日託嬰兒院的二三事


雞髀仔好好彩,因為我有咗即排日託嬰兒院,於是我返工時佢可以由朝早8點擺喺嬰院至晚上6點。本來日託嬰院仲有延展服務至晚上8點,但由於quota有限冇我份,又好在老細體諒俾我放早先可以趕返去接仔放學。咁薯揍仔返學,我哋暫時避過請外傭一劫。

不過,當時已經發覺,整個北區只有一間利黃瑤璧,我最初排延展服務,但園長話雖然我排第一,但我之後幾十個媽媽都唔使用延展服務,佢哋會優先。成間嬰院只係得四十幾個位。

嬰院好處係,請本地上年紀女士、有社署監管、老師有訓練有經驗、又有時間表又多班上又會幫你留意埋仔有冇頭暈身慶之類之類,基本上同提早返幼稚園無異。一個價錢乜都包曬,如果經濟有困難仲可以申請政府資助。唯一唔好處係仔女會多d病痛,touchwood暫時雞髀仔未夠半歲未開始嚟料。佢今日啱啱返咗一個月,我除咗頭一兩日會擔心佢會唔會唔適應外,基本上唔需要煩任何事。

請外傭呢?先唔計佢哋做唔做倒嘢,你要多一個外人入屋,樣樣都要就,使費多唔在講。ok,我當你請倒個好perfect話頭醒尾,都仲要train佢好多嘢,煩完個仔仲要煩多個人。而按我身邊所有朋友經驗,10個外傭都冇1個真係好,偷嘢common、講大話例牌、乜都唔做、講電話呢d全部係小問題。但即使佢唔刻意害你哋,唔係俾血俾尿你飲,大部份外傭冇受過訓練揍newborn,亦唔會好有heart咁幫你睇住一個同佢無親無故o既bb。所以媽媽就要一路做嘢一路開住個cam,定時打電話去check,個仔發燒佢哋都可以唔知,好多嘢自求多福。

既然好多人都覺嬰院好d,需求又大點解得咁少位?我問薛園長,佢話因為政府鼓勵媽媽自己湊!!!absolutely BS!!!不切實際。試問香港有幾多爸爸可以一份工養起一頭家呢?又係一個唔想資助唔想監管唔想負責任o既藉口。園長仲話因為有外傭,政府有冇諗過外傭湊大o既小朋友有咩問題?又有冇諗過外傭製造咗幾多社會問題?有本地仔大女大家庭主婦唔請,係要靠外援,何必呢?

冇,我知政策唔會改,只係又忍唔住發作吓。替俾姐姐激親o既媽媽勞氣,well,如果我仔n班或k1冇全日班收,都係要請姐姐,到時可能再發作過。

Advertisements

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s