關於喜樂蒂牧羊犬配色

早前有打算俾拉茜生一胎,雖然最後都係放棄咗,但上網睇吓先知原來狗嘅毛色係由好幾對基因決定,所以先咁多變化。於是又記低呢篇筆記。

呢度淨係講喜樂蒂Shetland Sheepdog,其他狗即使有類似毛色,但控制佢哋嘅genes未必盡同,就好似Border Collie邊界牧羊有dominant black gene,所以多數黑色,喜樂蒂或稱小牧強勢顏色係sable,貂色亦即港稱啡色。

可見顏色大致關於以下幾個基因事,其實仲有更多,不過既然睇唔出就skip咗佢,如E Locus (MC1R),因為所有小牧都係同一個E基因,冇分別,一樣俾紅黃棕黑啡灰顯色。

而小牧最常見深淺不一嘅啡色身就係關Agouti (ASIP)事,A Locus gene有4種,3種出現响小牧呢個品種,佢哋顯性排列係: ay啡色 > at三色基因 > a雙色基因。 小牧有兩個A Locus gene,每隻狗有兩個A,所以如此:

ay-ay啡色
ay-at啡色,tri-factored
ay-a 啡色,bi-factored
因為啡色強過三色同雙色,所以只要有一個ay就會係啡色。另,雖然有講法話從啡色深淺可以分倒有冇tri or bi facor,但事實上冇根據。拉茜就起碼有一個aygene喇。

at-at三色
at-a三色,bi-factored

只有a-a先會係黑白色。

另一樣重要就係Merle (SILV),我好鍾意嘅雲石色就係因為呢種淡化其他色素嘅基因做成。每隻小牧有兩個基因m冇雲石或M有雲石。只要有一個M,毛色就會出現深淺不一,瞳孔亦有可能出現唔同顏色,如一邊藍一邊啡。

注意兩個M即double merle的話小牧毛色會更白,而且好大機會又聾又盲,所以一般唔會建議將兩隻有M基因嘅狗配種。
m-m 冇雲石基因
m-M 1個雲石基因,如果本身係啡色,冇乜黑色俾佢淡化就會出sable merle,幼犬會易分d,但成犬表面上同普通啡色難分。

如果係三色加上雲石基因,就變成blue merle,通常塊面仲有d啡色淨低如上。

如果佢係黑白色bi-black,加上M,就會變成bi-blue,身上唔會有啡色如上。

M-M double merle,身上主要為白色,多數眼及耳有defect。

最後係White Spotting (MITF)或叫white factor白基因。小牧S-S一般胸口、圍住頸附近、四隻腳同尾末端會係白色,但就算係S-S都唔一定有白頸圈o既。而有mutation即S-sp會影響佢其他位出現白色。好似拉茜咁,佢隻後腳白色部份伸展到膝頭以上,肚以上兩側翼位都有少少白毛,佢應該係有white-factor喇。而如果兩個genes都有特變,即sp-sp,咁狗身上會出現多處白班,至全身白得個頭有色,即colour headed white如下圖。更多圖可以睇參考第一篇,呢度尐圖片除咗拉茜都係網上資源。

ok,咁當要配種時,簡單舉個例:
ay-at-m-m-S-S啡白色 x a-a-m-M-S-S bi-blue
後代就有機會係
ay-a-m-m-S-S 啡白色
at-a-m-m-S-S 三色
ay-a-m-M-S-S 啡白帶雲色基因嘅sable merle
at-a-m-M-S-S blue merle
想計多尐可以參考第2條link。

參考:
1. Shetland Sheepdog Coat Color DNA Study

2. 後代顏色計算機Sheltie Coat Color Calculator

3. The Colors of The Sheltie

拉茜牌茶樹薰衣草苦楝手工皂

前排試用自己整番梘幫拉茜沖涼,感覺ok,又平過街買果d狗用o既洗毛水,唔知點解竉物用品貴過人。其次,拉茜自從俾我剪咗d頸毛後一直未出返厚,雖然醫生話佢d皮膚冇事,但紅紅o地,所以一於整返件拉茜牌梘俾佢用吓,不過一batch通常都10件8件,淨係佢有排用,所以整到人都用得就啱喇。上次用香精整,浸味對人ok,用落狗度好怪,所以今次都係用精油算。

