Guet野,對不起



Guet野,昨晚你不辭而別,我還來不及見你最後一面,回想你過去一年所吃的苦,內心有無盡歉疚,可惜太遲了,你已經離我們而去,只留下空空的籠子。

你三個月大已給淘買回來,朝夕相對,感情自然深厚,一年後,薯淘相戀,一家三口,生活得很開開心心。你的樣子傻更更,毛是鬆泡泡,身圓圓,像一個毛球,非常可愛。你最喜歡我們輕撫你面額,每次都會合上雙眼,狀甚享受,難道你前世是貓不成?

那時候,我們還住在北角,屋子小,大家無分彼此,有飯一齊吃,冷氣一齊涼,你怕熱,總愛睡在雲石上,像一隻死豬,見你的睡相這麼笨(見上圖),想靜悄悄給你影張相,你又馬上扎醒,眼仔碌碌望住我,真氣人呢。

當然,我知道,你長時間困在籠裡,無自由,一定好悶,淘不忍心,替你找了個老婆,即玲野,給你作伴,不料她是河東獅,對你不揪不睬,甚至吠你、咬你,為免你受傷,我們惟有把你們分籠飼養,結果,你們徒具夫妻之名,卻無夫妻之實,現在你走了,也無種留下,說到底,也是遺憾。

其後,我們由北角搬到粉嶺,屋子大了,你居於客房,由於座北,太陽下山,把你照個正著,即使拉上窗簾,仍是很熱,要待我們回來,你才可以嘆冷氣,但我們入睡後,你又要再挨熱了。

我們經常想,可以怎樣令你有多點活動空間呢,試過將你放出來,讓你通屋走,你卻躲於暗角位,跟我們玩捉迷藏,你就過癮了,害我們花很多時間才把你找出來。我們也試過把你帶落樓,放於石檯上,但你怕生保,一動不動,之後,我們也再無把你帶出街了。

一年後,我們搬到現在的家,地方比以前更大,初時有想過讓你入屋,但因為要養貓,你們是天敵,只好把你置於花園的簷蓬下,再以蚊網覆蓋,結果防不了蚊,也難敵風雨,要你餐風露宿,其後起了狗屋,你跟拉茜同住,結束露宿生涯,卻從此不見天日,活在黑暗中。

這一年來,我甚少見你,餵食工作,都交給了淘,我偶然兼任,也礙於屋內異味,餵完即走,有時連正眼也無望過你,更遑論把你抱在身上,逗玩一番。

你或許會想:「我做錯甚麼,為何主人要如此冷待我?」其實你無錯,錯在我們,是我們太貪新忘舊,有了貓狗,就把你忽略了,甚至覺得你是負累……寫到這裡,我的眼淚再也忍不住,但願你看到,我知錯了,我無法補償你甚麼,僅能以此信送上祝福,一路好走,我保證,不論你身在何方,也永遠活在我心中。

Guet野,安息吧。

廣告

Guet野,對不起” 有 14 則迴響

  1. 我記得guet嘢試過咁樣由左手走去右手。

    不過自從擰嘢嚟咗,guet嘢變得唔痴人,就算你想同佢玩,佢都唔同你玩。所以餵食沖涼方面冇忽略佢,係唯獨是唔記得佢d毛超厚頂唔住36度。以前都會俾罐結冰汽水佢涼半day,呢年真係唔記得咗。加上佢成日响塊雲石開細,我連塊雲石都拎走埋,慘。

  2. Ellen

    Jess,吾好再怪自己,因為已成過去! 養既寵物越多,分配比佢地既時間越少,忽略其中某一兩個真係吾出奇! 見到呢個情況,令我唸起生bb都係同一個道理,一個起,兩個止,靠自己教而吾應該靠老師或工人! (呢番說話係我同自己講)

    學你話齋,而家應該珍惜在生的,過去的不要想太多! 兩位都吾好咁傷心!

  3. 「從此不見天日,活在黑暗中」

    文人係比較多……事實上唔係咁,基本上龍貓由頭到尾都係我湊,所以你話薯都冇用。;p

    又,hev,你有時可以客氣d。大家唔係咁熟。XDDD

  4. 活活女神

    才子,我真係估唔到原來你並不是100%冷血..
    唉..每次見到別人的寵物離開,我自己都會好傷感..我唔識你隻龍貓,都眼濕濕..最致命係又諗起自己大大小小的狗ssssssss…%&*@#^(

  5. 活活女神

    請你唔好再成日扮型,謝謝~

    我屋企(外家)全幢3層,最高紀錄係有13隻狗,第一隻死的薯仔,实在好難接受,我地將佢既骨灰葬左O係前花園既雞旦樹下, 之後既檬檬, 陳強, 朱仔, 小宝, 拖肥…都係燒做骨灰,放O係靈位,係打算海葬,希望佢地自由自在,但係等下一年等下又一年,我諗我地都係唔捨得佢出海……嗱嗱嗱,我又眼濕濕…真係死穴……(我性感美麗之外,都係好感性…個人真係太完美…)

  6. 嘩,估唔到呢度出現另一個同薯差唔多level自我描述。^^ 我知,你都係講你個名 / 講事實jima。

    btw,你見倒佢少少事就打我隻狗時你就知佢真係冷血。有時佢又扮唔覺意整d陷阱响度陰我隻貓,等佢推跌嘢咬爛嘢時又打。慘。

    另,13隻狗幾多人湊?

  7. 活活女神

    薯太太,才子的冷血+對小動物全無愛心+無數缺點,你唔詳列,我都估到9成啦,佢講親隻狗就咬牙切齒,完全唔發覺我O晒咀/咀咒緊佢就略知一二...甚实我建議你以其人之道還治其人...(我上次聽佢講唔比隻狗入屋,我真係有少少想中佢!)

    我地幢村屋其实分別有1,3及4家姐各住一層,當時加埋我,主要都係4位愛心美女湊狗囉,班男人(姐夫)就hea下幫下手,信唔過!!

  8. 活活女神,

    哈,我成日趁佢唔响度咦咦哦哦就放隻狗入屋。^^
    其實我都唔係好明點解我要怕咗佢,唯一解釋就係佢好「chump」(3),冷血管家薯。

    你o地真係勁,一人睇3、4隻,少d力都唔掂。

  9. 活活女神

    我地屋企有隻勁野->chow chow,佢d毛厚過我面皮好多,幫佢沖親涼..唔好講洗,吹乾都要起碼3,4小時..

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s