為雞髀仔預習:卡爾.威特的教育


英文名亂嚟叫Carl Weter’s Educational Law,唔怪得03年引起咁多所謂造假傳聞,原來真名應該係Karl Witte,連人名都抄錯,真係離奇翻譯。有人根據方法令個女入哈佛,書名又話點訓練天才云云,我覺得毋須理會呢d字眼,純粹想搵本古書參考吓,因為太多育兒書花多眼亂。

唔知道係咪凡德文書都有重複同煩呢個特點,唔知英譯如何,呢個中譯本就話已經盡量刪減,所以雖然仍然不時重複,但算係幾易睇。

Karl爸爸係個牧師,但書入面甚少提及宗教及信仰,反而具體講作者o既身教,佢所重視o既完美人應有o既特質如文學藝術修養、勇氣、同情心、堅毅、精益求精等等要點,兼且點樣盡力滿足個仔對精神食糧方面o既要求。用積極而正面手法引導卡爾 – 一個因為妻子懷孕期感染弓型蟲而導致少少低智o既細路成為大學問家。作者o既手法一d都唔過時,反而我覺得好多現代幼兒班都係以佢o既方法為根據,例如古代以為太早教育兒童對佢o地有害,作者就早於卡爾bb時期已經俾佢多睇顏色,多聽音樂,或用flash card,或多爬行接觸大自然新事物。對每事問o既小朋友必須用心解答,不得敷衍了事,否則扼殺佢o地o既好奇心,令學習能力大降。對小朋友唔可以用權威以之屈服,必須尊重佢o地既有自尊心亦有私隐。總之只要能夠信任小朋友o既能力、尊重佢o地、以理服人、唔強逼而就住佢o地o既興趣將佢o地o既精力開導去有益向善向上o既方向,好多壞習慣壞品行亦會隨住好習慣而改善,兒童潛力亦得以發展,咁佢o地將來唔係是必會成為天才,但一定會係一個活得精彩o既人。反觀某d大陸、香港家長集中教搵錢,擁有物質就係成功,果類家長好應該睇吓呢類書。不過,我亦相信,本身價值觀已經扭曲咗o既人唔會覺得呢d書係正路,即使咁好彩擺低本乜周刊拎起本書,咪又係覺得作者戇居,有乜理由教理財唔教搵錢o者。

總括而言,除咗叫個仔食齋外,我相信本書大部份手法都可以應用,值得久不久就參考吓。雞脾仔如果第時你亞媽想o趙你時,你可以提醒我睇吓本書降火。;p

補:薯話我知弓型蟲係1908年先被人發現,1800年出世o既卡爾有弓型蟲呢點唔知係咪d老翻書加落去lu,不過即使呢本中譯本係老翻,我仍然覺得內文幾有參考價值。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s