村屋影音篇


首先是電視,上香港格價網格價,於新的華仁會網上直銷店(吳小姐:61839155)訂了部LG 42LH20FD iDTV,選這部是因為我什麼也不懂,看spec看價就算。訂完同事問我為何不選Samsung crystal clear(相較LG這部貴一倍左右),他說「睇高清電視冇乜分別,但睇blu-ray碟或者賽車時車尾粒紅燈清好多。」囧rz……大佬呀,我連反應時間5ms同2.2ms果d殘像都唔多分得出,算把啦。其實個人最愛投影,但想深點沒可能每次看電視都拉簾,太煩惟有放棄,待我有機會再搬層過萬尺有放影室的屋才算。;p

由於是新樓,發展商當然沒那麼周到的預留後置喇叭線位,於是便選了KEFfivetwo model11,用兩隻喇叭扮surround加大subwoofer,效果算不俗,亦慳位,Amp就upgrade為Onkyo TX-SR607,sales叔叔話可以玩埋7.2,他介紹喇叭時用了很多無窮無盡、好濶好澎湃等形容詞,要薯才可跟得上了。最後又笨多次,花了千多元買2條HDMI線加RCA線,同事說「鴨記幾廿蚊條咪ok lor,digital都冇乜data lost,靚線可能d銅靚d,傳data快少少,但你連電視質素都唔多分得出,更加唔會分倒HDMI線果少少快慢啦。」

首次住村屋,地產代理告之是駁公家天線,見入牆都係正常TV制,沒有考慮太多。豈知,LG上來裝電視時才發現完全無訊號,一問之下,才知村屋是要自行裝魚骨天線的,笨了。急上av-forum求教,似乎很複雜,又要加什麼放大器,魚骨看見人家推介Maspro LS20、30或EngelEmmeesse。昨天放假,未等熱心版主七彩小生(謝謝)回覆就心急去上水廣場附近好似叫星光的電線舖買了枝LS20,近500元,還買了多餘TV線。看著說明書,似乎不難,難在上天台時,3樓鄰居好心叫我不要自己裝,一定要等薯或其他男人做才安全,好不容易說服了她,才發現原來天台位的TV線足夠拉到魚骨天線上,白白浪費了5碼貴價TV線。幸好帶齊縲絲批和較剪,响略曬的黃昏裝完那刻,必須感激科技進步,又數碼廣播又idtv的,令我不用多加調校,幾乎一插即用,我想連砌連裝都是半小時有找。

LS20不是最長的版本,但都有1.86米,不過只約重2.9KG,我都可以砌好才拿上天台。鄰居那枝較短的好像是UA204CST,但她說高清台亦夠清了。

Maspro LS20

看,多有成功感,高清翡翠台,我又升level了。又,現在沒加放大器,如想收回analog電視,相信難度會高點。
HDTV

最後,睇碟打機選了PS3,當然又是在巴巴超遊戲社買。唉,始終離不開宅女生涯。

村屋影音篇” 有 29 則迴響

  1. 哈哈,難得你享受村屋這種事事親力親為。不過,我的天線是由"師傅"裝的,因為坐向、角度有點技巧,你竟能自行安裝﹖想必有前人指路﹖

  2. 七彩小生:

    ok, thanks.

    明:

    我本來都諗住搵師傅,不過未聯絡上就自己做咗實驗咁lor,估唔到又ok喎,所以我話數碼廣播好lor。又角度坐向都係跟晒隔離左右d屋lor,我諗大家都係指住九龍坑山。

    另,睇倒幅電線相,知道九龍坑山位置,太陽位置,我諗有心人已經可以計倒屋苑位置。哈,好在冇人會嚟尋仇o者。

  3. 嘩,第一眼看還以為這是薯寫的,但看清楚才知道原來影音部負責人和技術員是淘…….

    另,能夠睇倒幅電線相,知道九龍坑山位置、太陽位置,就估到你在那裡的人,應該都幾強下。

  4. hevangel,

    哈,你咪嚇佢啦。

    porkchop,

    喇叭同am都未到,到我砌好埋成套o野果陣……就真係能力越大,責任越大。btw, 都係揀小牧,bb應該差唔多出世了。我同幾乎所有屋企人都係揀小牧,未問或唔鍾意狗除外。

    tzigane,

    我自己睇時都係咁諗……可惜……well, 佢貴人事忙ahma,算。
    我已經俾咗足夠hints,神探伽俐略實搵倒。^^

  5. 日期、略曬黃昏、高清台節目、九龍坑山位置、天線方向、屋苑外貎……

    哈,好在世上冇咁多個湯川,就算有,都唔會咁啱同薯有仇。;p

  6. hevangel,

    最好等我o地搞掂晒先嚟啦,7月可能連水都冇得過你飲。;p 話分兩頭,你有心入嚟行吓當然歡迎。

    記號士

    村屋度度唔同喎,即使我o地個屋苑,都有d係同隔離戶痴埋一齊,係咁啱我o地响屋苑最入,所以叫做遠少少。

  7. 我星期六晚到﹐星期二黃昏飛﹐恐怕沒有時間看你的新屋了。
    我星期日和星期一晚飯也book了﹐星期日下午茶時段或晚飯free﹐有沒有時間出來飲杯野﹖

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s