昨天總算到新天地九龍塘園林實景拍完照。
攰，好像擔泥一天。只是兩套衫，兩個妝，兩個造型。有人呢，有人喎，想塊面瘦一點不肯吃午餐，然後由一時半至晚上八時多，就是等等等，拍拍拍。平常最愛看ANTM，總算體會做model的辛苦。
忘，忘記帶粉撲，帶了友人送的首飾卻沒用，婚紗鞋的珍珠忘了用，忘了帶晚裝鞋。帶了參考照片，但忘記拿出來參考。算，可以留待正式時用。
醜，薯看到我化妝後第一句評語「好核突」，我自己覺得有點恐怖蠟像館加塑膠公仔感覺。雖然明知婚紗照一般都是拍攝兩團粉餅交纏扭動在一起的，但始終不太習慣，全日最開心要算卸妝一刻。其實化妝師們都係細心的了，慢工出細貨，在我身上可見的地方都拍上粉，只是真的很誇張，連頭飾也很夜總會feel，我要不斷要求「清d，清d唔該」。工作人員都說攝影後出來一切會變得自然，但願如此，星期六揀相。又，唔知係咪因為我d皮膚太敏感，化了一天妝便出了很多粒粒。
nice，staff們都很nice很casual的和我們有說有笑。攝影師亦因應我說不要太娘的要求作出配合，還有人讚我手扎的花球顏色比買的更sharp。
好，一切留待星期六揭曉吧。
廣告
如果出了相, 記得, 貓貓想看
我姊說, 當選相時, 少心不要被屈晒多, 尤其他們喜歡, 從老遠指着一些畫橺, 說加錢換加大。 在決定之前, 最好行近看看尺寸。 我姊就因此買了過大而烦惱 T_T
如果唔太醜我會share出來，太唔掂就send email比你睇算。^^
我好有信心只會揀package包的廿張相，只不過係頭盤。其實靚的話，一張就夠啦，應該唔會加錢做任何嘢。
tks~~
哈！！ 貓貓現在才知你同薯合做這個 blog
難怪有次, 我以為你換了男人相 hahahahaha
難怪，真搞笑。^^
揀相完畢，出奇地於相片中蠟像又變回人樣，我按本子辦事選了廿張相。油畫框、相片防這防那一切不加。正打著如意算盤想全身而退，誰知新天地還是有高招，效果相！！！一定要加錢才可買，其實我根本不需要效果，之後自己做便可。可惜攝影師還是很「醒目」的抽了那些我自行構思的post來做效果﹝明知我一定會買！﹞，點解唔可以買回raw photo？！激氣，只買4張效果相放回相簿，盛惠千二。
又，本打算偷走一兩張相辦，但員工全程人盯人，失敗了。借相辦要每張500按金，便不急著借了。10月8日後取相，貓貓你要慢慢等了。
hai…我都係用 coupon去新天地影了。當日第一個造型,我覺得好 ugly, 娘, 我猛要求 ‘ 清d, 簡單D’ ,但佢地又堅持 ‘ 影出來唔覺 ‘ …唉。下星期選照片, 希望如你一樣, ‘ 變回人樣 ‘ 。
冇問題o既，我都睇咗好多人o地d新天地相，so far出嚟效果好清，不少人都話化得好tim，真係估佢唔倒。