雞髀仔之胎動與照結構


唔係我個肚呀~

我將薯仔命名為Gabriel,雖然只係想佢強而有力,唔關宗教事,不過我亦唔抗拒呢個大天使名字,即係strong man,hero of god。而因為咁啱朋友話佢聖名又係Gabriel,仲俾人叫花名「雞髀佬」tim,聽落又幾得意,咁趁佢未係佬之前,就叫雞髀仔啦。;p 咁個blog可以改為薯淘同雞髀。

其實16, 7周已經隠約覺得d腸郁郁吓,但唔sure係咪佢,到18w5d果日,坐o係公司突然覺得佢大力撐我一嘢,好明顯係胎動喇。梗係冇上面張相咁誇張成隻腳都睇倒,但呢一兩個星期佢真係成日郁,據講bb係瞓一粒鐘,醒一粒鐘,果個鐘可以轉身十幾次,遲早俾佢踩死。

上星期20周哮喘發作去睇黃斯雄,姑娘知我唔係搵佢生成日想耍我去睇返自己主診醫生,但我唔好彩打爆翹康同仁安都搵唔倒盧永傑,都係搵dr Wong幫手先。結果佢仲恭喜我,開咗d吸o既氣管抗張劑咳水等等俾我,仲順手幫我照埋結構。當然又係4位數字落樓,但都好彩一切正常,而且佢都冇因為我唔係佢follow up有咩特別面色俾我睇,仲幾細心叫我就住行得耐要坐呀,唔好大動作呀之類。

跟住今日21w2d又去仁安搵洗世源照結構,因為套餐包埋所以又照一次啦。詳情主要都係照有冇大腦小腦呀、有冇心、心瓣加4個心室、脊柱有冇斷裂、胃腎橫隔膜之類、再confirm性別、手骨腳骨數齊手指腳指、眼耳口(有冇兔唇)鼻(鼻骨長0.75cm好好,唔知即係咩好,但總之正常啦)齊,臍帶胎盤位置之類。總之收到report寫住did not show any markers of Down’s syndrome and other chromosomal abnormalities相信就係對對父母想見o架喇。雖然唔正常好似每100個先得2、3個,但始終叫做又過一關喇。anyway,可能因為唔係主診醫生,反而覺得洗世源仲冇黃斯雄咁細心,照完後答我一d問題亦有d愛理不理。其實洗醫生唔係冇禮貎或d乜,我照緊時亦冇問佢太多問題,不過可能因為dr Wong每張相都會mark返邊樣打邊樣,覺得佢細心d亦有耐性d。

雞髀仔之胎動與照結構” 有 2 則迴響

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s