菜蟲觀測日記


10月27日晚

於大白菜上發現兩條肥美的菜蟲,忘記拍照。約長1cm,趕忙把白菜葉、油麥菜葉和牠們盛到容器,期待變出兩隻蝴蝶。上網查看都說菜蟲是紋白蝶,但我只試過由花茶的蟲養出蝎色的飛蛾、由魚糧和另一種忘記是什麼的食品養出不同的小甲蟲。

10月28日晚

牠們兩個胃口很好,掃光一整塊白菜後遺下一堆大小二便。我敢說身長已達昨日的兩倍,色澤由青綠變深了,可能食了油麥菜,亦可能是其他環境因素。換了小棠菜後幫牠拍照留念,基本上毛蟲從那裏來便應該給與那種菜。不過我可不喜歡每天吃白菜呢,斷估小棠菜和白菜有親戚關係,應該沒問題……吧。毛蟲喜歡陰暗的環境,牠倆見光便會自行爬到葉底。記得也不是第一次養菜蟲,但之前試過陽光太猛烈曬死。

day-1.jpg

10月29日晚

又變長變粗了,少說也有2、3cm。胃口一樣好,換過預留的小棠菜葉。記得還有一次經驗,沒有幫牠們清理大小二便,最後蟲蟲和便便一齊發臭,瓜了。

day-2.jpg

10月30日晚

今晚是學斗白菜,你看牠們,已經像條鳥糞般大,我覺得今次會成功結繭化蛹的。由於牠倆混身是便,我用棉花棒檢起來,小小的蟲比想像中有力。又,牠們亦是和平的動物,兩個分食菜葉,不見爭執。

day-3.jpg

10月31日晚

day4.jpg

11月1日晚

day5.jpg

11月2日晚

氣溫驟降,蟲的活躍程度大減,較少的一條從菜葉掉落,可能捱不過了,唯有寄望大的一條。

day6.jpg

11月3日

還以為是死亡,原來是蛻變,兩條蟲都有點絲狀物吐出。和飛蛾不一樣,蝴蝶是不會吐絲把自己完全包圍才結繭的。牠們會用勾勾著植物以定位。可能找不到好位,所以兩條蟲才跌到墊底的紙巾上。右邊的是本來體型較小的一條,今早還在「典下典下」,傍晚已看到牠成功從「蟲皮」退了出來,上方是牠本來的「蟲皮」,還可以看到本來的腳呢。仔細看繭,最下方是勾,黃色部份將會是頭部,外邊還留著一節節和毛蟲腳的殘跡,而翠綠的上方已可隠約見到未來翅膀的形狀,底部還有一對氣孔。本來已為已結繭的毛蟲不會從外看到牠的活動,但事實上牠們仍在不時紐動,非常有趣。左邊的蟲現在亦正在努力走出來。

nov3.jpg

11月4日

原以為另一條會於今日破殼而出,可惜還未行,唯有再等。

nov4.jpg

11月5日

今日發覺蟲蟲好像有點發霉了,為免影響已結的繭,忍痛放棄牠。薯說要為蟲蟲默哀三秒鐘。

nov5.jpg

11月6日

繭的外型還是差不多,相信要再等三至五天才可以見到成蟲。

nov6.jpg

11月7至14日

很心急,但還是要再給牠一點耐性。雖然不吃不喝,但蛹還是會動的,加油。

1107-14.jpg

廣告

菜蟲觀測日記” 有 8 則迴響

  1. 本來諗住算數,見有人睇,都係要報告一下。

    蟲蟲都係胎死殼中,唔知係咪天氣凍,雖然殼係破咗,但蛹始終冇出過嚟。

    要等下次。

  2. 唔肯定o架,可能係飛蛾,好似出奇蛋咁出奇。試過公司養另一款蟲,出深褐色蛾。
    綠水?如果佢有食有疴有結繭兼唔凍死就ok lor。其餘唔識答。

    如果想要好靚蝴蝶,去執d個樣好核突好大條果d毛蟲,中o既機會會高d。

  3. Fiona

    留言之後一、兩日未見有回音仲以為冇人會睬我…就連男性都會怕蟲蟲,估唔到有女性知音人,幸會幸會﹗
    講番蟲蟲,睇真啲妳posted嘅相,原來同我原先問嘅係唔同款,我嗰條褐色冇乜pattern呢。 (可惜冇得upload相啦)
    原來蟲蟲化蛹前會排毒,大概係咁就成身滲綠水。就係留完言之後兩日佢已擺好pose準備化蛹,點知見佢由綠變啡黑、由蟲蟲身驅變類似黃蜂嘅昆蟲樣,間中有擺動尾部,嗰陣越嚟越驚唔知爆隻乜嘢出嚟……一星期仲未有動靜,幸得專家指點,原來蟲蟲化蛹不成,宣告死亡…養咗三星期,期間俾嘢佢食、又同佢執屎抹身、仲有同佢玩,就咁冇咗,難免有啲傷感…
    期間又養咗兩條類似妳posted嘅夌形pattern蟲蟲,而且仲有幸俾我見到其中一條化蛹時脫去蟲蟲頭連前三節蟲身(而唔係全身脫)嗰刻,初時唔知的確好驚嚇,以為嗰部份無端端「燒焦」死咗,但睇真啲見佢個身有郁,而蟲身由青綠慢慢變啡好神奇。(可惜又冇得upload相啦) :O
    一隻9號化蛹,而另一隻係11號(昨天咋),專家話如果佢哋唔過冬就大概兩、三星期「出世」,過冬就要出年喎!!!!!! 嘩)))))))))) 咁睇番妳嗰隻可能「冬眠」中而唔係死咗喎?! 專家仲話哩隻係蛾蛹(知道唔係蝶蛹時有啲失望),本身會鑽入泥化蛹 (唔怪得之前成日想走佬啦),不過而家喺塊菜葉上都化咗蛹就ok喎。:p 上網搵到哩種應該係叫甜菜夜蛾啩?!
    多謝妳提議,雖然係想蟲蟲變蝴蝶,但核突毛蟲我怕未必可以接受。況且今次就係唔忍心整死啲菜蟲先開始托管蟲蟲,初時一條還可接受,但後來越嚟越多(期間有啲夭折、有啲「走蟲」)、體型仲不斷膨脹咪話唔驚,不過最後得番哩兩條,同埋再仔細睇真啲哩種蟲蟲都幾可愛嘅。;)

  4. Fiona 你好,
    諗返好似真係有出水,但因為我擺咗紙巾喺底索咗,冇乜為意。
    再試或者揀暖D先,我係一定會執條超大超核突o既嚟玩,因為咁先有驚喜。^^

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s