頭泥、濕疹、敏感、感冒


雞髀仔5個月lu,病咗幾個星期。又傷風感冒又可能牛奶敏感氣管敏感皮膚敏感濕疹頭泥咁。樣樣都唔係大事但都煩煩哋。


睇咗幾個醫生,原來頭泥除咗可以用橄欖油浸林頭皮起碼半粒鐘再捽走頭泥外,醫生仲介紹Pristine洗頭水,本來係用嚟去頭皮,對真菌感染有效。同普通洗頭水用法一樣。跟住都係早晚再搽醫生開類固醇藥膏,應該幾日會好。其實頭泥唔理佢都始終會消失,但雞髀仔r得太勁,成日一手血咁。


之前仁安鄭醫生話佢係牛奶敏感所以濕疹,因為又發炎又出水咁都係要用類固醇藥膏,佢介紹以上呢隻Egocort Cream,有效成份係1% Hydrocortisone,性質其實溫和而且平,但因為類固醇常用會令皮膚又紅又薄,而且長期高劑量入眼可能引至青光眼及白內障,所以一好返我就會用另一醫生介紹o既Atopiclair,即係呢隻:


藥房買100ml先2百廿幾,萬寧30ml要15x。


沖涼就用咗Oilatum愛麗她沖涼油。

如果無事無幹就可以就咁搽Cetaphil潤膚膏。原則上就係keep住皮膚唔乾就冇咁易出濕疹,少少紅就用altopiclair,發曬炎就要用類固醇咁lor,都係唯有手禁住佢希望bb濕疹兩歲會自然好。當然要減少接觸d毛sung sung嘢呀。遲d戒奶會好d啩。亦可以多用天然嘢,例如整吓番梘同lotion咁,不過我已經冇咁多時間,所以用住d便利嘢先啦。

雞髀仔冇G6PD,但醫生話佢牛奶敏感,呢樣可能大d會好。但花生、朱古力、蛋全部未知。同埋唔知關唔關我都有各樣敏感事……

流鼻涕咳維持咗幾星期,呢一兩日又轉咗醫生感覺上好緊,但未sure。買咗猴棗散但又要食曬西藥先。朋友話原來法國醫院有專門替未識咳痰出嚟d bb抽痰拍痰,雞髀仔識吐痰所以唔使抽啩。拍痰youtube有教。

開頭以為猴棗係植物,原來係殺猴取其膽石,猴棗末仲話100%係子猴棗。咁如果有某高等生物有少少咳殺你去醫你會點呢?知咗就唔能夠訴諸於無知tim,大d try其他化痰中藥或再轉豆奶睇吓點。

PS 14年8月追加:
Elomet
亞麻籽油功效會慢慢減弱,不過好在BB大個咗濕疹都好咗好多,但有時都會出,嚴重時又會用埋呢隻仁安醫生開俾我嘅Elomet cream。另外亦會去iHERB買最平無添加果尐organic pure soap如Dr. Woods,baby cream之類。

頭泥、濕疹、敏感、感冒” 有 3 則迴響

  1. 朋友教嚴浩分享方法如下,雞髀仔大d可試,唔知就咁食提子乾得唔得呢。:p

    「嫣然:葡萄乾水我是用手抓一把,用水泡泡,渣渣淘掉,煮奶的鍋,大半鍋水,每次我大概煮一個小時,水開了就用小火,熬一個小時,然後用勺子壓爛,這樣再小的小朋友都可以喝水吃果肉了。
    如果當水喝,也不一定是每天必須喝幾次,如果嚴重就多喝幾次。
    蝴蝶:沒出濕疹前就給她喝的?
    嫣然:因為開始不知道,是出了才喝的。我看有些媽媽說,喝了後有些寶寶的濕疹會突然爆發,但是要堅持喝,堅持喝濕疹就平下去了。容易起濕疹的寶寶可以在沒事的時候煮來隨時喝……」
    嚴浩按:不要多過每天 30粒。
    嫣然:我家孩子就是不能熱到了,去年我們給她穿那麼少,因為給她穿多了她就起濕疹,臉上全是。冬天吹暖氣,她也要起濕疹,臉上、耳根後面都是,起了眼睛都是腫的。夏天那麼熱,她都不會起這些疹子,就只是冬天要起,一穿多了,身體熱到就起,還癢癢,身上不多,一點點。
    媽媽們分享經驗:濕疹就是脾濕,絕非是一些媽媽認為的,是潮濕引起來的疹子。甚至有些媽媽還不敢給 BB洗澡,怕濕疹嚴重。所以一切外用藥都是浮雲(治標不治本),尤其是含有激素的藥更是禍國殃民。(PK濕疹實錄)」

  2. http://homeopathyland.mysinablog.com/index.php?op=ViewArticle&articleId=1820552
    食物敏感及消化問題

      食物敏感及消化問題是引起濕疹的一個很重要因素。食物敏感是一個十分普遍的濕疹誘因,容導致敏感的食物包括:尤其牛奶、雞蛋、小麥製品(麵包、麵、曼頭等)、粟米、薯仔、橙、草苺(士多啤梨)、朱古力、紅蘿蔔、經發酵的食物,例如醋、酒、醬油。在嬰兒的濕疹中,最重要的誘因是牛奶。

      另外一個誘因是消化的問題,很多時候食物敏感是因為消化力弱、胃酸不足、缺乏消化酵素,導致食物未能完全分解便進入血液。而這些未經分解的分子會被身體當成外來異物看待,產生敏感反應。處理方法是多進食未經煮熟的新鮮蔬果,生菜、青瓜、蕃茄及生果等,以增加身體的消化酵素。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s