釣魚台 VS 尖閣列島


雖然好想講句,爭咩ah爭,溝埋嚟做瀨尿牛丸咪算。但忍唔住都要睇吓雙方證供。响新聞見過好幾年「保釣」人士(學陶生話齋,都唔响你手上,仲叫保?)o既運動,多多少少都覺得釣魚台係屬於中國o既。

維基話咁樣,網上o既百年大事記又話咁樣

大概都係話遠於明朝起已經有釣魚台紀錄,ok,明白。

而日本維基唔好提喇中唔中立喇,係連自己個point都冇好詳細寫明,反而呢位竹下義朗有比較詳細咁講,佢坦白承認當時日本係當呢個係無人島霸返嚟o既,咁呢個根據國際法冇咩好講。不過,無論1895年馬關條約有冇清楚列明釣魚台都好,當佢話將台灣所有島嶼都割俾日本,如果之前係包埋o既,冇列明都係包埋啦。而竹下一直只quote中國、台灣等等教科書都將釣魚台列為日本領土,對1940年東京法庭判該地歸台灣隻字不提。另,佢都有提其實釣魚台冇人住,放棄都得,不過萬一一放棄,咪有機會連沖繩同其他島都要交出,所以一定要保釣。

anyway,姑勿論竹下d point有否避重就輕,睇埋呢篇蔣介石兩次拒接收琉球群島,咪即係唔係美國錯還俾日本,而係當時中國唔要(如果台灣屬於中國)。1945年o既事喇。

逆權侵佔:「在國際法,任何國家若確信其國土被敵意佔有,便有責任提出正式抗議(不必興訟,但該抗議需備案)。若然超過了時限下不作抗議或興訟,國際法便不能宣稱該佔有為非法,佔有國便自然成為合法擁有者。」中國自己放棄咗,自己唔要幾十年o既嘢,忽然間話出嚟爭,日方已於島上插旗幾十年,咪即係搵嚟搞。而按照曾特首無權打電話俾菲國總統邏輯,香港人更加冇權保釣啦。

不過,聯想到呢條例可以應用响其他地方o既,如果你有能力,某度又有資源值得攞,咪話琉球ah……

又,我強烈反戰,不過,唉,總有逼於無奈o既時候,當然唔係而家。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s