香港人簡易淘宝


似乎沒改錯網名,村姑淘近來經常淘寶,就分享一下經驗吧。

閣下需要:

淘宝網站一個http://www.taobao.com/

進內免費用email 注冊。

email register

注冊時同時tick用該戶口注冊支付寶。

成功開戶後就可以挑你要的貨品,請先查看海關列明的違禁品,若屬可以進口,請繼續。

filter

與其找最平的貨,我會先選所在地,尤其是比較重的貨品,由遠方送港的話,運費會貴很多,此處假設各位沒有國內朋友代收貨,有的話運費便宜很多,我通常由深圳起找。送小型傢俱都只是百多元人仔,然後是價錢和信用評級,價錢不必是最平,反而有較高評級的會可信一點。

然後幾乎是最煩的步驟,用繁體版阿里旺旺詢問賣家肯不肯寄香港,運費詳情。這裏可以體驗到內地人文化,你說買時什麼都應承你,之後發不了貨、違禁品不能寄、有破損、快遞問題不負責、超區補錢,樣樣煩。我試過打IDD都打10次8次追貨,但最後仍是失敗,有泥植物寄不了港。但幸好賣家仍關注自己信用度,可退款。

我傾向用購物車選貨,方便一筆過付款。一切順利的話,賣家幫你改好郵費,便可付款了。最初我用有 VISA 驗證的信用咭如HSBC、中銀、渣打,有說master現在都可以了,但要收3% charge,每次要入很多details,而且之前試過賣家包郵、合併付款都不行。

現在乾脆都用香港淘一站算了,有新的淘点呢:

http://www.taodot.com/

注冊好你的資料,支付寶的帳戶就是你注冊淘宝的email address,計好你需要的貨的人民幣等值,入錢到他們香港的hsbc 或中銀戶口,保留入數紙,於系統填好詳情,等一兩小時,待充值完成,再於淘宝付款,等送貨。而家仲可以响OK買充值券tim,詳情睇佢個網啦。

淘點唔work lu,可睇通告,中銀信用卡暫charge1.5%。

order

之後查看我的淘宝 > 已買到的宝貝,到賣家已發貨後,他們會把物流程況輸入,憑內裏的單號,可於快遞網站追蹤貨品。不過,其實深圳的貨品,如無意外今早訂,明天已到,也沒必要check。是像我訂植物的,淅江那邊往往要三四天,又怕苗死了才要追蹤。緊記收貨好才好確認收貨,到時支付宝才會放款給賣家。然後可以給對方評價,若不投訴的話基本上7天後會自動好評。

煩?對,但當你看到yahoo拍賣、或其他中間人,收貴你一倍價錢只是幫你打這些少字時,自己多做點還是值得的。

PS 而家成日用iPhone周街淘宝,尚算方便,唯一衰在OVER200蚊點開通手機都PAY唔倒,係要用PC再開機俾錢,個額加大D都得啦。

PPS 都得喇好似,我講緊繳費靈。;P

香港人簡易淘宝” 有 33 則迴響

  1. 做黃鑽有VIP卡, 有些貨品會額外再打折,八折至九折不等。另外,有些功能只有做黃鑽才能用。例如按圖格價。就是說,你看上一對靴子,它會把全場賣同一款list out,令價錢一目了然,自然可以選最低價的。可不要看少這功能,以我的經驗,同一款貨,價錢可以相差RMB20-40不等,用打折的角度去評,就是同一款會有些低至六折。

    呵~~~我基本上能穿上身的都會在淘寶買。😛

  2. 其實只要商家是好幾個鑽石級的或以上,加上人家評的分是4.8以上,都是信得過的好店。一般你熟識物流的供應商以及價錢,就不怕被騙。他們對香港人也算不錯。偶有小禮物之餘,他們會覺得有多一個香港客是他們的honour呢~~~ 也算得上是衝出中國嘛~~~ 呵~~~

  3. um… 似乎植物果d 單睇幾鑽都冇乜用,我都係專揀高級o既seller,不過到同佢o地 deal 時會發覺某d seller 9唔搭8,尤其追貨期幾難。anyway,寄衫同d冇限期o既貨我諗相對冇咁煩。

  4. Keaniny

    正想學習如何「淘宝」,google 了一下即來到這裡。
    文章資料非常詳盡,對完全不懂「淘宝」的我,閱畢後都有了個概括的了解,真的很感激呢 ~ ^_^
    而文中所介紹的「淘点」增值較諸 visa 及其他方法,個人覺得是既安全又便捷的方法。

    本人因而循著此 blog 所述的方法申請了「淘宝」帳戶,並一併申請了「支付宝」帳戶。
    但去到激活「支付宝」帳號時,網頁要求輸入中文名字及身份證號碼,我就有點猶疑,問問自己有這個必要嗎?