材料:
椰子油 125g
棕櫚油 125g
橄欖油 150g
蓖麻油 50g
苦楝油 50g
薰衣草精油 10ml
茶樹精油 10ml
氫氧化納 80g
水 220g

做法可以睇返第一次

蓖麻油,貪佢潤滑皮膚對毛髮好,最好d毛生快d。加苦楝係貪佢消炎、止癢、殺菌驅蚤、蟲,當然佢會繼續用frontline plus,唔會單靠苦楝。注意苦楝油千祈唔好買花墟殺蟲果d,冷壓榨取俾人用呢d浸味唔重o架。薰衣草精油係平衡皮脂分泌,防濕疹、殺菌驅蟲、鎮靜、好味咁啦。茶樹消炎對皮膚好殺菌驅蟲。本來仲想加多d,如雪松香茅之類,不過用大量精油太貴喇,而且到熟成時精油都揮發曬,睇吓今次成效點先啦。最後發現唔記得買蒸餾水,咁就用凍滾水算數。


由於加咗苦楝,d油好深色。今次懶醒以為唔落香精要有排攪,o係yahoo拍賣買咗個電動coffee creamer。點知,一加鹼水,皂化速度同加香精冇乜分別,甚至更唔均勻,因為coffee creamer範圍太細,亦可能因為加咗蓖麻油,會加速trace。不過,唔均勻得嚟,整體較上次軟,勉強可以入倒模。今次o係天麗買矽膠模,大部份貨品都偏貴,冇法,鬼叫佢有舖面,同都有幾多現貨模。不過,佢d模唔夠J’s Land o既硬淨,我指係用較多矽膠令外圍冇咁易變型,而唔係矽膠本身硬度。不過講真,再整多d都唔會吓吓用模咁煩啦,送人除外。模軟其實使用上冇問題,問題係我衰在將d矽膠模叠高,所以個底有少少變型。而精油就o係兆成行買,各款精油10ml的話唔算平,但50ml百二蚊,唔知仲有冇地方平過佢呢?


成品核核突突,所以雖然天麗話影幅相俾佢下次有85折,但都係留返下轉先。又要等兩三個星期先可以俾拉茜試吓lu。另,個coffee creamer留返嚟打奶,效果唔錯。

狗隻絕育最佳時間

拉茜前幾日終於大個女喇,早排曾經諗過俾佢生一胎,但最後都係覺得照顧唔倒,加上佢男友仔都做埋公公,更加冇乜理由唔同拉茜絕育。不過呢,越上網睇見倒越多相反意見。雖然絕育好似減少咗一尐cancer機會(尤其狗女),但同時增加咗另一尐cancer嘅機會。而至於對絕育嘅適當時機就一樣咁大分歧。有人話如果唔想俾佢生,應該BB時6至8星期就做手術,但有人話咁樣好變態,應該等佢完全成熟曬先做。以下係翻譯自《Spay / Neuter your Dogs?》一文嘅資料,原文見下面參考文件:

母狗絕育好處:
1. 兩歲半前做手術,能大大降低其患上乳房腫瘤的機會。這是母狗最常見嘅惡性腫瘤;
2. 幾乎完全避免其患上子宫蓄膿症。未絕育的母狗有23%會患上呢種病,並有1%因此死亡;
3. 減少患上肛周瘻管嘅機會;
4. 避免患上子宫瘤、宫頸腫瘤同卵巢腫瘤(本來機會<0.5%)。

