人間白老鼠-Enagic還原水


Energic

官網香港美國

Anna
好,影埋好似幼稚園教師嘅介紹人Anna同伽俐略先。真正介紹我嘅同事J君另有其人,但Anna就係J君個介紹人。

HKPC Result
早排鉛水事件,已經驚驚哋自己裝修時貪平裝咗個淘宝大陸龍頭喺廚房,因為網上話所有強國製龍頭都重金屬超標,只需google「大陸龍頭 重金屬」。

睇返我當時居然冇出過post,哈,咁順手寫埋。
最後報告按世衛標準同喺google神嘅其他sources,屋企水嘅鉛冇大問題,但更大問題係隻鎳,我屋企水嘅鎳含量差過一般河水十幾倍好似(雖然仍屬安全範圍),呢隻嘢冇記錯仲毒過鉛,吸入計minimal risk level (MRL) of 0.0002 mg Ni/m3,反而鉛冇MRL。而大陸龍頭其中超曬標嘅重金屬就有佢份。大人,冇所謂,o靚仔,我可以俾雞髀仔去日本,因為短時間接觸低量幅射預計唔會生cancer,如果唔係連X光都唔照得啦,但日日飲,堅爻底。

記得當時資料搜集期,我有印象search過蒸餾水機、RO逆滲水機、鑽石能量水、電解水機(即所謂還原/元水機)同普通濾水器。由於唔知咩叫好水/靚水,只知前兩者冇曬啲礦物質長飲有害,後兩者吓吓皮皮聲,似呃人嘢多。

3M FM-1500B
幾經性價比較,最後裝咗當時教協有減價嘅3M FM-1500B,美國製濾網細過AP EASY COMPLETE,可過0.2µm(微米),奇怪而家香港官網睇唔倒,其他有啲唔係美國製。anyway,無論當時定而家,我都唔懷疑out嘅水係咪drinkable嘅,工業大國美國日本,唔信就好難信工業。所以你問我點解要拆咗佢裝還原水?下面會詳細講。記住,唔係3M唔好。千零蚊一年,夠compact,一年一枝同慳位係優點。另,通常佢要裝個減壓器冇記錯4百蚊。

Complete Blood Count.jpgUnion Hospital
事隔幾個月,我發現自己啲血小板持續幾年偏高,經referral睇完朋友推介好nice,feel倒佢關心病人嘅血液科醫生陳敏航,經過一堆lab test驗JAK2 mutation、complete blood picture、超聲波、抽骨髓等 claim爆咗兩份保單之後,好彩唔係cancer而係原發性血小板增多症(primary throbocythemia)。就咁聽好似好勁呀可,但我覺得似老人病多啲,同公司各個講開,唔係血小板多就係血小板低,有啲白血球多有啲白血球低,都唔知係咪好多香港人係咁。我JAK2冇mutate(不幸中之大幸),暫時年紀相對輕,但由於血小板多即血較「杰」,骨髓又缺鐵又唔運動,又成日食垃圾(食物啦梗係),怕老少少要通波仔。亦怕血小板係唔係都凝血時用曬啲凝血蛋白會流血不止。so,醫生都係suggest一路食Aspirin 亞士匹靈(同期怕傷胃要食胃藥)再加鐵片(supplement嚟,唔係食鐵),然後定期驗血。直到永遠,阿命。

cross
然後,虔誠天主教徒J君同我講開,咁咁咁情況不如試吓聽吓佢隻咁咁咁水。

嗱,我一向係懷疑論者,(補返句,大棚福利會寧可信其有,例如08年東亞銀行擠提,或尋人或領養或捐血等等,即使我懷疑,但抱著萬一堅咪瀨嘢心態,可能喺未求證下就些牙咗),anyway,盡量保持open-minded先有機會有所得著。信佢,唔係因為佢信神,而係佢一向好有原則,活到咁大年紀自然會有成見有諗法,但我相信佢喺絕大部份情況下唔講大話(佢會選擇唔講)。亦都唔止一次,佢喺我最需要幫助時,有意無意間會俾咗啲hints我,所以如果世上有天使,佢會係其中一個。於是,雖然雞髀仔星期六要上4樣嘢,我都抱住去挑戰乜乜水嘅心態,應邀2016年1月2日聽聽佢個示範睇吓點樣「呃」倒人。

然後,Anna出現,一個幼稚園教師咁款嘅女人仔,點呃你呢?就好似我唔信,但有時星期日跟薯返教會咁,個個基督徒(唔好理真心定假意)咁鬼nice歡迎你,點好意思反佢枱啫,戒心放低少少。

