伽俐略返家


Galileo 1

各位好,我係伽俐略,我來自hk cat city,上星期終於來到薯淘家。

Galileo 2

我食得瞓得玩得,最鍾意指使淘幫我清理貓砂、煮飯過我食。呢個工人算係咁啦,所以我無聊時都鍾意幫佢按摩,最鍾意佢身上多肥肉,左一腳牙右一腳,佢似乎好受落,我又踩得幾舒服。薯就成日掛住寫文,唔理人,所以我都費事理佢。

Galileo 3

嗱,你記住我Breeder亞Ray講過,我要成日飲乾淨食水,朝早勉強同你哽吓乾糧,夜晚要食鮮肉腸或者其他罐頭濕糧。最好就有烚雞肉鱈魚肉啦。仲有,唔少得super fat 營養粉、鈣粉、美毛粉。貓砂用兩大袋濕水會變固體果種放落砂盤就ok,我會自己識去方便,記住每日同我清理呀。有眼屎就用濕毛巾幫我抹吓,怕我蛀牙就要滴牙水。個零星期你怕我抓親你就同我剪吓指甲,小心咪剪到我留血呀吓。仲用棉花棒同洗耳水幫我抺吓耳仔,但唔好用水喎,試過有同類因為耳仔入水發炎醫唔好而死。仲要用紙巾同我清咗肛門腺d分泌物出嚟。我唔鍾意濕水,兩三個星期用枝專用乾洗沖涼液幫我抹吓就ok。不過其實我本來就係愛乾凈o既動物,就算兩三個月唔沖涼,而薯淘家有成日拖地的話,都唔會好污糟。另外,每個月要用一枝revolution幫我除蚤殺心絲蟲之類。之前打咗3針預防貓瘟、病毒性鼻氣管炎同卡他性病毒,但仍然要每年補一針。新屋企有晒蚊網就好,如果唔係我得閒離家出走你咪怪我。我係高貴愛自由o既靚女,唔會俾你用繩綁住。魚缸最好關好,我唔保證隨時肚餓拎d魚仔醫肚o架。

係咁上下啦,有乜我會再通知你喇,你返去等消息啦。

廣告

伽俐略返家” 有 12 則迴響

  1. 呵,而家已經係,有野貓、家貓、龍貓、熱帶魚、野鳥、蝴碟蜜蜂蜻蜓甲蟲蜘蛛蟻四腳蛇田雞曱甴可能仲有蚤,又有人tim,同埋拉茜就快返。數都數唔晒。

    咦,啱啱發現,公司將
    http://www.horace.org/ 定為entertainment 類,又blocked。奇。

  2. porkchop:

    是否打交無所謂,我最怕佢地整爛傢私,特別係屋企套音響,雖然暫時無,但都要做定預防措施。

    hevangel:

    應該關你那些「性感卡通」的影評事,無被歸類為色情網站,已經好好彩。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s