OK Plan B


再重申:
我不想要小孩。

原因:
1. 錢,本來可以早點退休;
2. 時間,根本不夠用;
3. 麻煩,我怕煩;
4. 我責任心重,所以不想負責任;
5. 生小孩很痛,不論自然分娩還是開刀;
6. 我家族頗多遺傳病、糖尿病、血壓高、心臟病、癌、單是鼻、喉敏感類已夠辛苦;
7. 生了小孩我大多會變肥婆,基因問題;
8. 生了小孩,我的人生目標就變成小孩這樣,小孩那樣,「自己」已完結;
9. 生老病死原是苦,朋友說人生有很多開心事,對,但只是一種被逼落場玩之後的補償,有否想過本來不必進場?不必比較,不必受苦;
10. 這個世界越來越不適合人類居住,當然總有出路,但何必辛苦;
11. 十年樹木,百年樹人,難;
12. 我根本不特別喜歡小孩,如果生出來可愛聰明,當然會開心,但如果生出來是唐唐或有其他缺陷呢?理性的我知道我會想將之人道毁滅,對他或對我都好;
13. 自私的是基因,為何我要被它牽著鼻子走?
14. 我不特別怕老來孤獨,不是不怕,而是知道人生來就是孤獨,每個人總有某段時間孤獨,不是每個人會結婚生小孩兼有一堆子孫陪伴的,既然知道自己不想老來孤獨,又可必逼他出來受;
etc etc

不必說服我,我知道,
1. 生小孩有好多樂趣,但他不是玩具,不是用來給我調劑生活的。
2. 生小孩可以養兒防老,但我自己要供養父母,我明白這個責任有多重,我不打算靠子女。
3. 領養的小孩和自己生的不同,對不起,我不明白由嬰兒養起有何分別。可能我缺乏人性。
4. 唯一一點,是我以為生老病死是苦,我自己不想落場玩,不可以代表我的小孩也不想,也許他很想,我不知道。但無論生育與否,我都是替他作決定,沒有分別。

薯不能說服我,只能懇求我。ok,誰叫我是順德人,誰叫你有那麼多理想、使命。寫這許多,因為人家說,說了出來就不會有,姑且信邪。相信薯會生氣,但沒法,我向每一位女性朋友說我不想生,只會換來一大堆「生仔的好處與經驗分享」,更別說男性了,「生,生多幾個」。

不想就是不想,亞仔/亞女若將來看到這篇文要知道:我是對事不對人的,假設我不幸懷孕了,我會是「煮到嚟就食」的人。近來在車場上看見一隻討食的流浪狗姑且會專程買包狗餅隔幾天就餵牠,又可以無視你到什麼地步呢?懷孕百科、basal temperature test、弓型蟲test、各款奶粉成份比較、布尿片與紙尿片比較、醫院比較、幼稚園、小學、教導兒童方法之類我都有認真做 / 讀。總之,要做的我都會做,但假如某日你問「點解要生你出嚟?」,希望你唔好怪我唔識答,「問你老豆啦」。

廣告

OK Plan B” 有 13 則迴響

  1. 妮妮

    總之各人頭外上一方天, 每個人都有自己的思維, 免強就無幸福, 自己做自己喜歡的事就好了, 我覺得有小朋友開心, 咁我就生囉, 你覺得有小朋友可能有機會煩足你一世, 咁就咪生囉, 各式各樣, 無須千篇一律, 幾好吖! 我喜歡的未必是別人喜歡的, 別人喜歡的又未必是我喜歡的, 何必希望人地都跟自己做同一樣嘢呢! 比喻夫婦或至親的家人(父母兄弟姊妹)都冇可能完全一樣性格和喜好, 所以我重來都不干預別人的喜好, BB的事, 夫妻二人應該婚前有共識就得啦, 唔需要其他人勸三勸四, 從我的人生經歷裡, 都接觸過不少人與人會有好多爭議問題發生, 正如社會各樣的爭論或再廣大去國家政治的爭議, 總之永無休止, 如果人人都冇意見, 就是變得冇進步, 人人都有好多意見時, 就會變得複雜和煩惱, 唉, 人生就是這樣, 淘的情況妮妮是感受到的, 淘, 如別人再跟你說服你生bb, 你試吓立刻扯開講另一話題, 如果唔係, 又嚟一次佢有佢的理論, 你有你的理論, 我通常當呢d人唱歌, 聽完就算, 唔想聽時立即轉話題, 不過, 我認識一對夫婦, 男不喜歡小朋友, 但女是喜歡小朋友的, 他倆的共識是男只負責比錢養家, 女就負責打理家務和敎育兒女, 他倆現有一兒一女, 我是說, 希望薯淘的事就由薯淘決定吧!

  2. 呆。。晒。。
    唔知點回應好。。。。

    1. 最多我教佢(什麼輩份呢?)學琴LA~~!
    2. 想入保良局話聲我知(假設我咁唔好彩仲係保良局做~~!)
    3. 我會多d搵師傅同埋你地d 仔仔女女,等你多d 私人空間~!!

    》。《!

  3. 華,

    嗱,你話o架,鋼琴加小提琴走唔甩喇,有咗你鍾意咩輩份咪咩輩份lor。俾咗你都仲得,到佢識賺錢時俾返d錢我o地得o架喇。^^
    仲以為你真係咁好心教我的佢入保良局tim,唉。
    咁星期一音樂班、二武術班、三美術班、四體能訓練、五文史日、六數理哲日、日可以係外語加測驗加兩粒鐘自由活動,你幫我執掂佢。薯仔,睇我對你幾好。

    另,大個d掟佢去外國(有錢的話),都同保良局異曲同工o者,或者我唔駛太灰。;p

  4. lichufai

    兩個傾掂數至好,你地好,小薯自然好。

    為表支持,即管send呢D嘢過嚟:

    //懷孕百科、basal temperature test、弓型蟲test、各款奶粉成份比較、布尿片與紙尿片比較、醫院比較、幼稚園、小學、教導兒童方法之類我都有認真做 / 讀。//

    我幫你review下。 XD

  5. 唔駛review喇,我諗呢d你應該啱睇。

    Pregnancy Guide Online

    你當我係鍾意日本o野啦,不過直覺認為亞洲人飲日本o野啱do者。理論上隻隻奶粉都係差唔多,飲人奶最好。
    日本奶粉睇真啲

    eartheasy 關於 Cloth Diapers
    同事話始創中心上面買日本布尿布好掋,不過yahoo拍賣隻coolababy仲掋。

    10 TECHNIQUES TO SHAPE CHILDREN’S BEHAVIOR

    幼稚園

    google或baby kingdom大把啦,或者都唔需要post lu。

  6. lichufai

    今日陪N去做OSCAR。

    近來做嘢煩到嘔,燥爆,一朝早等咗成個鐘,到想打人咁滯。

    但係喺超聲波機一見到小B,心情即刻靚晒,「嘩!大個咗好多呀!」搞掂聽見醫生話小B同N到健康,工作動力返番晒嚟,直情full of power呀!

    呀係,N話佢又要支持你,遲D send張「萬試萬靈藥方」你駛下。

    P.S. 謝資料。

  7. btw, 而家個test唔係改咗名?定你去威爾斯?

    又,如果你想知仔定女,可以搵某中醫把脈喎。1 month 就知。

    萬試萬靈藥方?
    唔好咁客氣喇,如果俾bruce就俾佢啦,佢實要。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s