跟住,佢介紹何謂好水/靚水:google大概如下,但Enagic pH唔會講8咁低同冇第7點。我都冇去深究係咪真係世衛,但睇落合理。
好水


然後就係一連串還原水實驗,類似上面youtube video(打開咗嚟睇,而家應該唔可以咁hardsell法,聲稱醫乜醫物要負好大責任,仲要俾人錄埋……不過實驗真係類似,google會有大量)有朋友話有人帶埋西醫朋友上去,唔信。有中醫朋友話實驗有好多嘢可以呃人,要睇level of evidence,我唔知係乜,冇去search。

我冇做research就上去,帶咗屋企啲水一齊去compare,睇完我相信實驗冇呃人成份,點解:

1. 太簡單,用養魚都會用嘅液態indicator去test氯氣,有定冇,3M出嘅水都冇。

pH of different drink
2. 用pH indicatior去試pH睇顏色,初中chem level,咁都有得呃?更加睇倒汽水就算ZERO都唔可以飲,要N杯水去中和返。anyway,汽水可戒,咖啡應該戒唔倒亦唔會戒。
基本上電解咗嘅水(冇人話純水呀吓,題外話呢個網站幾得意,佢有講如想飲鹼水可以溝稀漂白水飲)分兩條喉出,一邊酸一邊鹼。
維基教:
Cathode (reduction): 2 H2O(l) + 2e− → H2(g) + 2 OH−(aq)
Anode (oxidation): 4 OH−(aq) → O2(g) + 2 H2O(l) + 4 e−
3. 攞部電壓計去比較唔同水,測ORP-氧化還原電位(還原水個個名就係咁嚟,明顯只有佢一種水係negative reading,連Evian礦泉水都係+ve,Evian有好幾個性質似電解鹼水)其實ORP我唔識,anyway聽住先。
4. 碘,呢個其實難,因為睇由啡轉清好易,但我根本唔知碘本身係氧化物定抗氧化物。不過之後我試過還原水浸蘋果,冇生鏽,咁即係抗氧化而唔係氧化啦。
5. pH11.5洗米(Anna糾正返我個12.5),明顯同自來水洗米後水嘅顏色唔同,比較黃。Anna話係農藥呀防腐劑,唔sure,姑且當係比普通水浸得出多啲嘢。
6. 可溶油,睇倒冇得呃。又即係斷估第5點係浸倒一啲溶於油嘅物質出嚟,唔知係佢講嘅防腐劑定營養素,不過米照計係冇乜營養……(另,我同事親人買純粹因為煮飯好味咗,我當時唔知有幾好味,買咗之後試真係好味咗。)
7. 凍水沖茶包,唔識水份子大小,都睇倒浸透力唔同。(買咗後我試過沖茶沖咖啡,效果一致)
8. 摸,同水喉水唔同,pH唔同滑啲鞋啲實㗎啦。
9. 飲,自然甘甜,可能同佢果5層濾水器個芯有關。

咁總結以上,Anna冇講醫療用途,我冇懷疑隻水個pH,同埋電壓係同其他水特別唔同。但我懷疑落咗胃之後會被中和,同埋根本吸收唔倒。

多口問句可唔可以分期付款,Anna以為我即買。哈哈,其實係J君講過可以試飲兩個星期,我主要係想試飲,咁問定亦冇壞。最後約就約咗1月17日裝機,反正反悔都只係收6舊送水費,豪俾你啦。

期間J君繼續同其他同事分享隻水點好點好,Anna就每朝好辛苦咁送5L水嚟我公司,我就只係不斷google同派水俾同事。首先去搵乜嘢叫ORP,係negative又點~ 於是再搵倒好多正反意見,但有啲我覺得係幾可信嘅(純粹智攝):

1. Ray Kurzweil

Scientist Ray Kurzweil Answers Alkaline Water Questions

重點:
“There are more benefits to “alkaline water” than simply the alkalinity or pH. The most important feature of alkaline water produced by a water alkalizer is its oxidation reduction potential (ORP). Water with a high negative ORP is of particular value in its ability to neutralize oxygen free radicals. ORP can also be directly tested using an ORP sensor and meter. We have conducted these experiments as well. We found that water coming directly from the tap had an ORP of +290mV, while the water coming out of the water alkalinizer had a negative ORP."

“It is important to remember that large amounts of hydrochloric acid are present in the stomach primarily when food is there. There is only a small amount of acid in stomach when it is empty, and this can be easily overcome when alkaline electron-rich water is consumed. Therefore, in order to gain maximum benefit, we recommend drinking alkaline water in between meals. Water consumed between meals will very quickly pass through the stomach and the GI tract."