母狗絕育壞處:
1. 若在一歲前做手術,将大大增加患骨癌的風險。這是一種在大型狗隻中常見的癌症;
2. 增加患上脾臟血管肉瘤機會到原來的2.2倍,而患心血管肉瘤的機率則增到5倍,亦是常見惡性腫瘤和可致命(但冇講到底有幾常見,睇維基話德國牧羊狗同金毛尤為常見,而另一尐來源唔可靠嘅網站話6成美國6歲以上狗隻有cancer,真係信不信由你);
3. 患上甲状腺機能减退的機率增至三倍;
4. 肥胖機會增至1.6到兩倍,並因此带来其它健康問题;
5. 4 ~ 20%已絕育母狗,會小便失禁;
6. 增加持續或復發性尿道感染的機率到3至4倍;
7. 外陰部炎、陰道炎等疾病風險增加,特别是那些未成年而做手術的母狗;
8. 患尿道腫瘤的機率倍增(本來<1%);

而狗公絕育好處係:
1. 避免死於睾丸癌(本來大概<1%);
2. 減少患上非癌症的攝護腺疾病的機會;
3. 減少患上肛周瘻管的機會;
4. 或者可以減少患上糖尿病機會(數據未能反映此項成立)。

公狗絕育壞處:
1. 若在一歲前做手術,将大大增加患骨癌的風險。這是一種在大型狗隻中常見的癌症;
2. (斷估應該患上脾臟血管肉瘤機會都增加,但佢冇提)患心血管肉瘤的機率則增到1.6倍;
3. 患上甲状腺機能减退的機率增至三倍;
4. 增加老年認知受損機會;
5. 肥胖機會增至三倍,並因此带来其它健康問题;
5. 前列腺癌機會增至四倍(本來少於0.6%);
6. 泌尿道癌機會增至兩倍(本來少於1%);
7. 增加患上骨科疾病的機會;
8. 增加接種疫苗時引發負面反應的機會。

拉茜早前試穿生理褲

因為唔做手術有成兩成機會子宮蓄膿,而且一年發兩次或以上長期發情令放狗幾唔方便,兼會整污糟地方。拉茜都係要受靶㗎喇,伽俐略已經受完。而綜合好壞處同更多道聽途說,我決定等拉茜發情一次完全成熟後,子宮冇咁活躍時帶佢去絕育。因為如果佢發情期間做手術,子宮變大自然傷口大,唔係美唔美觀問題,出咗毛根本睇唔倒,而係會危險好多,亦更需時康復。老狗做手術要吊埋鹽水同埋準備輸血,佢係青年就會摶一摶唔做呢尐。

轉貼發情期長短:(搞到篇文超長tim)
狗狗發情期前後

1.發情前期(4-15天)
  第一個顯而易見的階段。通常陰門有些腫脹,外加有無色分泌物並繼而出血。您可能未察覺到分泌物,但在正常情況下會看見血,可能只是一點點而已。多數母狗都很愛清潔,很快就會把分泌物從陰門上舔掉,因此注意的可能是牠舔食的動作。

  某些母狗分泌物很多卻無腫脹的現象,有一些則可能無分泌物卻腫脹的很厲害。某些母狗,特別是巨大體型的品種,幾乎不表現出外部跡象。這段期間,母狗對公母具有吸引力。多數母狗很輕浮,但除了最有經驗者外都會拒絕交配。

2.正發情期(4-8天)
  正常情況下,流血已停止。陰門已不那麼飽滿,但仍腫脹,可能會有無色或淡黃色分泌物。這段時期的母狗會追求公狗,共接受牠們的交配一般而言,排卵發生於發情期的第二天,這是交配最佳的一天。在此前後只要交配數次,受孕的可能性就會大為增加。

3.發情過後(6-10週)
  本階段雖然沒有外部明顯跡象,但仍代表母狗子宮的一段活躍時期,此時子宮已為往後的平靜(不發情期)做好準備。

4.不發情期(約15週)
  時間長短不等的平靜階段,在此期間內母狗的生殖系統沒有活動。

參考:
Spay / Neuter your Dogs?

Veterinary Advice Online: Dog Spaying (Spaying a Female Dog).