還元水醫好了原發性血小板增生?!


以上係最新報告,一切正常。

最初試水嘅POST喺呢度

跟進POST

再跟進POST

呢個係15年12月嘅報告

其實2013年報告已超標,不過我冇理佢,跟住聽醫生講去埋抽骨髓驗,結論係原發性血小板增生essential thrombocytosis。要食藥到老兼定期驗血觀察,驚血杰易中風。

咁,我自從16年1月做咗嘅買咗部還元水機後,生活習慣都係咁上下。除咗照顧雞髀仔更加頻撲咗,升咗職由超hea變到得返hea,生活維持好q悶,呢幾個月開始做返瑜伽,同埋呢一個月接受唔到自己肥到盡甜品食盡又開始diet返外,生活無太大改變。醫生開嘅鐵片同亞氏匹靈一概冇食。同飲多咗好多水。

15年度(3月年結)請咗7日病假(堅係病,我好憎但又好負責任唔會呃公司假)到16年度請咗1.5日,飲水之後冇因為傷風感冒睇過醫生。還元水嘅消炎作用我係感覺得到嘅,因為我係好易上呼吸度感染成日喉嚨痕氣管又窄又鼻敏感嘅人,飲咗水後上呼吸道感染消失咗,而且就算有少少徵狀都識自己好返。﹝親戚買咗機都話冇曬呢啲小病,糖尿指數亦回復正常。﹞而血小板數自己不斷跌,連陳醫生都話要睇吓還元水係乜嚟。不過佢話醫療集團唔係咁容易放小冊子喺度sell。

話分兩頭,介紹人Anna好人都講咗一啲之前我唔知嘅相反意見畀我聽:
1. 曾經講過還元水實驗,對老鼠心臟肌肉可能有壞影響,仲未解答到的。但暫時未聽到對人有事。
2. 冷還元水浸菜浸農藥,浸茶葉都出「色」應該唔關滲透力事,而係關強鹼嘅化學反應事,睇落有道理。
3. 還元水越飲越頸渴同頭暈可能同MgOH有關,係不宜過量嘅胃藥,呢點我冇test過,不過水照理冇加料電解唔會多得去邊。so far口渴好處係令我飲到更多嘅水而且所有報告正常,反正我依然要半年驗一次血,有問題自然會發現。目前並無顯示對肝腎功能有任何壞影響。飲水多好處連抽血都見到,姑娘唔需要再用飛機仔,好快搞掂。

所以,我唔理曹博士當我白痴妹都好,到底還元水有幾偽科學都好。事實係我因為接受新事物唔需要終身食藥,只要冇因為飲佢而導致其他壞處,就自然喺度推介比各位有緣人喇。

廣告

Raycop RP 開箱文


做blogger的好處,第二次有客到。如果有睇開薯淘,知道雞髀有濕疹時,我試咗好多方法,其中一樣就係RAYCOP SMART UV-C殺菌除塵蟎機。

當時香港都未有RAYCOP官方網站

我覺得部機有效,估唔到香港代理商見到我個post,居然仲出咗新model送部機我玩,只需要出返一篇blog文作為回報。多謝代理商。^^ 仲有得揀黑色的白色,今次試黑色,我覺得比較襟污糟。
即使係送,我乞人憎嘅地方就係以下評論都係照直講,請見諒。


順豐速遽嚟到,咁大箱嘅?因為係高級版RP,咁同RAYCOP SMART爭啲乜呢?


PR姐姐好細心咁整咗幾份form,簡介RAYCOP,仲highlight曬貼埋postit咁。本來係韓國出,去到日本大賣,而家總公司變埋日本,日本官方網站,所有機韓國製造……好,不如你哋自己睇:

開箱儀式喇:

一打開,仍然覺得好大盒,正常地保護得好好嘅發泡膠packing。


揭開,一樣咁cyber,不過,有線嘅?我自己一廂情願以為改咗無線版,哈哈。跟住拎上手,好大部,好重。女人單手拎起幾吃力。


放落床褥,係,既然部機講到明專for床褥。嗱,床褥長期有用床單,所以我冇認真吸過,以為冇乜嘢。用法都係一個制好方便簡單,清楚轉色蒹有聲。放咗上床褥之後碌係順嘅,同時單手用唔覺特別重。


用舊機時發覺頭髮係唔太吸到的,所以新機加咗高速旋轉床褥專用刷,我有試吓碌頭髮,始終同吸塵機唔同,係要碌多幾下先吸到。


仲有一樣,新機多咗70度熱風除濕功能,玩咗陣床褥真係暖笠笠,咁雞髀仔賴過尿嘅地方都可以再吹乾啲喇。


我問過代理,佢話UV-C殺菌時間10秒左右已經OK,咁殺菌就睇唔到嘅。但吸塵蟎嘅功力我唔會懷疑,新機呢個位更加清楚,吸一兩分鐘已經見到個網白曬。


咁睇冇乜嘢呀可?


