新加坡遊記150808


Garden by the Bay
再唔寫實爛尾,是日行程不多。首先又係嘆完酒店個正早餐,同HEADER隻郵筒同BEAR影埋相。Check out keep住行李,又打的去咗上面Garden by the Bay

Garden by the Bay 2
好大嘅公園,因為早到,戶外其實都唔算太熱,不過要行曬應該半日唔夠。所以揀咗入兩個有冷氣溫室就算。個map都整得幾靚,係souvenir冇乜好買。

Garden PS
其實空氣相當清新,而且喺城市幾日,入嚟應該係好舒服。可惜因為假期,又係超多人,又係印度差加強國撚。雖然我喺每一個地方都係影唔倒冇路人甲嘅相如上,要練PS,但呢度都係強國撚WIN。點解?因為佢哋(um…我眼見嘅係強啦,或者印都有,唔知)係會踩上櫈(睇住佢兼留低鞋印)影相(人哋點坐?)。並且用手(摸都算)係掃、掹、拉扯植物(下個仲使睇?)。嘈、打尖都算,好心有少少品啦,咁靚嘅環境,何必呢?唉。

Walkway
btw,香港公園都靚,但garden by the bay地方更大,設計上可以玩得更多,我哋好似冇行OCBC條SKYWAY,但cloud forest呢條都幾有趣,個感覺有少少似天空之城。整體似向高發展。

Fern
唔需要調色,iPhone影出嚟嘅fern都好靚~

Flower Dome
其實兩個溫室應該差唔多大,不過Flower Dome感覺橫向同開濶啲,影相位更多,色香味俱全(顏色繽紛,香味少少啦,隻花香咪香囉)。

Garden2
可以扮郵票嘅位好多~另外仲有大銀幕睇溫室效應,唔同展館之類,值得一嚟。

Duck and Hippo
留到1點左右,我哋出發去Suntec City Mall,玩埋Duck & Hippo嘅最後一個活動。朋友已經提我多人要早book,但去到最早都要3:30。好彩係差唔多8點夜機唧。

soup and spoon
如是者接近兩粒鐘就係呢間Soup Spoonhea,雞髀仔就直頭瞓到自己屋企一樣。十零蚊坡幣一個餐,任坐,湯都幾多選擇,味道OK啦,夠多料飽肚。仲有時間喺附近買埋果隻魚尾獅樣難食朱古力做手信。不過最後發現機場都有果間Cocoa Tree,仍然奇怪點解周圍都冇乜鹹零食賣。

Duck Tour
醒喇雞髀仔,可以去玩喇。

Duck Tour 2
全程大約50分鐘,先落水後再兜少少街,有導遊ALFY全程都講得幾落力,但好似冇人tip佢。

Merlion
雖然我哋住fullerton,但估唔到最後係咁樣先睇魚尾獅。

Sand
金沙同下面呢個art museum都係今次冇去嘅。

bleed
如是者打的回程拎行李,去到機場都係5點半倒大把時間。夠呢隻衰髀玩行李車彈弓彈到自己流鼻血。我好似只係打開個喼,擺返少少要嘅嘢入去預備寄倉,真係睇少陣都死,見怪不怪。

foodstreet card
由於時間嘅關係,又幫襯吓food court。強制性要出card,如果經常出入機場係方便嘅,但對我哋呢啲一次性交易,其實幾無謂。有好處係cashier大路貨幣(美金人仔果類啦,孟加拉塔卡唔知呀吓)都收,有埋rate兌返坡幣入落card俾你,唔驚冇錢食飯。

Hai Nan Chicken Rice
冇時間去文東記,最後喺亞發買咗5個半坡幣嘅海南雞飯,竟然係幾好味嘅,讚!不過好似見有blogger話文東記好食過亞發。

Mickey Case
11點幾返到港,以為旅程完滿結束?錯,等雞髀仔去吓廁所飲吓水玩吓好遲到行李帶,只係發現一個同自己差唔多嘅米老鼠喼喺度轉嚟轉去,心知不妙。如果有人轉機笠咗去咪煩,雖然有買保險啫,賠曬都煩。結果將雞髀交俾舅父帶返佢屋企先。然後報俾機場staff知,期間又有大陸撚問行李位staff路,人哋話咗港鐵嘢佢哋唔知,個大媽仲要發難…我心諗你要死不如死埋一二邊,唔好成點鐘喺度阻住人哋收工啦。有幸香港機場職員先耍冧,再叫大媽出去出面問,輕易解決問題。個大媽雖然仲死唔斷氣咗幾句,但總算肯死開。填form期間,個staff仲好好人借咗佢個pin俾我篤返張sim card打電話。不幸中之大幸係,未填完張form已經有人call返入嚟話對家知道攞錯咗,喺departure J等緊,我想幫佢拎埋隻錯喼出去換,但應該唔啱手續。如是者,收返自己上面呢個有埋name tag嘅喼已經係12:56am。對家都係一家3口,同我講句唔好意思,我完全冇話佢,因為已係最壞打算,失而復得所以同佢講「唔該曬」,或者佢都覺得奇怪。哈哈,返到屋企沖埋涼執完嘢三點先瞓,好在係星期六。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s