又一Project

要滿足好多要求：
冇錢（問過一間我幾like o既design house，淨design要收十幾個），再問過一間感覺幾老實o既公司，唔design淨裝修都要三十幾個，咁唯有自己嚟，再搵返我一個相熟*好師傳。
要俾雞髀仔多d活動空間，但又唔可以撞親、跌親佢；
舊樓乜都要換（已經因為好師傅叫我可以唔使換鋁窗，可以用返舊煤氣爐慳少少）；
我唔想太逼太多嘢（試過村屋好大個廰都俾我逼爆，傢俬不能太大件）；
薯媽希望可以有張床挨吓睇公仔箱；
薯要display佢o既海量藏書（真係海量，keep住不停買，我已經好少買書，睇BB書都揀電子版，不過BBo既書仔嚟緊都會越嚟越多）；不過，其實佢咁買，都係佢俾錢買大d層樓穏陣。
仲要俾薯擺鋼琴；
拉茜同伽俐略可能繼續瞓廁所，今次有兩個喇；
鑽廳真係幾難搞，將貨就價啦；
本來d傢俬隻隻唔同色，好難有歸一d感覺，不過好地地又唔捨得掉；
其實唔知住幾耐；
etc etc~

原則：

而家搞成咁：

可能有用網站：
Floorplanner.com─用嚟畫3D圖，對擺傢俬有用，圖睇好似好大，其實可能我d牆身define得太薄。
TOTO原來而家TOTO有d越南做，成日有promotion，以前好難想像咁o既價買倒，係Roca外o既選擇，個塔嚟講呢TOTO沖水會大力d。
圓方建材標榜大陸價香港quality，睇過，同砵蘭街差唔多，有d廁具甚至砵蘭街平過佢。
Quickstep快易店，無縫地板其實香港都仲有不少選擇，不過佢似乎降價不少，套餐價55蚊連地腳連包埋裝喎，仲想點。
田貝四路─好師傳帶我上過去，不過人仔貴，見過同我揀差唔多果d磚，香港賣28/9，佢都要15至19蚊人仔，間間價唔同，計落只係平香港幾蚊，仲未計每噸運費幾舊（師傳話一個廁所o既磚都1噸喇），所以都係算把啦，香港訂方便d。
eCOX、電器通─都係直銷電器店，啱我呢D成日喺公司上網，唔肯落街行o既人，不過佢哋通常唔會推介任何嘢，係你自己揀啱model就訂，揀錯嘢就後果自負喇。理性d都係應該落電器舖睇啱曬先訂，anyway，電器舖又未必有佢o地d牌子呢。
STARON最平可以去到4XX一直呎，貴唔得過大陸幾多咋。
浦琳，可以去淘宝search浦琳 水槽，同事介紹我用，即304不鏽鋼zink盤、龍頭同d廚廁架，佢話用咗兩年幾好，不鏽鋼zink實用過staron同corian果d喎，唔會爆，會試。淘宝12月12日有promotion。

*好師傳，識咗佢10年都有，用過佢幾次，唔係特別平，不過佢貼牆紙係冇罅o架，佢本人專做木。以上都係其次，主要覺得佢夠交帶，如果你唔expect有人俾設計上o既意見，淨係你叫佢做乜就做乜，幫你收貨、同水電煤交接之類，交低間屋俾佢可以唔使返去睇。哈，咁當然我叫做有去o既，唔係密lor。

好，等今次都搞掂又滿意的話，就開佢名。^^