刮起佢就知,原來有床單遮住嘅床褥係一樣咁多塵。其實如果你清呢啲塵時會覺隻手痕,打開衣櫃會打乞痴,都已經好清楚自己應蟎敏感,香港人應該大量都係。所以清完真心覺得乾淨咗舒服咗,多謝RAYCOP。

P.S. 朋友好有興趣,啱啱問我UV燈幾耐壽命,問咗代理係6000小時,如果見到時光時暗就可以換,都係百老滙有售。

還元水之我感

Blood Test160604-1

又貼回之前LINK,血小板數由15年12月16日嘅586回落至16年2月27日嘅466,上次5月幾唔記得咗要驗血。6月4日回落到443,接近440嘅正常水平喇。希望下次繼續有神蹟。嗜血性白細胞高咗,不過醫生話一時性嘅,唔顯注。

Blood Test160604-2
跟住驗埋腎同肝功能,好正常。

唯一我自己見倒圏咗嘅bicarbonate,應該係酸鹼度buffer。應該之前post過,不過我講太多連自己都唔太記得所以再post:

Ray Kurzweil 講過

The blood is carefully buffered to keep it in a narrow range between pH 7.35 to 7.45. The body keeps blood pH stable by utilizing alkaline buffers, chiefly bicarbonate, to neutralize acidic liquids (such as colas, which have a pH as low as 2.5) and other acidic products and byproducts. But as the blood stream receives these acidic substances, the alkaline buffers get used up.
Drinking alkaline water helps reduce the burden on the limited alkaline buffers which are needed for the body’s natural detoxification processes.

另有睇過做運動會降血pH buffer,當然身體會使用碳酸氫鹽bicarbonate去維持pH。所以sodium bicarbonate係運動員補充食品
食嘢會降血pH buffer。(留意唔係如link入面以為自己破邪咁降血液pH,正常人體會如運動link入面果堆formula去自行調節到返7.41左右)

有講法話人老咗buffer會減少blah blah,唔夠buffer體質會酸,會易病,cancer云云。呢點我唔肯定,少到點先對身體有影響?唔知有冇人知。過多嘅bicarbonate會由腎處理排走,多到點會損腎功能?我同果啲每日飲多我4、5倍還元水嘅朋友如Anna會一路同大家睇真啲。(我每日只係2 litre左右)

well,以上種種包括舊POST啲ORP,我同中醫、西醫及曹博士都「拗」(當討論啦吓)過。我同意某啲sales吹得太過份,好多claims係暫時未有,亦唔代表將來有,足夠研究去支持呢隻水殺癌細胞呀,醫病呀whatever。

不過,臨床報告一個又一個,我以自己去證明,係真嘅。有人話生理週期、心理因素,其餘種種有影響,我唔會排除。但可以講由一月裝機之後,我做嘅就只係完全戒咗含碳酸飲料,(本來都唔係常飲,一星期一兩罐zero嘅程度),同埋飲還元水。運動繼續少、夜瞓、咖啡奶茶繼續飲、減肥繼續講吓做吓停吓(一如以往,零食係真係少咗),生活習慣冇大變。

講真升咗職責任大咗,雞髀子要諗報小一頭痛咗,如果咁樣心理質素下持續高咗兩年嘅原發性血小板增生症會自己好返,要諗可能性真係得幾個:

1. 神蹟(如果雞髀仔派到心儀學校我認真決志呀,薯實丙我);
2. 還元水有用;
3. 醫生斷錯症包括骨髓都驗錯,我其實唔係原發性血小板增生症;
4. 汽水同零食其實係會令血小板增生;
5. 壓力同情緒增加、年紀大、係會減少血小板;
6. 吖、或者索多啲負離子可醫病;
.
.
.
請繼續

airangel
題外話 – 點解我講6,因為我喺房裝咗部AIR OASIS嘅AIR ANGEL,千零蚊貨仔,背後原理同還元水相反,氧化殺菌,唔使洗濾網方便快靚正,對鼻敏感有用,自己睇官網。香港可以喺Vee-Veco買倒,我仲sell返轉頭叫Anna用。

還元水對我暫時有效,繼續每3個月驗血一次,希望造福人群。^^我真偉大。
講吓笑,anyway陳敏航醫生真係叫我send email俾還元水資料去睇,佢話未有patient用呢個方法。