買二手車全攻略


Echo verso 1

警告:以下並非為買二手車唯一途徑,亦不一定是最好途徑。

事先準備:

網站:28carcar8或車行等;

出心出力識車朋友:1名或以上,細佬朋友「教父」為主要幫手,佢係建築公司老闆,玩車經驗10餘載,坐擁十來部不同廠汽車,有自用亦有出租,佢細佬開車房;

相熟車房:1間,可請識車朋友代為轉介;

錢、身份證、有效駕駛執照。

1. 先响網站找到心水車,約賣方試車。

我要的是代步工具,主要二人用,但有時亦會載親戚朋友,仲有拉茜同有位放盤栽之類。我係十幾年牌o既新手,要易揸,慳油,牌費雜費平,撞咗唔駛肉赤,budget3至5萬,越平越好。;p

識車S君教先睇係咪新凈,幾字牌簿(0字等於一手車主,1字為二手,如此類推。),里數越少越佳、是否直版即冇改過車,因為多數撞車才會大改,加少量包圍或燈那些視乎你自己喜好了。佢強烈推介本田JAZZ,因為慳油同埋……佢用緊。B君:「推介Benz SLK,價錢相約,但出MK可以『食自助餐』……」,但他聽到我唔需要,便繼而推介Golf,smart car。E君:「推介Benz A仔或Mini Cooper,比較偏好大牌子,朋友揸開都唔一定要整,睇你好冇彩。差唔多價錢級數好唔同呢,我識人响Benz做唔係難搵零件o架。」有車很久的C君:「買日本車啦,Toyota,實用,整車易,Benz揸A仔不如唔好揸Benz。」

綜合意見及網上資料,本來打算試:

M2

Mazda 2:靚仔,內籠又皮座又剩,平價得嚟最有房車feel,上網亦見人話油門反應較快。但教父話Mazda冇咁好,5、6年貨仔倒開始多手尾要跟,C君亦話較易壞,日本車唔好諗,一定Toyota。

Jazz

Honda Jazz:S君至愛,佢話靚仔慳油,內籠最寬敞。但網上好多人話02年波箱可能有問題,而且教父同C君都話論實用,Honda唔及Toyota,Toyota好少需要整車。

A160

Benz A160:純粹牌子問題,第一架車揸Benz喎,實有d虛榮啦。但教父同C君都ban,話有乜事要整要等零件,可能唔見條匙配返都要4位數,維修費實貴過豐田,所以不作考慮。而且屬1600cc,牌費每年貴千八。

Mini Cooper D

Mini:外型夠cute,我鍾意,但內籠細,較唔實用。

YARIS

Toyota Echo: 冇人反對喇,係我嫌尾箱睇落細少少,所以揀Verso版。對,Echo是 1999 – 2005 產物,05年後都叫Yaris了。

2. 睇車:

就賣家同教父約响元朗雞地試,教父只睇外型、話新凈,開頭冚話冇漏油冇剩,問我對架車意見,我ok佢先試,費事阻人,咁我ok先約賣家jima。佢幫我試咗一小段連高速,話好力,又算行得少,咁o既價錢掋啦。跟住讚咗豐田車一輪,幾字牌簿一概不理,搞到我懷疑佢同賣家係咪識得o既。結果……睇咗一架,冇乜講價,扑鎚。S君話舊、貴,唔係原廠拎、唔值。算,都係信教父,鬼叫佢出心出力。

3. 手續:

本來呢d時間應該落訂3至4成、驗車之類,冇識車朋友可以搵HKMI呢類流動驗車都得。但教父睇過晒,叫我牌費到期即下年先驗,亦可以簽定臨時買賣合約,列明買賣雙方、成交期等等。但賣方好nice,不收訂、亦不用簽約。我們定了一個星期交收,賣方自行交低牌簿到車行,我只是影印了駕駛執照連身份證副本,簽個名。車行收50元,代辦燕梳及轉名,查有否罰款未清,若未有牌費續埋牌費等等。運輸署收1000元轉名費、車牌賣家不留起,所以照用。牌費詳情可以入運輸署睇。

4. 燕梳:

關於燕梳,我牌over 3年,歲數遠超25,冇NCB(no claim bonus),1300cc車,頭一年要3000元。司機落我同細佬兩名,假設有事要賠償時,保險公司基本扣起賠償金額5千,借車俾人又扣5千、借車俾唔夠3年牌同唔夠25歲各扣起5千,最多扣兩萬。咁即係話,如果你借車俾個唔夠牌唔夠歲o既朋友揸,撞咗最好咪claim,反而加20%落ncb好過,咁下年保費平20%,每年累積上去。好似教父呢d咁耐都未claim過o既,就千零蚊一年保費一架3000 cc以上車。亦可以上網搵,我諗間間都差不多,如這間,保費都仲可以免息分期。唔夠錢上會都可以搵呢d,但汽車一般利息貴,over5年日本車亦難上會。

4. 收車:

賣家交車,我俾錢,收車。跟教父去相熟車房,擺低換偈油,車房d人話vvti引擎的設計,偈油唔入得多,所以每8千公里就要換,又幾佰蚊。Break皮、油隔同唔知乜隔要換,又千零,但總括就只係咁多,偈油一定要凍車換,所以泊低第日先走。

以下是題外話:

5. 停車場:

除屋企外,再多找了個火車站旁的露天場月租,以後就可以點對點駁車,唔駛再嘥時間等小巴lu。這個場夠大,離入口偏遠多吉位,我每次都好懶咁直插L位,唉,揸車可唔可唔駛泊車?有錢買架BMW自動泊!

6. GPS:

對路痴來說,GPS是必須的,我用了HTC new generation內置的Papago,永久免費,S君說粒chips太細,定位差,但教父都用HTC,二仔底死跟。so far ok喎,定位快,係有時不准調頭位叫你u turn,有時導航d路唔係最好果條,但overall算平靚正。

7. 油:

教父叫我唔好入中石油,S君叫我入鬼油,靠害,第一次入了shell V-power。

就這樣,糊里糊塗做了車主,下次各位見倒前面出現這部echo verso,後面貼住新手上路同dog in car,記得讓我,呵呵。

8. Bonus:

發現10年前o既manual仲原封不動,等我可以慢慢摸。另放Yaris Verso brief guide於此

特別鳴謝:教父check車教車,仲有我細佬o既人情牌。

PS 呢架99年echo verso打算平讓,我會用到14年頭啩,牌費至14年2月,咁耐都仲係揸咗8萬幾km咋,有興趣o既朋友send email俾我留個電話啦,thanks。SOLD。冇大撞過,斷估仲可以揸多3, 5, 7年,當然你之後可能要換cam帶果d,但豐田車真係幾好,冇乜嘢好整,簡簡單單。

買二手車全攻略” 有 7 則迴響

  1. Echo是穩陣實用之選。論value for money的話,遠比你上面考慮過的車種優勝。

    想薯學車的話,或者裝部靚仔音響,讓他可以邊駕駛邊享受他的richard clayderman?🙂

  2. lok 哥,

    d豆腐有冇爛先?

    tzigane,

    相信都係,anyway, 我諗只要架老爺車行倒4、5年,乜都值晒咯。想薯學車的話,除非移民,聽音樂呢d o野,佢只會好專心咁响屋企聽。;p

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s