係呀又係Groupon，上網搵極都冇呢個牌子，唯有自己post，個盒幾簡約，齋寫gemini italy，搵唔倒made in 邊。
部機跟一本食譜，量杯、量匙，轉葉同鐵枝。
第一次試機上網搵譜加加減減啦，以下係1磅麵包：
2杯 無漂白高筋粉
3/4茶匙 粗鹽 （幼鹽梗得）
2 湯匙 黑糖 (白糖當然可)
3/4茶匙 乾酵母
3/4杯 凍滾水
3/4杯 黑麥sourdough 即酵頭/酸麵團
次序我由上至下，落曬粉先落液體喺側邊，中間再加yeast。
開basic bread程序：
咁鬼扁，sourdough唔夠時間發酵，酵母又過期可能唔active，以為唔得。
點知又ok喎，係真係唔夠鬆軟，如果齋用dough程序，跟住擺幾粒鐘再焗會好好多。但皮夠脆，麥味好香略甜，係出面d包冇嘅，令我更加想整pumpernickel 100% rye bread，可惜唔啱用麵包機造，因為冇筋性。
8月13日又重做，今次加咗牛油、用咗高筋麵粉，冇過期嘅instant yeast。發酵時間加長咗，搞掂：
今次實驗sourdough直接由雪櫃拎出嚟，糖落少咗，發酵時間耐略帶酸味，浸好香甜麥味冇咗，有d鬆糕feel，texture今次靚，但食就反而上個硬淨d味道好d。
廣告
我都係買了這部, 不過除了第一次成功后, 之後都發唔起, 成舊石咁, 心痛死了. 我跟足食譜basic bread,
但唔知問題出係邊? 有什麼心得, 請指教!! 謝謝
第一次同第二次係exact 成份同程序？諗吓有乜唔同，如果部機冇壞又完全冇分別唔識答。我同朋友同一時間買呢部，佢跟足食譜，成品比我嘅靚。
我都係買咗依部, 我整咗4次, 好OK呀, 白麵包, 香草蕃茄芝士包, 藍莓蜂蜜包, 1磅材料焗到麵包店1磅8成到咁大, 效果滿意!!!!
GOOD，得閒整多d。我仲未肯跟食譜整，所以成品唔夠靚費事擺上嚟。;p
看了你們的網站, 很喜歡… 文中很多生活上的趣事, 文章又好容易看.
謝謝，你果邊仲多嘢睇。
我剛試了 用朋友的食譜 選了一般面包及中color， 但失敗了。首先面包沒有發大 質感（密度）似蛋糕咁 又很硬 沒味道。
而且又很多粉未撹好。不知道那裡出錯。
食譜點㗎？用gemini機要用快速酵母，如果你話連搞都搞唔勻，水量有粉量至少5〜60%嗎？質感似蛋糕，用咗plain / all purpose / 低筋／薄力粉？
呵，部機我已經賣咗俾同事lu。;p
雖然可以手搓但攰，嚟緊打算入MK 精工HBK-150，因為每個程序可以獨立控制更自由。well，gemini作為入門機係掋玩o既，效果都唔錯，不過想天酵就會麻煩d。
kiki, 你好，想請教Gemini麵包機的一些問題。我買了有提子格那部Gemini（GBM20P）, 做了三次Raisin Bread(跟機食譜），一次牛奶芝士麵包（YouTude demon），用的都是 Mode 1。發酵完全沒有問題，一進入烤焗程序，中間便開始下陷，雖然食味也是OK，但是想知道原因。而且，冷卻後的下陷情況更多。有原因嗎？
淘，不好意思，借你這個角落一用。
通常下陷係發酵過度，可以落少d酵母試吓。
留言攞食譜將不再顯示。個食譜根本整唔出好食嘅包。