帶雞髀到札幌凍吓


B sleep
其實全程好緊密&辛苦,差唔多跟足曬行程行冇乜新嘢,不過為免老人痴呆都要記低俾雞髀仔睇返。

3月11日一早搭機搭到傻,咪睇雞髀仔瞓得咁冧(6),其實呢7日間佢係又笑又喊,好多時扭計扭到我哋想死。好彩我一早預咗薯同我頂唔倒咁多日,搵埋雞髀舅父基哥幫手。到成田買咗北海道7日PASS同去SOFTBANK租咗microsim(貪佢可以打同接電話方便,如果全日唔用data,只係105 yen租),之後唔係坐好耐就夠鐘轉機喇。

Gabriel eat late supper
由札榥駅西口出地面行7分鐘左右到京王plaza hotel,因為BB車,地下街又唔直結(直接連結)酒店,有B車可能世紀皇家酒店仲方便。下次都係齋買機票,酒店全部自己book仲好,選擇多尐,有時會掋尐添。點解揀佢係日航book位姐姐仔係咁話我哋3個大人,如果另外d酒店房可能太細唔夠住,但其實我一向睇性價比,能屈能伸,薯更加係風吹王帝褲浪,都咪提。

anyway,房間ok啦,有4星款嘅,但真係冇乜時間用,冇所謂,11號晚好似成10點幾先check-in,好處係房有wifi。由於東京轉機果程冇晚飯,我哋又大安旨意諗住落機食,結果飛機排長龍等起飛又delay,到埗梗係乜鬼都收曬皮,所以唯有喺車站便利店買嘢食,雞髀仔食緊北海道好普通120 yen嘅蛋卷都好好食,非常鬆軟。薯買咗一舊兩吋厚紅豆銅鑼燒都係2XX yen,仲有布甸,飲むヨーグルト(飲嘅yogurt)都係我favorites。

snowman
基哥成日話導遊珍(指我,因為間唔中黑面同insult d客)冇行程冇景點,如是者都係同佢哋到一到白痴戀人公園,估唔到嘅係周街一路行一路影,未到巴士站都冇咗一段時間。200yen 去小樽巴士約8個字倒?因為雪地車行得慢,到西町北20丁目行幾分鐘就到。

white lover park
呢度又hea咗好耐,飲吓朱古力食吓雪糕。環境幾靚幾舒服,今日又唔太凍,有成幾度,可以坐室外。定時會有音樂鐘響。不過,居然有人幫你影相兼想以大拿拿1000 yen sell俾你,冇嘢雅。你都幫我哋用我哋部機影咗啦,邊有人買。

Gabriel in white lover park
雞髀仔睇嚟都幾開心ah,不過同驚草地一樣,佢都驚行雪地。

aomori apple
記得出返車站行seiyu超市都好似3點幾,超市好多嘢賣,不過除咗生果蔬菜呢尐會平好多外,零食同759嘅價已經好貼。不過都買咗包日本國產栗子,好有趣原來連埋衣嚟食,浸咗糖水嘅衣ok軟入倒口,但當然同糖砂炒栗子有好大距離啦。跟住好求其係地下街食咗間拉麵咖哩飯之類,但都ok嘅,喺日本咁多餐都係只有好好食、好食同普通,未試過難食。

baby corner
搭地鐵去返大通駅行狸小路,好似5點幾lu,又見マツモトキヨシ,又果汁粉又有bb餸咁,梗係又掃。其餘商店街唔係太特別,亦唔啱時間冇食宝龍拉麵。

Kanihonkei Crab dinner
行吓JR Tower,stella等,HMV太細冇薯想要嘅Richard Clayderman。薯唔食蟹唯有掟咗佢入和幸,然後我哋3個去咗蟹本家,純粹因為就腳。一如グルナビd comment真係多big 6人,好多國語,仲有國語人waitress serve我哋。因為每group人都係個室,又不至於太嘈,有d房間枱下有得伸腳,但同埋bb一齊驚佢跌落去就要普通和室算。揀咗個有本場松葉蟹火煱嘅course,所有生嘢我都唔食,基哥本來唔食,都幫手啃咗大部份。但生嘅蟹味噌(圖中間左邊)真係腥腥臭臭頂唔順,由頭擺到尾。火煱其實冇老豆d薑蔥爆肉蟹好味,全場最好食係中間啖啖肉嘅炸蟹蓋,連雞髀仔都食到津津有味。^^ 蟹粥(圖下列中間)亦係食曬所有嘢加飯落火煱度煮,鮮甜,不過因為我哋已經喺室溫長期28度對住個火兩粒幾鐘加飽到反肚咁上下,盡量餵雞髀仔食算喇。同格入面果d生果yogurt好搞笑,好稀o既,但又唔難食。食完蟹回程都9點幾,周圍閂曬門,(札幌大型商場閂9點算係好遲喇,細d如函館,7、8點已經死城一樣)薯自己食完就去咗三省堂再返酒店匯合我哋。京王房間得一條key,唔太方便,但懶得同佢reception反映lu。個bell boy果幾句例牌英文發音好正掋讚,我話佢英文叻佢笑笑口。話時話今次旅行全程除咗某程火車有兩個日本佬啤同殊雞髀仔喊之外,好似冇遇到任何不禮貌對待,good。當然,我哋亦時時保持驚覺,盡可能唔影衰香港人嘅。

咁就完咗兩日,仲未去紀伊國屋,又醒起未去雪印parlor,不過聽日要出發去函館lu。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s