旭川及La Vista大雪山


Asahikawa Station
記憶開始衰退,打埋佢。3月15日上晝輕輕鬆鬆搭兩粒鐘由小樽築港到旭川。車站好大,確認咗一個冇指示冇路牌嘅東口rental car站外天橋底真係上La Vista架免費shuttle bus後,就行去車站前面嘅山頭火本店食旭川拉麵。

Santouka
本店比沙田果間仲細d,香港咁多間最好食係康怡果間,而旭川呢間同香港果d味道亦分別不大呢。不過有免費飯團送,ok喎,雞髀仔有飯食。;p

Santouka Ramen
係,無論樣同味都好近磅。MENU亦都變化不大。

mont-bell
喺車站吽(3)咗一段時間,上shuttle,好似total搭咗兩粒鐘?… 唔記得lu,中途仲有停低呢度俾我哋hea吓買吓手信嘢食殊殊,呢度d麵包ok,不過函館車站果間仲ok。;p 雪糕都係森永明治果d,其實北海道產牛奶製嘅都ok 好味。

La Vista Hotel
3點零到咗酒店,都幾大風雪,行唔遠。薯好似行咗1公里倒返返嚟。

lobby
但其實酒店入面都好多嘢做,全部都係歐洲feel。雞髀仔坐喺火爐邊hea陣等check-in。人人上曬房唔知點解個manager好特別咁同哋briefing好耐,我仲問佢係咪有乜special。佢話因為第1次入住嘅客人都係會詳細說明一吓嘅。

coffee
房間有手磨咖啡豆俾你沖咖啡。

dinner menu
影吓相,行吓小賣店,時間好快過,我哋揀咗最遲六點半晚餐時間。早知係法式full course多舊魚,薯叫咗我打去問清楚我又唔記得。一睇menu,兩個main course除咗魚,仲要羊,我哋好偏食o既,唔like。

takabe
咁waitress同chef出嚟講咗一大堆,我又求其話咗魚唔得,佢問我係咪鮟鱇魚「は」唔得,我答係,跟住冇理佢原來有問「タカ」得唔得,大佬呀,識日文啫,我返嚟問咗d日本同事都唔知乜係タカ,最後佢search俾我先知係唔係好多人識嘅タカベ。anyway,為咗唔想為難waitress姐姐,又唔想嘥嘢,試咗啖,咦,又要用cctvb嘅講法,我本身唔食魚㗎,但係呢個魚一d都唔腥,我食倒囉兼且仲係覺得好食而食曬嘅,真係勁。而薯始終冇試,雞髀仔就不嬲都食魚嘅,no problem。題外話,同事仲話怕腥叫我試撻沙,而鮟鱇魚亦都係唔腥嘅。oh,咁唔食魚嘅我都知出名嘅法國食材鮟鱇係用佢講法係滅茶高い(好很貴),蝕卓tim。anyway,對本來唔enjoy食魚嘅人又有乜所謂。

dinner time
而小羊肉又改咗雞,蝕唔蝕唔理lu,overall大家開心。呢餐好長又好食,如果雞髀仔有多d耐性,唔好咁嘈會更好。

shop sale
酒店有好多活動occupy你時間,食完飯sale都差唔多完。呢度d vanilla / melon pudding都好食,但我飽到食唔落。而平靚正又輕身手信有呢款美瑛出嘅ダイスミルク牛奶粒,好啱鍾意牛奶嘅朋友或者做小朋友零食,我覺得質地似榴槤乾,好味。

ice bar
行完買完手信上房擺低嘢,9點又可以去ice bar嘆杯熱朱古力,因為怕BB太凍,所以極速走人。

跟住係最開心o既落住雪浸露天溫泉,當然冇得影相,男女分開嘅。爽,不過其實連洗連浸都係半粒鐘倒。出嚟仲有免費雪條食。佢哋3個一齊條條fing入去玩應該仲開心。其實想一家人一齊浸可以登記借私家溫泉,不過我哋4名又唔打算一齊浸。由晏晝一直開到第日11點,check-out前仲可以再嚟㗎。

然後過冇耐就係好健康嘅瞓教時間。之後諗起,好似夜晚11點lobby會有free拉麵,不過,真係仲飽到反肚ing,forget it。

breakfast buffet
早餐係選擇都幾多嘅和洋buffet,又係可以另人食完lunch都食唔落嘅一餐。

cheese
仲有得食飄零燕芝士(2011年全日本第一嘅花畑牧場芝士)撈蒸熟薯仔同南瓜,其實就咁食d薯仔同南瓜都好好味,雞髀仔都好鍾意。總括嚟講呢間酒店樣樣都唔錯,不愧係米芝蓮之選,計埋兩餐食,價錢係reasonable嘅,絶對掋過香港。

10點鐘出發去旭山動物園,11點企鵝就出嚟free walking,車程話40分鐘,但咁大雪趕唔趕得切㗎,咁就留待下回分解。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s