函館魷魚漢堡與夜景


Welcome to Hakodate
3月13日,又係一朝早就搭3粒幾鐘車,沿住函館本線,去長万部開始途經東日嘅內浦灣一直到函館果段,有海鷗、大白頭浪衝岩石、滑浪人士、落住雪,如果架車唔係長期28度焗到亞媽都唔認得,就真係好好feel。除咗雞髀仔成日wee嘩鬼叫外,總算無事到著。

Lucky Pierrot menu
落雨,先去對到正酒店o既smile hotel放低行李。再行去Lucky Pierrot駅前分店試吓呢間全國地區漢堡no.1。函館係相對舊尐同細尐嘅城市,間舖位於一類似新都城商場果款舊式少少updup少少mall嘅地舖。一入到去未,嘩,舖位細唔緊要,都有10個8個位,但4個疑似地盤工人一齊煲緊煙兼唔通風,佢隔離就坐住一個年青媽媽同bb,未禁煙時d機舖同k房咁味喎,咁都得?但問waitress佢哋話就算出面都冇位坐,酒店又未夠鐘check-in,又lung(3)住個b,唉。好彩,佢哋尐 嘢食到咗,開始收煙。

Lucky Pierrot order
anyway,回正題,冇曬魷魚漢堡,但有一件件いかカツ(吉烈魷魚啦即係)。我哋點嘅全部嘢都幾好食,包括俾雞髀仔嘅オムライス(蛋包飯),夠味又有蛋汁,生薑燒豬肉包啦、炸魷魚啦、我個煎蛋漢堡啦。去北海道唔好食mos同老麥住,試呢間啦。仲有是日奶昔半價,正。睇人哋d相,近函館灣果間正好多喎尐裝修。

drinks in Hokkaido
上酒店前又梗係買定嘢飲,呢度有中間果款少藥水味北海道限定可樂Guarana揦,再嚟ソフトカツゲン淡口益力多。

smile hakodate
smile 係全程最平房,但都俾咗和洋式最大房我哋,唔細lu,兩張床再加和式果邊再有兩舖床瞓榻榻米。窗口直望函館駅。

函館市電
然後dup(6)住微雨去搭市電,(類似輕鐵),200yen搭到十字街落後散策(即hea行)。搭鐵路大部份有電梯上落,但搭市電或巴士、的士就要收bb車,落住雨都煩煩哋o架,但預咗,冇計。

金森倉庫群
坂本龍馬像、周圍舊區、紅磚金森倉庫群、函館灣、八幡坂等等影呀影呀,行吓,推bb車上山呀,kick住d雪,又風又雨又雪咁,不過未算超凍。睇吓右下角果兩個人,跑呀~

八幡坂
好,整張有別於遊遊書嘅冬日淒戚版八幡坂先。「坂」即係斜路,想睇多d可以睇函館斜路直望去海灣幾正㗎,咁香港都有尐位類似嘅。

fresh cheese cake
倉庫已經「活化」,入面有嘢玩有嘢食有手信賣,我哋又試咗尐入口即溶fresh cheese cake,百零yen一舊,yummy。不過室溫只可以放個零鐘,唔可以做手信。

rope rail
五點零天已暗,梗係要做吓遊客做嘅事,搭吊車上山睇百萬夜景,點解值一百萬?點解唔係一千萬,哈哈,毋須深究啩。bb車可以優先又可以搭lift,安排得幾好。大人來回1040 yen,但搭JR時好似座位d leaflet有9折coupon,不過又唔記得咗攞,哈,算。好多大陸同胞~ 野~

函館山
btw,途中聽倒有人用廣東話講「你睇咁細個bb都上嚟呀」,另一個答「人哋外國d bb,你估好似香港d咁緊張……」,我好想答佢呢個bb都係香港嚟㗎。^^ 當然冇,繼續扮日本人先。

百萬夜景
燈燈燈凳,個百萬夜景,留嚟做背景。我同雞髀仔先係主角,夜景相?影咗好多,google亦可以搵倒好多呢~呢間餐廳自然係遊客價,嘢食普通啦,雖然叫咗函館特產魷魚飯,但都係不值一提。俾薯好似老人與景咁睇同影到夠皮,打的回酒店,只係850yen,司機又躹曬躬又剩咁,真係掋到爛。因為市電都要200yen一位,仲有排吹住風雪行返落十字街,我覺得導遊淘今次嘅安排真係好。;p

Hakodate Station
親子團係冇乜夜生活㗎,夜生活就係同雞髀仔一齊沖涼跟住逼佢瞓啩。;p 所以呢尐日本細城市好啱,7、8點周圍黑曬。好,起身睇吓個站,又要講bye bye lu。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s