做女人真麻煩之Cycle 3

正當9月13日去睇完醫生，所有hormone levels 正常，醫生quote example話「個product冇問題，可能係sell得唔好啫，cycle長唔一定唔正常，唔駛太擔心……」以為自己冇乜大問題之際，俾個咁o既chart我？係，係有d日子度得求其，有d瞓晏咗，有兩日左右感冒俾冷氣吹親，都唔駛咁啩。還我高溫期！今個cycle似乎冇排卵，或者有我都唔知，紅d好似有過粉紅色，連m come都唔係好似m come，量少又唔痛，可能子宮都要抖暑。

醫生開咗兩隻藥，Estrogem我斷估係1mg話排卵後體溫一升高就食10days，因為佢見我高溫期都只係10日鬆少少唔長，要補補令子宮內膜增厚d。排卵藥係m come第2日開始食，等下個cycle唔駛嘥咗d時間等粒卵成熟。結果我以為係排卵o既day 34居然係m come，我仲以為係spotting搞到唔知食邊隻藥先好。駛唔駛咁fluctuate呀大佬？叫人點預，好彩晨早睇醫生正視呢個問題，唔係睇怕搞一年先知冇得生嘥水嘥力。

anyway，今日終於要食第一粒排卵藥Clomid (clomiphene citrate)，睇吓點。上網睇吓佢o既副作用，話食1年內都冇大問題，兼食半年又touch wood如果輸卵管冇閉塞就好似幾大機會中，don’t know lu，都係做人體實驗把啦。有冇保護人類組織出嚟against human testing打救我呢？

如果薯淘可以交換性別你話幾好，想生o既應該付出多d。