與雞髀仔同遊澳門威斯汀



薯假出門真辛苦,試吓帶10個月大bb同遊,睇吓有幾複雜。今次係travelzoo deal,住Westin Macau


由於係baby-oriented,1x個工作天前要準備攞冇相兒童身份證一張,特區護照一本(5年期185蚊),詳情入境處有齊,郵寄form去預約親身領就ok。另,如果攞回港證即日有,但只可以去澳門又係百幾蚊,唔掋。然後要帶奶樽奶粉,有網友教過可以用即棄奶袋,方便過帶奶樽,不過只係兩日一夜,我就帶咗6個乾淨樽算喇,同埋玻璃樽裝嬰兒食品再加少量零食。嬰兒剪刀、匙「更」方便出街可以試某d固體食物。10條8條毛巾仔/口水肩、1x條紙尿片、換片濕紙巾、沖涼用品潤膚膏、幾套替換衫、兩款grobag,即睡袋chair harness,(而家至睇倒官網好似冇咗chair harness,唔會有乜safety issue啩,問google神唔見)。anyway,放咗落椅都唔可以行開,學爬學行bb郁得好勁o架。酒店同船冷氣都比較凍,所以可以帶長袖厚少少衫。

因為個package冇包船飛,要親身買。不過金光飛航又有生日優惠,mastercard優惠等等唔貴。為咗避開大陸團,薯淘、淘弟&雞髀仔大安旨意12點先去到上環信德中心,點知原來都係好多人,船飛即班都要買到下晝3點。去蘭芳園食完個唔太掂o既lunch hea極未夠鐘,同企街賣飛條友suggest換佢手上點半,佢居然話收50蚊一位。超,直接落去侯補位算,好彩繁忙時間有加班,1點9上倒船,staff見我哋有b車,仲俾近出口近行李架位我哋。

b車留意,信德落船位係一條下行長樓梯,要收車抱b少麻煩。同staff講應該可以搭lift,但要兜一大段路。


約3點到氹仔臨時咗n年,唔知邊個負責起o既碼頭,急行排隊連過關大概20分鐘出倒嚟。威斯汀有shuttle bus,不過又細又半粒鐘先一班兼唔到氹仔碼頭,所以直接打的,約5、60蚊。


到埗執緊房,俾welcome drink我哋去lounge等,可以聽吓鬼婆字正腔圓唱鄧麗君,relax一陣。雖然上到房都5點零,間房離架lift遠到喊,但景靚,兩張heavenly bed每張4呎,瞓落又幾舒服。趁陽光仲猛,快d同雞髀仔換衫進行今次主要任務,行下水禮。


落去至知原來每房只包兩大兩細游水,佢話下次帶guest收錢,不過唔記得問幾多。水開始涼,大人舒服,但雞髀仔游咗陣就有d凍喇。


bb游水可以著游水片、應該帶防曬cream、乾淨私家大毛巾同水泡或其他浮水用品,全程有大人傍住。因為朋友俾咗個水泡我,冇買,但發覺唔係太啱用,仲俾舅父仔請佢飲咗啖水。如果成日有得游、捨得又有錢,我覺得Freds Swimtrainer Classic呢隻比較安全實用。

玩完水上去同佢沖涼,咦,浴缸冇花灑,淋浴果邊係天花蓮蓬頭果隻,anyway,一路捉住雞髀仔企定用毛巾都沖得倒,怕dirty唔會俾佢浸落去,一晚半晚只用清水。如果去得耐,要帶bb沐浴用品。餵完佢食mum mum,不速之客殺到,雞髀仔兩個姨婆放假踩到嚟澳門,因為walk in book房要2600,如是者入嚟屈蛇。


夜晚去咗觀海軒,package唔包早餐但包500蚊飲食coupon,人少少靜靜哋家常便飯,每味餸份量足味道亦唔錯,正。雞髀仔已經o係佢張流動床瞓著,食飽飽返去沖涼瞓教。房間冇免費wifi唔係幾方便,但玩少一晚半晚ok啦。姨婆同淘弟漏夜搭車出返賭場,洗完袋亦返嚟瞓也。baby crib係鐵造,似醫院果d,都唔知佢舒唔舒服lu。


到天光雞髀仔開始wee嘩鬼叫喇,因為佢有少少流鼻水所以冇再游早水,食完第二餐奶剷眾人起身check out。跟住行去對面Miramar海景正宗葡國餐廳,明明openrice有,我硬係冇留意佢close on monday,低b ed。


打返的出去官也街,極速買手信,然後去小飛象食lunch,嘢食一般啦。btw,澳門似乎唔多覺有育嬰室,要好似d同胞咁o係toilet出面換片。


官也街有乜特別?咪就係個膠袋有別注版,er,如果只係買手信唔使專登嚟lor,好似有d嘢行,不過太曬又skip。

食飽搭galaxy shuttle bus去行吓,如果住最新最大型果幾間hotel,基本上全程shuttle都可以玩曬。銀河o既感覺就係一個商場舖頭唔特別,design仲係俗不可耐果隻,睇返一張相都冇影過,係同雞髀仔拍咗條片叫做到此一遊,等我老咗佢要帶返我去玩。;p 上次見四季靚d,o係d罅位約略見倒大倉同banyan tree 高貴d但冇專登走入去。要賭o既又去賭,薯淘雞髀入老麥飲住貴過香港o既奶昔同冰等運到。

差唔多時間又搭返shuttle去氹仔碼頭,又係幾多人幾混亂兼排長龍,不過一放行都係十零分鐘落倒船。薯o既環保袋連書連EOS都漏咗o係亞姨手上,所以下次去旅行,假設兩人一b,要記得逼佢用backpack、即使斜孭都叫做對手free,一架b車連媽媽袋加一個拖喼應該冇咁易跌嘢漏嘢。回程到廣東道超多人,好逼,d冇家教o既「人」(絕對唔止自由行o架,)唔讓b車不特止,仲會嫌你慢o係你左右隔離前前後後不斷攝位,驚死你行倒。有得再揀一次,或者去返信德好d,don’t know。

薯話覺得今次冇上次睇得咁多嘢,唔係覺得啦,係事實,同bb一齊盡量relax,簡單輕便佢舒服為主,到佢再大個d先去行博物館動物園之之類類都未遲。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s