佢講咗ORP有用兼貴重,空腹就真係吸收倒。

2. Dr. Gerald Bresnahan M.D 奧巴馬心臟醫生

重點:
“Hundreds of thousands of our patients have experienced remarkable results with Ionized medical quality drinking water. We are doing our part to bring this technology to the medical community in the United States because Ionized Water revolutionizing health, fitness and wellness of our nation. This will be a great thing for everyone, and will change the lives of millions of people. “

3. 九州大学 白畑實隆教授

重點:
「1990年(平成2年)、ノーベル医学賞博士であるアラン・カレル氏の伝記の中に出てくる“ルルドの奇跡の水”の話を読んだ時から、「病気を癒す水が本当に存在するのか?」という疑問が頭を離れなくなり、「水を飲むことで活性酸素を消せないだろうか。そんな抗酸化水をつくれないだろうか。」というアイデアの実現を模索する日々が始まりました」
大意係90年起睇咗Nobel Prize醫學奬得主Alexis Carrel傳記講法國盧爾德聖泉(奇蹟之水),就諗可以醫病嘅水係咪真係存在,開始研究有冇計靠飲水消除活性氧方法,啲水可唔可以整出嚟。

「新たな実証データを得るための追加実験や検証を何度も繰り返し、3回目の論文にしてようやく審査を通り、「電解還元水の活性酸素類の消去及びDNAの酸化損傷からの保護作用」と題する研究論文が、1997年5月号のBBRC誌に掲載されました。」

中間又做咗好多實驗,但要夠嚴緊,第3次投稿話可以護DNA保護細胞之類先夠料被BBRC(BIOCHEMICAL AND BIOPHYSICAL RESEARCH COMMUNICATIONS,影響煙子2點幾,即係弱?唔知。)刊登。

4. 然後到人體自行調節pH問題,Dr. Sang Whang講得幾清楚。大意係人體會自行調節pH,但人老咗後,個pH buffer會慢慢減少,90歲冇咗18%,電解水係加返隻buffer,而唔係提高你個pH。
睇返pH其實唔係重點,原先呢點似唔太關事。咁我改咗佢為:有啲混淆OH-唔知係好嘢定衰嘢,呢個網站講得好。亦都點解改名為富氫水,既然已買,我都冇研究有冇更平靚正方法更活性H2喇。

5. Will alkaline water kill you?其實要抗氧化日日隊好多菜都得,不過咁計法真係水最平。可以隊完水隊返兩件炸雞都得吖嘛。

好,我大概認同電解水堅有用喇。而原理呢篇都講得幾簡單。

IMG_5956
跟住自然去search性價比,其實我搵唔返個source,但舊年8月睇過類似,呢張Anna俾。自然搵倒Enagic同三禾,另一患癌朋友裝eWATER嘅SAKIYO(更正為日本嘢,但網站內容太少,兼貴好多),比較完塊板size,物料之類,見到有間韓國嘢IZUMI聲稱有FDA認證,但FDA已經否認咗。Enagic聲稱如厚生労働省医療機器製造承認番号 21600BZZ00376000係堅嘅、日本成人病予防協會認證都係堅嘅,但個會就有人懷疑代表性。又見倒澳洲有手禁住Enagic嚟打嘅Lifeionzier,但香港又冇代理。睇落淘寶都有電解水機,但強國嘢仲飲?Panasonic大牌子及價錢平,但如果真係咁快冇效,理論上應該揀多層得嚟係醫療級白金兼合理價。補返句,雖然另一用緊Panasonic嘅E君都有叫我如果試其實試咗Panasonic先都得。可以到冇效再換囉,不過個人又其實試過好多次咁樣,最後都係覺得得不償失,後悔點解唔最初裝部勁嘅。(如麵包機)

講真,我唔鍾意Enagic或Amyway呢類network marketing,唔係關product有冇問題事,而係到你真心想讚佢時,人人都懷疑你係sell屎。咁當然,如果冇回佣,可能好多人冇sell得咁落力。anyway,我見唔倒香港有另一部「好似」好過佢嘅機,「日本製」係重點。Saleslady Anna唔算太hard sell,兼日日拖喼水嚟咁有heart。而我相信電解水係好嘢嚟,認為佢「可能」令我可以食少啲藥,既然去仁安一嘢都用5皮幾,呢部機可以用10年甚至15年,試吓囉。咁快碌卡係渣打可以換3萬里數。;p

由於香港水污糟,要先經濾水器再入Enagic部電解水機。到安裝時,其實我冇詳細問3M係咪唔可以照用,以為水壓唔啱所以拆咗轉用佢哋果隻台灣製5重superfilter,濾膜0.5µm,其實冇3M咁高效添。不過佢加咗麥飯石可以打細水份子,同overall計落平的咁dur嘅。不過如果有問清楚,我諗會用多排3M直至到期先換隻濾水器,俾曬Anna搞方便啲嘛。題外話:裝機果位Dicky原來係做開鑽石能量水,佢話部機銷量唔掂,而且我上網都有睇淨係做打細水份子,咁我斷估Enagic前景應該好好多,銷量年年增。