    想問問樓主都是照實填上?還是 … ?:P

    請樓主賜教 ~
    ^_^

  5. 謝謝留意,

    係呀,要如實輸入姓名及身份證號碼,我唔知道作得唔得,但我就好乖咁遵守遊戲規則,因為我希望seller都係一樣。

    而且到買o野時,都要名、電話、地址,後兩者點都要係真o架喇。你作咗假名叫陳大文的話,收貨時又要記住自己係陳大文,又或者唔記得login name password果d又要用身份對,要成日記假o野太麻煩喇,所以我俾真o既算,so far好似冇乜後遺症。^^

  6. 引用通告: 淘寶受訪記 « Bakingmaniac‧烘焙狂熱份子

  7. 唔知喎。

    斷估一般信件應該賣家肯寄就得,又斷估佢哋唔會識分咩信箱打咩信箱,你俾錢俾地址佢就肯寄。不過你應該直接問賣家。

    至於大件要有人收貨o既,郵政信箱應該唔得喇。

  8. KK,

    冇試過,你指你改咗姓名,而唔係改咗支付寶賬戶email address?如果係咁,淘點應該冇需要改,因為佢o地用email address果個賬戶名入錢俾你。

  9. Fish

    其實依加大陸海關好多野都5出入得口/要打稅,, 其實有冇咩方法解決???
    eg. 我想係淘宝買d藥粉, 但d賣家就話出5到關.. 甘可以點?
    佢地會5會肯幫手pack好, 好似d衫甘寄???

  10. 你自己 / 朋友幫你喺大陸收貨&帶過關,不過捉倒都係犯法,後果自負,所以如果係我會放棄。至於個別賣家肯唔肯幫你,你應該問返佢。

  11. 收到藍莓苖啦!沒有被騙!寄來有包了些小泥,過到海關,上海5日到香港,包裝唔錯,只係甩咗3塊葉,仲好鮮綠,我買了2顆2年苖,上面都有幾粒藍莓!其實有D Seller應該OK既,如果間店咩都有得賣,通常都係呃人。我揀咗好耐先揾到呢間,去園藝Forum睇到好介绍先買。

  12. thanks~
    唔一定唔得,好似長洲都有桵花咁。凍眠可以用雪櫃。
    不過但凡種d唔啱區域o既植物,難打理之餘,仲要預咗可能會多d病,亦可能最後都係唔掂,始終冇土產植物咁適應。

  13. 試用中銀卡俾錢,仲方便咗,入曬details佢send sms去你電話再confirm。不過雙幣卡唔得,要普通visa 或master先得。唔使充值支持寶,直接俾錢,係收1.5%lor,不過即係100蚊先個半,豪俾佢啦,又唔使atm入錢,終於似返個正常網購。

  14. 我都係用中銀卡。但係有D店係唔收信用卡既。試過有一次落咗單,比錢時信用卡付款既頁面正常,但係就冇send sms比我,搞咗成晚,以為係支付宝有問題,點知問吓賣家先知唔收credit card…結果臨急臨忙揾幫人増值既seller。銀行入數然後email confirm,冇淘點咁快但係都算幾方便。不過通常唔收卡既都會出error page既。同埋我覺得而家用credit card 快捷付款太方便,好容易不知不覺又買多咗野!(唔會因為諗住支付寶只有$___而就住黎買) 大家要留意哦!

  15. icic,thanks,我都唔知有人唔收信用卡,我以為係支付寶a/c代收o既tim。下次再有咁case,會問清楚seller,但凝住seller未必知。或者佢嫌煩直接話唔收。;p

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s