Cycle 5

上次黃素化，今次day12去check有兩粒，13mm / 15mm，跟住醫生話再隔兩日先去打針。點知到day14都係冇大過，咁醫生話打針都冇用lu，唯有下個cycle 排卵藥加碼，即每日100mg Clomiphene Citrate，到day12再睇啱唔啱打破卵針。佢話試埋呢個cycle都唔得就抖一個cycle去照輸卵管喇。慘。

不過唔知係咪中藥有效，我個cycle好似短咗，今次亦唔駛食通經藥。如果照埋輸卵管冇事，照理應該停西藥一排先。btw，如果輸卵管冇塞，咁係咪政府唔受我做IVF呢，anyway，到時先算。盆腔炎、子宮內膜異位、曾經流產或做過手術會大d機會塞，中醫話閉塞o既人有機會成日腰痛，但我又冇呢d case，咁希望冇事啦。

雖然又想講句最好唔駛生，不過，都唔到我決定，聽天由命把啦。