又是續牌時


網上牌簿一例

前幾日忽然記起2月要續牌,一看之下是2月13日到期,還要驗車。上運輸署看到原來到期前4個月已經可以郵寄續牌,需時10個工作天。

必須文件為:車齡6年以上私家車要有公證行的驗車證明、牌簿正本(我找了很久,還以為不見了,教父話原來唔見牌簿要報警,俾人執倒可以轉咗你名,但補領返都係80蚊)、第三保保單副本(又係唔知去咗邊,anyway,呢d搵返你買保險代理就得)、身份證副本、3個月內住址證明(據聞如有告票發到你這個地址,不能以寄失為由欠交)。

是次驗車本來想上網搵D話幾百蚊搞掂o既,但又係有人叫我唔好,話陣間驗到你呢樣要整,果樣又加錢你點算,唔老實車房o既手法層出不窮,無謂搏。所以最後又係「相熟」車房,well,教父細佬安仔車房,去多幾次就熟啦。

賣廣告:鴻昌汽車服務中心
地址:屯門青楊街十二號鴻昌工業中心一期地下A1-2
電話:24665116
由於佢門口唔係泊倒好多部車,安仔又長期忙碌,敬請預約。

我部車可能副偈d膠老化lu,上網d人話好多舊車都係咁,滲偈油,之前教父幫我睇過扭實過所有可以扭o既地方,都係少滲,而家每個星期入少量偈油由佢滲,4L百零蚊都滲倒成季。本來驚滲油過唔倒關要換波箱油毯之類,教父又話可以一次過順手換埋cam帶。心諗,死得,冇一餅都落唔倒樓。但其實部車幾個月嚟只係行咗3千幾公里,行多幾年total都冇10萬,所以同安仔講乜都唔整,續倒牌就得。幸好,最後佢話一齊正常,係d軚跣叫我快換,同埋問我做乜OD off咗(overdrive off,唔用4波),又唔係成日行山。我純粹諗住好力d,忘記咗食油呢個問題tim,難怪上手賣家話7、8亳/km,我最平時都1蚊/km啦。是次驗車1k加埋牌費,5k有找。4條軚2k左右,well,盡快啦。有佢代辦續牌,煩少樣,車响兩三個鐘後攞返。

禽晚泊位太黑又un埋草叢,今次醒喇,一聽倒聲即刻停,還原架車再泊。泊好check過以為無事,朝早才看到左前bumper方有個冇油o既位「爻爻」o地,(唔知叫乜)不過照計不影響行車,下次換軚時睇吓可否順手dup返靚。睇清楚原來係膠嚟,自己搞掂,yeah!

ps 炒過車o既人,係比冇炒過o既冷靜。<– 自我安慰。
pps 技術如我者,坐駕外觀依舊似完璧,應感恩。新年願望除發達外,應是更小心駕駛。^^

又是續牌時” 有 3 則迴響

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s