DIY 第一件手工皂



手工皂即係番梘啦,工具好似好多,但其實又唔係難整。之前試咗响yahoo拍賣買人整咗o既9x%橄欖油梘,用完係唔乾,但好快軟曬(冇浸住水)。又試過Lush隻Honey I Washed the Kids,蜜糖香精味係好假,但都ok皮膚唔乾,而且沖完個身都會有少少香味,但比較貴。

所以對自己好d,就做吓手作婆。通常我會買書,揀咗石彥豪兩本同格子一本,石生本書夠簡單,用最基本3隻油可以俾你試玩吓,仲有DVD睇住做。而orange flower (日文)Hearth(日文)等等亦有更多教學和recipe。

大部份材料都係响J’sLand買,上網可見仲有間天麗,香精比較多款,但油類似乎J’s平d。

基本油類:椰子油(洗淨力強、質地硬)、棕櫚油(對皮膚溫和、清潔加強、硬但較少泡)、橄欖柚(易吸收,軟油);闗於成品出嚟個INS值硬度都可以到Miller’s找excel計,太硬唔好用,太軟好快溶。
精油、香精及或其他添加物;
電子磅一個;
氫氧化鈉NaOH-強鹼;(或KOH都得,不過係液體皂同用量要計過)
不鏽鋼兜兩個,其實仲需要d細兜仔,不過呢度冇影;
不鏽鋼溫度計兩枝;
打蛋器、刮刀、皂模-矽膠、塑膠及牛奶盒各一;
pH試紙用來測試皂化程度。

成件事就係一個化學反應: 油 + 鹼液 = 肥皂 + 甘油(已證明對皮膚保濕有效,但街賣o既番梘甘油會抽起咗,而且多數加入其他成份或防腐劑之類。)
所以一如以往計chemical reaction咁,每種油formula不同,需要用不同重量的鹼去完成化學反應,即皂化。問google神有好多website都可以幫你計用量,例如呢個

今次我都係參考石生本書,改少少如下:
椰子棕櫚油各125g
橄欖油250g
NaOH74g
唔用水用奶150g
加適量牛奶香精,我倒曬1枝10ml落去。

首先係溫馨提示:強鹼同強酸都係乸手-具腐蝕性,所以點解樣樣要用不鏽鋼或玻璃。小心,掂倒即刻搵水洗,可以帶手套。


首先磅好油,mix埋佢備用。


跟住磅好NaOH同奶,將NaOH逐少加入,如果係水可以一次過由佢升溫,但有人話奶太高溫會變壞同成品會臭,所以我盡量keep住低溫完成呢個過程,盤底亦可以放冰降溫。一路加會有少少臭味,正常。


如是者溶曬,鹼奶完成。一般話要50度左右,但我都係由佢3、40左右。


然後將油升溫至50度左右。


將鹼液慢慢加入油度,同時慢慢用打蛋器搞。


只消5分鐘左右,杰咗d。


一加入香精,迅雷不及掩耳,硬咗,極速入模不過都係慢咗。


夾硬嚟呀~放入保溫袋24小時。


起模,趁軟切梘,崩咗d,因為皂化太快趕唔切。實驗證明,矽膠真係最perfect,膠模比較難起,牛奶盒都唔夠矽膠好。因為d梘係用牛奶做,所以應該會越嚟越啡色,(其實應該係落咗香精先咁深色),有香精味冇異味,應該成功喇。


睇pH不過8.5至9左右,睇怕放多1星期已經用得。如果唔落香精應該要打耐d同埋皂化會慢d。

DIY 第一件手工皂” 有 5 則迴響

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s