人間白老鼠之EMS Training@BodyExpress

由於越嚟越肥,頂自己唔順,咪google吓personal trainer諗住做返運動。
上上星期走咗上BodyExpress試玩,wow,覺得好掂呀。

首先,咩係EMS training?自己睇
quote佢:
原理
最初 EMS (脈衝電流刺激訓練)被 NASA 運用在太空人進行太空探索時的肌肉訓練,在無重力環境下,肌力相對流失更快,必須透過高科技強化肌肉。
模擬人體大腦生物電信號,將信號級中低頻率脈衝電流通過汗腺導入技術傳輸到運動神經。
調節肌肉收縮強度 、時間和規律等,指揮同組肌肉群協同工作。
發展肌肉力量。
幫助改善肌肉軟組織傷病。
減脂塑型。」

咩掂?先嚟做過分析…唉唉唉:我屋企個Tanita脂肪磅長期冇偷懶,一直話我知我脂肪比率已達恐龍級數,今次更加事實擺在眼前:

慶幸仲合格,但年紀大機器壞,瑜伽又就唔到時間,近來先每日做幾分鐘plank。肌肉流失啦,脂肪積聚啦,我連BEFORE AFTER果張BEFORE相都唔想影上嚟,必須減fat操肌肉,練到馬甲線再post。

另,muscle-fat analysis 我而家係C,希望練到D,即增加肌肉減少脂肪。

咁能夠斷症啫,係咪可以下藥呢?
同網上睇嘅一樣,要除曬衫包括內衣褲換咗佢套黑色Trek Suit,再著件濆濕水通電外套,企上部機學Basic Squat,我真係做過瑜伽連無影凳都坐唔好。

部機可獨立調校每個位置電流:


小鮮肉靚仔教練(佢嘅身體分析攞成90分,體脂肪得11%)就按照最基本呢啲動作,不斷教同鼓勵我做(其實係虐待…佢好啱做)。電流嚟4秒停4秒,感覺似睇龍珠果啲重力訓練,幾分鐘開始索氣,流汗,然後肌肉一如佢所講痛咗3日。由於網上睇研究話train muscle快見效又近office,啱我呢啲要返屋企同仔做功課,又join咗。(基本上我好易Sell,而佢哋直頭唔Sell,Nice。)

今次再裝埋呢個MY NET DIARY控制卡路里吸收。上星期五去第二次,之後book定routine一星期兩次。教練講過,就算唔講都知,齋train muscle唔控制diet唔會瘦,今朝磅重,輕咗係預料之內,竟然連脂肪比率都下降埋(都唔知幾耐冇見過…),實在太滾動喇 TT,(wordpress點解冇EMOJI)希望今次唔好三分鐘熱度啦。(衰格地畀咗錢係好啲!)

廣告

腐女遊戲-囚われのパルマ攻略中

torawarenoparuma

官網:Capcom

乙定腐呢,有得偷窺裝人著花花底底,小遊戲篤到佢E E AH AH點都腐腐哋。

我懶整攻略喇,不過人哋又快又齊,可以睇WIKI

俾360 yen呢個咁掋嘅價呃咗入去之後,就發現原來好多嘢陰啲陰啲加你錢,面談延長都要120yen,不過相信唔課金都可以「完成」成個episode 1嘅,係爭在果啲乜度物度可能唔會夠,亦都少戀愛情節兼冇good ending啩。

玩咗粒零鐘:故事講有個靚仔失憶被困喺山上收容設施(即監倉?),然後一個素人即你被帶上去做美其名相談員其實係竊睇竊聽褻玩。個setting幾特別,看守員一望有啲似吳彥祖,可惜一笑就破壞曬。cafe個master都幾型,公園果就唔好提喇。90後嘅梅原裕一郎把聲都幾好聽,我估點都會玩完episode 1啩。

P.S.原來每個episode都係得3次延長時間,咁720yen一個episode,玩曬6個就4320yen,咁日本應該都好多人會俾曬錢。
betones2
PPS Betones係咪植入廣告?

新玩具途訊K068 IOS 天籟K歌

k068-t-or-f1

k068-t-or-f2

k068-t-or-f3

k068-t-or-f4

K歌app唔係咩新嘢,我間唔中有用headphone咪唱K歌逹人。不過近排好多朋友、甚至連唔唱K嘅同事都去淘K歌神器。我都忍唔住上香港格價網搵香港行貨買,睇相有分別,但用其實又分別不大,爭百零蚊,叫做有香港代理1年保養囉,電子嘢,撞手神,高仿都未必會壞。係代理話真有laser貼紙,或者有代理右邊個貼紙,機身平滑同埋有產品專利號,假果啲聲再「浮」啲喎,冇認真研究。同事話去羅湖100人仔有交易。

一路用K歌達人自娛冇理share俾人問題,但朋友whatsapp俾條mp3我,我都唔識俾返佢。


於是試天籟K歌,connect枝咪好簡單用返IOS個bluetooth就得。點歌後就識自動喺咪出你把聲同音樂聲,個人認為夠大聲。

但到錄音呢,唔關枝咪事,係IOS同Android都唔support bluetooth in條人聲(未爬文,或者有其他app得),一定要用佢條線插咪同iphone/ipad headphone位先得。問題就嚟喇,音樂太大聲會撞曬咪,太細聲根本聽唔到,發覺自己都甩曬bit,而錄人聲太細聲,即使已校100,之後校細echo,校大音樂係冇問題嘅,亦都冇V聲,同普通headphone個咪錄一樣好太「風」聲,可能我揀咗「錄音棚」音效模式,不過噴咪聲就好咗好多,兼冇曬啲呼吸聲添,其實應該唔係好事。錄音感覺有少少delay,太大聲會拆拆哋,不過強國嘢嚟計,OK啦。

local
然後保存。同小米盒子一樣,大陸嘢係好難用正常邏輯去諗明,點解唔係我的主頁,斷估係英文local drive去垃圾翻譯為「本地作品」,天籟已經算就IOS,喺呢度可以俾你導出。

上網爬文可以用裝iTools(試咗都ok啦),要小心唔好同時裝埋好多垃圾落PC。但其實用返PC iTunes就得。

file無論save乜,齋音樂、mv都係出MP4 format,要用返是但一隻mp4 to mp3 converter先得。正常應該save條聲就係導出mp3啩(要試吓)。

音樂比人聲大,我將人聲校85,音樂55都ok。之後可以上網搵任何edit audio file嘅equalizer去搞搞。例如:NCH隻WavePad Sound Editor。不過我未摸熟邊個Hz要boost邊個Hz要fade住,唔理住。

反正將個file e俾自己,喺IOS開email,save file再share返落whatsapp就得。

都幾煩:)

呢首薯話合格,冇執過任何嘢,開心些牙:不過又由mp3轉返mp4都幾無聊(._.")