炒車記


Crash1

好快,就炒ed。仲要慢車炒,難怪有人笑。

event 3

其實點解會炒?我都唔知喎。本打算向後扭向左,再右轉出一個貨車上落貨位置。事件完全可以避免,踫到右邊貨車車角時我應該停車,扭返向前,直車再出過。但當時唔知點解傻咗,死扭出嚟,就咁車頭燈罩,沙板之類報銷。不幸中之大幸,兩邊全是貨車,我扭爆晒出嚟,對方完好無缺,不然,賠死。薯繼續指責我應該這樣那樣,我還是那句,學車吧。但即使再炒大d,我想他會建議搭的士。;p

為免入水燒埋箋燈,用膠紙保鮮紙頂住先。

Crash2

又係麻煩教父時間,果然,揀Toyota完全正確,任何零件均可找到,問題是要到我有時間去擺低架車搞搞。同埋,$。anyway,相信不會再有同樣炒法,唔知有冇鳥瞰式鏡頭睇晒4角,有就拿林裝,到時好似玩GTA咁泊,仲駛諗點扭?^^

Advertisements

炒車記” 有 17 則迴響

  1. 其實新手整花係好正常,所以我第一部車都係幾千蚊,全身花晒既車。到第二部"四正"D,第一日揸就撞到雪糕筒,整花晒個泵把,幾日後整花埋個車門。妳果個情況,更加係老手都可能唔識救。

    不過,雖然多D配備易睇位,但係其實揸車有時都係靠經驗既直覺。

    小事一樁,唔緊要啦。

  2. 棒下出孝子,嚴師出高徒,只有鐵碗政策,才可磨練鋼鐵意志。

    普天之下,惟有父母會對子女仁慈,老師不會,就算老師會,老闆也絕對不會。在溫室長大的孩子,不懂面對逆境,一遇錯折,動輒放棄,甚至尋死,真係生舊叉燒好過。

  3. 車只是身外物,人無事就好。在這樣安全的情況下經歷人生第一次炒車,好事也。

    你說的鏡頭,在香港應該不難找。不過,你的車那麼小,應該不需要這種系統吧。裝四角sensor已經足夠了。

  4. 明,

    論凹凸,你咁溫和,我唔信你老婆蠻不講理。:p 哈,當然我明唔係咁極端o既,我都嚴,但總會放,薯則善打持久戰,同佢鬥耐力?死梗。

    tzigane,

    我諗係我個腦要裝個sensor,我個問題係,明知掂倒,仲唔肯停,心急想出咗嚟先算,其實根本冇必要。不過,相信冇下次。唔同炒法就會有。即使停响私家車禁停位置,要俾人抄牌都係幾百蚊,整車雖然又係一千幾百,但超樣衰,下次我會豪俾佢,係咪都停車算。再唔係施施然行落地睇埋位先郁都仲得,只要完全唔理會俾人呠俾人小就ok。;p

    另,我唔係第一次炒車,响真係十幾年前新牌時借朋友車又係倒車撞欄凹少少,果陣連倒車sensor都冇,又係窄位調頭有車催緊我咁上下lor。

  5. 哈,我細佬仲想遲d借嚟幫人做花車,都唔知仲得唔得lu。一係把心一橫大改,不過冇人肯俾錢。;p 話時話點解d 車唔可以响四角裝海棉呢?

  6. 另,其實好多機器好似本來都係為男士而設咁,乜都好似大陸咁,說明書求其,樣樣要求用者sense,經驗,etc。車本來係實用、代步工具,點解唔可以簡單d?點解個軚要扭o即?點解唔可以好似PS3 d joystick 咁推上推落o者,橫掂都係架車行jima,就係為咗d男人o既手感,咁耐以嚟d軚位都未改過。將架車改到好似人o地d自動輪椅咁控制有幾難喎,總有d新手或大部份女士係唔想理佢幾時轉波,上斜要有乜setting,又要手腳並用咁o架。整架jelly car 出嚟,用joystick 推,setting 自己搞晒,個轆又可以自己扭咁咪fit晒lor。日本車廠係時候要搞搞新概念啦,到時大人細路男女老幼一齊有私家車坐幾好,最好全部太陽能兼免揸。;p

    妄想完。

  7. 其實我覺得妳個意外係用尾出所致。因為大部家庭車都係頭轆轉向,用尾出會難D,我而家都唔識(如果我真係用頭入,通常係確定可以成架車用尾出晒先轉軚)。

  8. 但係用頭出都睇唔到尾,但係好少人會揩到條尾喎……

    大約一年我就換車,因為當初架車真係太殘。放心啦,一年後妳就會比較得心應手,至少知道邊D位唔好搏,到時可以同薯個個星期寫下遊記。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s