生仔生女全攻略？！

長相？肚型？中醫把脈？清宮圖？算把啦，就睇吓so far so-called最科學嘅方法Shettles Method：

女方卵子第23條染色體必然是X，生仔生女由男方精子決定。於是精子分為：

X-精子：
較重所以游得慢、生存期較長達兩至三日、較適合酸性環境；

Y-精子：
較輕所以游得快、但生存期較短只有約24小時、較適合鹼性環境；

所以如想生仔，就應該於女方排卵前後24小時內中出，精子要盡量深入接近子宮口，（其實只要做完墊高pat pat起碼30分鐘等精子液化自己流入去，就算坐蓮又好掛鼓又好，用乜招式都冇所謂啦）並令女方有高潮以導致子宮內環境變鹼。因為Y-精子游得快，所以即使同時存在都會跑贏X-精子。

相反想生女就要兩三日前放定精子入女方體內，接近排卵時不要做愛，等Y-精子死曬後自然俾X-精子受精。

如果要跟呢個方法，齋check體溫係唔得嘅，因為你只能夠由體溫升高後知道自己禽日排咗卵，咁如果想補飛都嚟唔切啦。有人話可以用紅D或其他test paper、meter驗LH，通常驗倒peak就會話你嚟緊24-48小時會破卵，但24到48小時呢個range已經好影響到底係仔定係女。

ok咁睇返呢個圖：

你會發現LH level好明顯跌咗先係破卵一刻，咁所以網上亦有人教（搵唔返條link）不如搵倒peak之後再每幾粒鐘check一check，反正紅D只係個幾一條。佢個method就係深粗後每幾個鐘check一次直至顏色一淡就做。

我當時只係一心做人，冇理到底仔定女，只係有用紅D咁啱係最深粗果晚有做，但其實由排卵痛嚟睇精子於體內絕對存在超過24小時先受精。anyway，都啱啱confirmed係仔，咁我諗或者係薯嘅y-sperm生命力強？haha，如是者又問google神。

發覺早於2006年ASRM已經出咗journal話根本x-sperm同y-sperm重量只係差2.8%，仲要外觀上完全分唔出佢哋有乜difference，唯一要分開佢哋嘅方法只有度dna含量-Microsort，香港犯法㗎吓。（冇錢睇journal所以睇呢條link啦。）

咁即係話，唔處理過男方精子的話，根本無100%家用可靠方法可決定嬰兒性別。

話雖如此，仍然又好多未check過呢尐fact嘅媽咪按照各式各樣方法去做。Well，只要你覺得自己咁做心安理得，咪做囉。而要我揀，我都仍然會傾向想生仔就紅d深粗當日即做呢個講法嘅，相對仲係科學少少ahma。各位準父母，good luck。