Cycle 6 排定IVF


今個cycle又係day 2至6食排卵藥,day13去照陰超總算有粒17mm卵泡,另仲有一粒細嘢,不提也罷。如是者當日打咗hcg即破卵針6000個單位(醫生冇講幾多unit但我之後上網check咗係Ovidrel呢隻preset針),預計32-36小時左右後會破卵。雖然一睇西醫時佢已經有叫我唔洗check體溫,超聲波最準,但我都仲係繼續,如是者發現連續幾日基礎體溫都係冇升過嘅。打去診所,姑娘話打咗針實排o架喇,唔洗咁擔心,基礎體溫未必準云云,再追問例如10個人打針,幾多個會破卵,佢話打咗針就唔會返去check卵泡,assume排咗,好一個inappropriate assumption,跟住佢話你唔放心就嚟照吓。base on一個一google就大把反例嘅assumption,當然再約day 16返去照,一如所料,長到21mm未破,跟住問醫生confirm咗只要有破卵,基礎體溫點樣都會升高,即使好少好少如0.2度。佢話今次應該都係黃素化,於是又開Lutenyl 5mg黃體素等粒卵泡快d清走咁話。跟住佢話下個cycle再加重hcg,如果都係唔得就直接跳去IVF算。由於知道瑪麗排隊需時,所以直接叫醫生寫referral letter算,5月12日初診Prof. Ho。

仲有4個月,我已經唔想再食排卵藥,因為我feel倒d內分泌更亂,甚至有熱潮紅呢d反應。同睇開o既中醫講呢個case,話我去做IVF如何,佢話做就做啦。開始覺得佢應該搞我唔掂,雖然佢有講keep住食中藥有幫助,亦有叫我保持心境開朗,但我覺得係時候要轉吓。

跟住諗起薯母校果個出名中醫,舊年5月已經book,但話要排半年,問薯排成點,佢再查問下發現醫師做到一月quit,佢話連個天都唔幫佢喎。叫佢問吓姑娘知唔知佢即將去邊佢話唔知。so叫薯book另一婦科醫師吧,ok,book倒王玉榮博士1月14日。同時,上浸大中醫網站搵倒email adress,直接send email問名醫師未來去向,起碼叫做做咗嘢,好過聽天由命。

中醫院方面效率好高,一收到email就覆話幫我轉告醫師。幾日後收到Meng send 嚟嘅email,佢話會去港大。即時打去港大中區臨床中心問,因為港大中醫網站都未有佢名,所以book倒佢第一日,仲係勁近我公司,1月20日就睇倒,good。其實開頭有諗一日港大網站未update都唔好揚住,不過見babykingdom都有人爆咗,咁算啦。好在我老細好人俾我每次蛇出去睇,因為港大唔俾人「霸」曬d時間喎,每次只限約兩次覆診,新症仲一定要睇咗先俾約覆診。

照去睇咗王玉榮一次,問診問得好仔細,但就要一路key in pc,我諗係浸大system係咁,要用多d時間。醫師感覺好OL,幾溫文冇架子,講嘢語氣幾乎似台灣人多過似內地,不過已決定暫時睇下個,所以未知呢位訪問醫師到底好唔好。

1月20日,第一次睇孟煒博士,佢未算好惡,但極之有霸氣。例如佢會話「不可以喝冷飲,一點都不可以。」「看她,第一個條件是不可以急,急沒有用,更加影響排卵,開多少藥給你也沒用。」聽我講西醫俾咩藥,做咗乜,佢直接話「亂來」。睇中醫藥方comment係「不行」。每句都係咁權威,或者啱而家嘅我,需要信仰,哈。理性話我知其實孟煒中醫都唔一定幫倒我,但如果佢都唔得,我諗都冇人得。薯話仲有上帝,chur,上帝都唔係人。btw,唔敢同孟醫師講我排咗IVF住,佢似會講「哪你幹嗎還來看我」。anyway,佢好o既地方係佢話咗佢今日第一日嚟,佢話就算姑娘唔俾我約覆診,叫我同姑娘講話佢俾咁話喎,佢只得星期一、四o係呢邊,所以先食四日藥,星期一再繼續觀察檢討咁lor。

另,睇返d中醫書,我應該係肝鬱氣滯型,寒底又血瘀果隻,最主要係心情要好夠放鬆,但可以叫自己心情好o既咩?好難喎。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s