旭山動物園及札幌拉麵共和國


zoo east gate
3月16日由於shuttle bus 11:20分先到達動物園東門,企鵝由東門向正門行,廿零分收隊,我已經叫薯佢哋3人俾曬d行李我放locker,但都係追唔倒。而且當我放完行李後,staff先問我你係咪會喺呢邊走?因為巴士站喺正門果邊喎~ oh,咁佢哋始終都要抬住兩隻大喼行一次,算啦,臨走先攞,如果shuttle bus可以停正門就更perfect喇。冇法。

eagle
動物園唔算大,不過某d動物第d地方較少見,亦都難咁近距離影倒。

monkey
兩位係咪好凍呀?

wolf
第一次見倒狼,好似狗,不過唔會摸佢啦。;p

reindeer

Gabriel & mum
雞髀仔好開心?係鬼,見倒獅子老虎黑熊驚驚就真。

Tiger
你好呀,貓貓。

rest
行到攰,入去坐吓食吓雪糕買吓手信。我哋因為食咗個好豐富嘅早餐,己經食唔落飯。

penguin
企鵝館,即使睇唔倒佢哋喺身邊行過,其實企鵝館度同佢哋距離都唔遠。動物園好多度都充滿濃烈動物氣味,即使落住雪都cum(2)唔倒,夏天唔知會點呢……

zoo
冬天3:30已經打烊,最後一班巴士好似4點半,佢哋兩個就由右邊山上面嘅東門一路拖吓停吓咁返落嚟,真辛苦。

Kinokuniya
時間過得真快,眨吓眼傍晚已經返咗札榥紀伊國屋,薯望住一堆音樂書就慨嘆,點解識日文嘅係我唔係佢,我識日文只係工具價值,佢識日文就唔記得乜……大意類似打開個文化寶庫啩。返嚟睇返陶傑講開,薯又自吹自擂英雄所見略同喇……超,唔係我呢部人肉iPHONE,人肉SIRI、GPS、google、翻譯、電話薄、秘書、媬姆、etc,你連日本都嚟唔倒,仲成日一路玩我部iPAD再一路好不屑咁話呢D奇技淫巧。算,我同意你教雞髀仔歷史、鑑賞古典音樂都有工具價值,而媽媽嘅存在對雞髀仔嚟講已經係自足。呵呵~

Children zukan
又買吓手信俾雞髀仔,嚟緊日本小學都強制要學英文喇,呢d咁colourful嘅小朋友圖鑑,好適合雞髀仔學埋日文呢~ 等佢代薯接觸呢個東方文化寶庫把啦。

ramenkan
夜晚行去esta(一間好似旺角果d乙級商廈,同JR Tower唔同級),big camera樓上嘅拉麵共和國

ramenkan2

ramenkan3
又係有d似主題樂園,佈置得有d似橫濱拉麵館但規模較細。結果因為唔想雞髀仔冇嘢食,都係冇揀拉麵,反而食咗一間和風洋食餐廳。主菜加200yen有嘢飲,300yen有嘢飲沙律,400yen……細佬見隔離枱可樂有塊檸檬,佢想飲,我睇住個menu drink list有コー就哎……埋單時見可樂530yen再睇menu,原來コー係コーヒー咖啡唔係コーラ可樂,main dish7百零yen,哈,塊檸檬都幾貴喎。薯本來見人用微波爐叮嘢,認為呢度極有potential成為最難食餐廳,但最後都ok。食飽依依不捨喺地下街磨到10點鐘,又再入family mart定7仔再買埋雪條食住返酒店。因為日本有出Häagen-Dazs,連便利店都賣得平d,細佬又搵倒佢之前見倒冇食嘅caramel味雪糕三文治,話佢知香港都有居然話未見過。

Thai Fair
3月17日走喇,嚟到新千歲機場,咦,同嚟果陣完全唔同,好繁榮呀。鬼咩,嚟果日收曬檔。機場做緊泰國祭,居然賣芒果?!!香港人成日許留山,10蚊8蚊有一個o既生果喺呢度居然係新事物,有趣。感覺上新千歲機場比成田更大更新,同多少少商舖。今次check-in比較方便,行李連BB車可以唔使再喺成田拎完再checkin多一次,直接到香港。不過,又未必係好事……

pork rice
btw,機場有BB車借,但要喺返同一地點還。行行吓薯受到北海道d豬嘅召喚,「食我啦~」咁就梗係要排隊試吓十勝豚丼食埋個lunch。

pork rice2
係幾好味㗎,d豬肉夠曬肥,所以我反而揀咗每日限定嘅豬冧柳肉。

Gabriel eat pork rice
你睇雞髀仔食到lam lam脷,薯仲忍唔住買埋枝豬肉汁,諗住返到香港可以回味吓。冇法,香港嘅北海道十勝豚丼應該唔係同一間舖。

snowbrand parlor
時間緊逼,梗係要試埋佢,軟雪糕試咗牛奶味同密瓜味,亦買埋杯裝雪糕。好冇食?好,但我覺得同北海道其他試過嘅雪糕比亦唔係特別出色,都係果句,用北海道牛奶造嘅雪糕都有濃香奶味,雪印都係。到呢度距離登機時間唔夠10分鐘,唔想好似大陸人咁周圍劈(6)嘢,唯有又跑去還bb車,最後當然辛苦趕倒。回程去,成田機場嘅BB車雖然要去JAL counter show boarding pass先借倒,但可以推到last minute,過埋出國海關登機先喺閘口還。不過,我哋過咗幾次都俾海關捉住,係喎,原來bb有水樽,有飲剩少少奶o既奶樽。拎曬出嚟後仲有?噢,係薯枝豬汁……果然,內陸機同國際機係有分別嘅,冇時間再拎去counter checkin,giveup。如是者薯就好唔高興咁返香港喇~哈哈。咦我高興咩?冇呀。

我嘅記敘文又寫完,咪期待吓薯生10年後嘅大作囉,到時雞髀仔大個睇得明lu。

旭山動物園及札幌拉麵共和國” 有 2 則迴響

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s