再再題外話,日本買或ebay買呢部機都會平啲,但我冇研究電壓,同埋呢啲水電嘢,又唔包裝又唔包上門維修跟進。咁俾人賺錢都係應該嘅。

濕疹
初步見強酸水聲稱可醫濕疹,咪試。可以講證實止痕係即時見效咁滯,醫濕疹呢,講真我間唔中會紅好耐,唔搽類固醇唔好,而呢晚一噴第朝好曬,但唔sure呢幾粒紅嘢係咪果款疹。薯話止痕,但濕疹冇咁快好。

濕疹2

anyway,以上所有報告都係我嘅,有人懷疑我係seller冇所謂,反正因為post得太多資料而被懷疑係我強項。^^ 其實佢哋都講咗好多個案我聽,有相係冇數據囉。所以一於自己嚟,3月我又會驗血,到時post result上嚟就可以知呢隻白老鼠值唔值得做。我而家係完全唔食亞氏匹靈。

PS 我知道Anna好想我成為一個positive嘅用家分享,而我親戚亦一見即裝,不過如果個result係完全冇好過嘅話,我真係唔敢讚囉。

PPS 上份驗血報告,因為當時我係經常氣管炎,所以白血球都多埋,正常情況下我估血小板數應該係5百頭,白血球數唔應該紅。

PPPS 由於時間太短,果個零月,月尾仲要去日本,所以我預計數據唔會太靚。不過,只要唔惡化,都可以再試一排吖。

PPPPS 某啲網站可以買倒部機平好多,Anna話唔合法喎。不過呢啲唔關我事,只係冇5年保養,冇人教用法同要自己買芯之類,自己決定啦。

另,越睇書越睇網站覺得電解水好值得研究,buy嘅唔好計賣水人士,好多日本同歐美科學家去prove抗氧化效果(即ORP),唔buy嘅主要都係鋤pH,未見倒有人話ORP係廢或假。遲啲要買個ORP計做吓實驗先得。

廣告

人間白老鼠-Enagic還原水” 有 23 則迴響

  1. http://www.alkalinewaterionizers.org/consumer-reports-why-are-kangen-water-ionizers-so-expensive/

    呢個網站講得非常中肯,電解水係有益嘅,部機係ok嘅,但銷售手法就……同埋可以平好多好多。anyway,呢個制度令你逼住睇分銷商個人操守,我唔會完全否定面對面sell嘢好處,尤其當你係8, 90歲老人家,或者極有被救需要嘅病人。

    咁講,如果平一半,我覺得合理。

    而家就唯有去買部ORP計,compare其他機出嘅水,如果Enagic個ORP更低,咁佢貴少少都值。始終人一日兩L水都夠,冇可能飲多10倍去補更多嘅氫原子或電子入去。

  2. 齋飲唔覺有咩效。

    噴強酸就可以止痕,我亦會噴強鹼,最後濕疹有好,但我唔敢答係咪只係關隻水事。

    亞仔太細唔定,我冇同佢浸水,照搽藥膏。

  3. Tony Leung

    我以前淨係鍾意飲汽水同啤酒,就算飲水都淨係飲梳打水,買咗水機之後,鍾意左飲水,飲咗還原水三年,以前嘅香港腳同濕疹好返,暗瘡得到好大嘅改善,因為我圍村好多蚊,我最鍾意就係佢啲2.5水可以用來蚊咬只痕,我爸爸嘅糖尿病亦得到改善,因為我鍾意食肉,個人酸性比較多,個人好容疲倦,飲咗9.5水之後亦覺得精神好好多,如有問題可以同我分享吓經歷

  4. Tony Leung

    爸爸今年四月開始飲還完水,我爸爸本來糖尿病11度,佢用咗部機大約三個月,佢嘅糖尿病去到5.6度,醫生俾佢嘅血糖藥已經減咗一半份量,希望今年之內我爸爸嘅糖尿藥可以再減

  5. Maney

    我睇咗示範,老公好有興趣,約咗過幾日上黎裝,希望用咗仔仔濕疹真係會有改善啦,你唔講我真係唔知可以試用2個星期,咁你有冇用佢沖涼果部?有冇用?

  6. 我冇買果部呀,實有人話有用有人話冇用,要自行判斷。

    我買完部水機,醫生都覺得我係近乎信仰,但唔知點解飲水果排啲數據靚,而家因為某啲原因唔係日日飲,好快數據就差返。如果我過一排又日日飲啲數據又靚返,想唔信都難。

  7. Tony leung

    如果有濕疹要用ph2.5水每日都要噴皮膚, 加上每日都要飲八杯以上 ph 9.5水,我介紹咗比兩個好朋友用,佢哋現在啲濕疹已經好了,但係要繼續飲用PH 9.5水 , (kangen water) Enagic 還原水機SD501 $29800

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s