少談政治

因為不懂。

林奠、何妖、何必糾纏？都唔係人。

但作為人，應該有人性外，仲有少少智慧。

無論你係乜絲，香港有言論自由，問心，自己有冇被情緒影響判斷。
坦白講，眼見克警（聲稱克制的香港警察）多次襲擊示威者…
而示威者由最初「手無寸鐵」到今日全副山寨武裝兼有煙花汽油彈…

以暴易暴好爽！如果易到就係。
不合作運動需要全民合作，而家情況係部份市民開始期望中央出解放軍。
只要一訴諸武力，示威者就必輸。

就算，畀你短期捉到一個半個克警嚟打，其實有咩用？

而警察亦唔係想市民死，只不過係雄性荷爾蒙互相挑釁下嘅必然結果。

而家
新疆嘅集中型同香港目前最大分別
呢度（仲）有新聞自由同英文，外國記者比較易明，訊息傳播較快。
我知，雖然仍有好多眼盲心盲人士，不過唔盲嘅起碼睇到，每一代都睇到，就會有希望。

中國人同歐美白人好唔同，永遠只有同仇敵愾，鮮有win win諗法。
留意，政府唔同獅子老虎，其實唔「食人」對佢哋冇影響。
做選民不做港豬，團結香港人，培育法律政治人才兼加入警隊。
除咗不讉責不割席不篤灰，我呢啲廢老冇咩可以做。
或者，好似牧師祈禱傳福音咁，冇即時成果都繼續做。
打咁多唔知自己想講乜，應該都係果句「只要一訴諸武力，示威者就必輸」。
留得青山在，哪怕冇柴燒，邊方都好，打人前問心，有冇需要？
仍然期望有日見到香港去教育中國，中國有真正文明嘅一日，咁對人類同成個世界最有利。