接到watabe hk網站睇,睇落又唔覺特別貴,因為佢d plan 有埋禮服、DVD 同相簿。

  14. gi gi

    即係話travel agent唔會提醒我地有咩所需文件,而wedding agent就會? 定係wedding agent都唔會,要自己攪埋? 其實我好驚自己攪唔掂,又驚自己帶漏野,同埋文件攪漏左之類……

  15. 正路任何公司都會話你知所需文件,即係有效o既 passport & english birth cert,我唔知你想佢點提醒你呢。當然唔正路就乜agency都死。:p

  16. miu miu

    Hi! 你好, 你個blog 真係提供左好多資料我地呀!超正!我想問下如果出世紙已有中英對照, 只是沒有 christian name, (但 i.d. card及 passport 有) 是否還需要到 民政署宣誓? 謝謝!

  17. Hi miu miu,

    薯的出世紙和passport名字完全不同亦沒問題﹝HKID不須出示﹞,他們都是按照出世紙辦理,但這畢竟只是我們的經驗談,我不敢作任何保證。

  18. Sharon

    我想問吓, 你地行天主教儀式,須唔須要係 香港明愛/公教婚姻輔導會 上婚前培育課程(在香港行禮必須的), 然後係關島天主教會登記呢? 整個結婚禮儀過程須時多少? 喺香港其中一方教友, 婚配禮儀aroung 1hr; 雙方教友, 聖事感恩祭around 1.5hrs. 關島係咪都一樣呢 ? 因為我地鍾意靜, 但又想行天主教儀式, 所以希望你分享吓你的經驗! Thanks!

  19. 而家先睇倒呢個comment。

    我o地雖然行天主教儀式,但都只係儀式上,我們均不是天主教徒。冇課程,冇任何向教會的登記,儀式只係20分鐘左右。

  20. fiona

    你好呀,有一些問題希望你可以比d意見,謝謝!!
    因為我同bf都好細個,唔想0係香港擺酒所以希望旅行結婚,而且我預算婚禮費用唔over$5萬蚊,所以想問下邊間價錢最抵而又滿意0既呢?如果到關島結婚重雖唔雖要0係香港註冊架?

  21. hi fiona,

    文章內列明旅行社是二萬零,婚禮代理起碼四萬多。如果希望整個婚禮用5萬或以下,我諗你唔好揀婚禮代理了,反正婚禮代理基本上冇乜o野做。但揀旅行社的話,只有3間教堂可選,詳情請看上文提及過CO的網頁。

    至於香港註冊,你可以,但唔需要,報稅時填返配偶資料就可以。

  22. hi elvis,

    唔好意思,照道理係,但我都唔肯定。只肯定如果你揀Watabe o既教堂,應該唔會有太大分別,而如果你唔係揀watabe d教堂,用香港旅行社d package,而唔揀任何wedding agency的話都唔係貴。

  23. asami

    你好呀,經過你的blog,你的資料真的好好呀,我打算6月在沖繩舉行婚禮,但是不知道那一間wedding planning比較好,請問watabe,wedding adroad邊一間比較有信譽呢

  24. JOEY

    你好呀~~其實我都準備去關島結婚, 不過我唔想行教堂, 但係你post條link又睇唔到, 我想問下我係咪買package去就得啦~我見到co 有$2899的結婚package又有咩唔同呢???唔該哂你呀!!!

  25. Joey,

    請問你指邊條link睇唔倒?
    因為我係行教堂o既,就咁去結婚的話,既然co有結婚package,更快捷o既方法係打去問吓。
    最貴其實係租教堂行禮果part,就咁當自由行順道註冊,理應只收機票酒店錢。你可以去porkchop’s blog約定導遊幫你(如果佢有權follow的話),或直接跟co 安排o既導遊(如有)。再唔係自己搭的士去果d辦公室搞,詳情睇我d日程啦,不贅。

  26. Ms Leung

    謝謝你的回覆, 你的blog真係好有用
    我早前已問了有關st probus holy chapel package但不知如可選擇
    1. watabe $34000但要屈食飯
    2. Pink diamond $37800
    3. Continential $30999包機票酒店聽落好似好吸引, 但聽講好似唔係搞legal doc
    4. 我同男朋友預計2011年7月到關島結婚行禮是否需要現在買package, 還是等婚妙展先買可以多d 優惠
    5. 下次婚妙展會幾時舉行
    Thankssssssss

  27. 客氣。
    1 聽落ok價。
    2 未聽過呢間,不過都想多口講句wedding planner响關島婚禮角色只係轉介,100% sure到時都係watabe跟返,因為間chapel係佢哋嘅。睇你想唔想俾多一筆額外錢啦。
    3 呢個package應該最掋,去到都係watabe搞chapel wedding,你可以搵導遊或者自已搭車去做legal document就得。
    4 我經驗係年年加價,越等越貴。但你7月應該fix咗,只係驚有人同你爭同一時間行禮咋。
    5 sorry 冇留意好耐,但記憶中watabe同co都冇價減嘅。

  28. Mr. Lau

    你地行在St. Probus Holy Chapel內行天主教儀式嗎?
    我們來年將會在關島結婚,我們join了watabe的package, 在blue aster以基督教儀式行禮,但我們想以天主教儀式。請問可以點做呀??
    thanks~!

  29. 據我所知9x%關島人都係天主教徒,chapel行嘅都係天主教儀式,不過watabe係日本公司,佢哋好似兩樣mixup。btw,儀式可唔可改我諗你要問返watabe,雖然我估冇得改。又,其實儀式中冇誦經或祈禱果part,所以我都唔sure天主同基督教儀式有乜分別,如果你知唔該話埋我知,thanks。

  30. Fran Tam

    您好!我們打算明年中到關島結婚, 之前睇中了St. Probus Holy Chapel, 想問下join Watabe 同join Continental Airlines Holiday 既wedding package 有咩分別?因為 Continental Airlines既價錢平好多仲包機票tim。Thanks.

  31. 以我未必update嘅資料,St. Probus應該係Watabe獨家。

    或者應該咁講,無論你同co報定watabe hk報,end up serve 你都係watabe (guam),我唔知而家watabe hk 收幾錢,difference可能只o係d gown度,不過你同co報的話,事前有乜加加減減應該未必contact倒watabe guam果邊,而同watabe hk報,同一公司就可以預先做嘢lor,anyway,如果你乜都齊曬,只係加吓相呀,dvd果d其實到時直接同watabe guam contact亦冇大問題。

    詳細分別你應該問返co 同 watabe hk,畢竟我d料已經唔update。

  32. mm

    你好!好想同你地講聲多謝!有你地提供咁詳盡既資料,實在係所有計劃到關島結婚人士既福氣!我黎緊都Plan緊去關島結婚,已經刨晒你地既資料啦。真的好有用!感激感激!祝你兩口子生活愉快,身體健康🙂

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s