人梳 VS 狗梳



早前替拉茜團購的Madan Scalpmaster 126,用處起初我以為是梳底毛去塵同時解結,但昨天高人Cat說解結不應用這把。我想要用較專業的解結梳吧,但算,反正每天梳不多結的話呢把ok……o卦。我都係不求甚解,冇玩狗展d網友咁有興趣。

近排拉茜d毛開始粗,我諗起可以用豬鬃毛幫佢天然護毛,計落好似可以慳返護毛用品錢咁,(經濟薯上身tim)又見網友們提起便打算向Cat訂以上這把較便宜的 Plush Puppy 猪鬃梳 PARCUPINE BRUSH(實際上是bristle + nylon) ,尼龍較長身,可梳底毛,而鬃毛可以將面毛油份由毛頭帶到尾,用狗的天然油脂滋潤自己的毛。

就在找梳的時候,問題來了,拉茜的洗毛水比我們的貴已算了,現在連用梳也比我貴幾倍,我還是用譚木匠的小梳,遊上海時買還覺得幾十塊人仔貴。玩狗的網友們可以豪花幾千幫狗狗扮靚而自己不捨得自用,我可是呷狗醋。

上網又看看,終於給我找到英國皇室人員專用,全人手做的Mason Pearson,唯有做d港女事,豪一豪訂了把B2。本來想在ebay訂,但同cat訂更快有貨,以為是黑色,原來到我手是Ivory White,也好,夠特別。但那把清潔梳仍是黑色。不過,咁大把梳又唔會出街用,算吧。豬鬃毛感覺似塑膠,但末端顏色略偏啡,梳落頭o既感覺係ok舒服,同埋我呢d頭油婆真係可以將成個頭整到「令」晒,但可能我頭髮薄又短,期望太高,未去到cat所言的「上癮」。而家睇起嚟,呢d刷有d似以前亞媽洗衫洗地果d刷,點解去到英國身價可以爭咁遠。

祖國(品牌是台灣吧)的潘朵拉梳針用24K金造,但較某些狗用梳還便宜。我知世上很多有錢愛狗人士,自問未有興趣到達那個水平呢。始終,要我和狗分一張床,一杯雪糕或french kiss等等,都是不能想像的。所以,一於自己用pearson,拉茜用plush算。

又,上潘朵拉看到原來世上90%豬鬃毛都產自中國,難怪明明是第一次買,總覺得很熟悉,以往的刷子都是這樣的,毛似乎還要軟一點。

Advertisements

人梳 VS 狗梳” 有 8 則迴響

  1. 有d人真係餵外國入口羊扒呀牛扒過佢o地,我唔會lor,但都會平平o地遲d俾佢試轉Barf。唔係特別對佢好,只係見個價唔係爭好遠,想d屎冇咁臭執少d咋。

  2. 題外話,問完cat佢話pin brush 同 bristle + nylon 兩把其實梳底毛呢個function 一樣,bristle呢把加埋護毛,咁我做乜買兩把呢……傻咗。唯有兩把交替用直到拉茜老死,如果兩把梳keep倒十幾年都掋ah。我把Mason Pearson 據聞可以keep幾十年o架。

  3. 如果非洲饑民知道地球另一端有人用牛扒或羊扒餵狗,不知他們有何感想。

    另,如果將來有細路,他不會吃得比我好﹝最多一樣好﹞,何況係隻狗?如果狗食AAA牛扒,那麼我應該吃甚麼?滿漢全席?否則,我豈不是間接承認,我連狗都不如?

    我知道有些狗主喜歡自認猪狗不如﹝狗食進口牛羊扒,自己食大家樂或老麥﹞,但我不會。

  4. 有乜好諗,怪自己生錯時間、地點lor。耍,如果你個仔肯食海鮮,或其他你唔食o既o野,佢算唔算食得比你好?

    題外話,把梳說明書寫明not for animals,亞cat話「梗係啦,唔係d英國皇室成員咪…」哈哈。

  5. 想狗屎冇咁臭﹐淨係餵佢食乾糧﹐餵罐頭一有肉就臭。

    如果狗食AAA牛扒﹐你應該食乜﹖食狗囉。同神戶牛柳的道理一樣﹐食AAA牛扒的狗﹐肉質一定好美味。

  6. 「想狗屎冇咁臭﹐淨係餵佢食乾糧﹐餵罐頭一有肉就臭。」

    好多人做過實驗,結果啱啱相反。我俾homemade熟雞肉佢,d便便都係冇狗糧咁大浸味o架。如果食生肉,有埋消化enzyme味會更輕,或者你可以睇吓barf

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s