廣告客戶SO SORRY

taobao

堅開心,薯淘終於發市~

well,以我哋呢個個蚊型細blog,梗係唔會有淘宝咁大戶睇得上眼啦。不過為存厚(其實係為免賣免費廣告)又唔開名喇。講真,我呢個肥控制員(網主 I mean)啲文咁爛,另一件啲文又咁曲高和寡,人流偏低,落廣告都冇so啦。

Marketing Skills
不過呢,一樓都知造假呢啲嘢唔少,朋友自己去yahoo拍賣sell舊嘢,都會整一兩個鬼a/c去自己推自己。估唔到而家啲香港網購站係咁大少通吃,只要唔提佢個offer而幫佢出一個post,就有cash voucher收。嗱,一來個blogger又要自己可能俾多少少錢買嘢,二來少少錢又可以買倒個真心post推介,完全冇蝕底。

可惜,遇著我呢個肥控制員咁麻煩,雖然我冇神監管住啫,都仲有兩錢良心假,點會因為收咗一個幾毫而俾人限制我唔講「我收咗一個幾毫而喺度賣廣告」唧。

唯有再次多謝廣告商關顧兼重申:薯淘係唔sell嘢嘅(應該唔會乞米啩),至今網評post全部係自家經驗,真金白銀再喺冇乜修飾下post出嚟(都係為存厚我好少插x佢哋,讚果啲或多或少加多少少私人感情美化,畢竟我好易滿足。)就算薯啲書我都冇錢收的 >_<

P.S. 即係咁,每個人都有個價嘅,即係假如或者有一日如果邏輯上可行有個大到我O嘴嘅銀碼我驚我maybe忍唔住有機會幾肯定會反口,哈哈。

蒙特梭利教具國內正品?!

Montessori
朋友講起,又淘吓寶,嘩國內唯一正品咁堅,仲要賣890蚊人仔,應該係好嘢喇啩。八卦o既我又忍唔住search吓。

咦,真係香港公司授權喎:
呢間香港國際蒙特梭利教育研究會,click入去又多video又多link又剩咁,資料相當豐富。但點解……硬係怪怪哋,一個源於意大利o既教育方法,網站居然冇英文版。繼續睇落去:優秀機構全部都係強國嘢,咁香港果d蒙特梭利學校呢?

再search:
中國蒙台梭利協會,個版面咁似o既?呢間強國嘢仲話自己總部係加拿大喎,如果係真,點解成個contact,同盟都搵唔倒一個加拿大地址或組織名?

仲有叫mengtaisuoli.org o既中國蒙特梭利唯一官方網站tim……wow,咁堅?!堅到連人哋個名都改埋。

忍唔住用英文search返founded in 1929 o既Association Montessori Internationale,AMI Affiliated Societies入面並無中國同盟……
咁,到底個官方係乜嘢官方?

Montessori Society of Canada入面o既Affiliated Societies亦都冇提及中國。明顯中國o既成個協會係「無師自通」o既。OMG

我唔係想講套教具得定唔得,抄返嚟o既嘢,concept啱就work,問題係香港o既幼稚園用咩教學方法我都唔知有咩監管,強國聲稱o既到底有幾可信呢?

低能美國網購加代郵玩具


話說喺公司hea時上HABA時見倒上面隻好鬼cute o既aircraft swing,於是當然google吓。

Kangarooboo唔算最平,但肯寄國際,但send email問佢又話冇貨,賣緊129.99USD。
發現香港有代理,time square 9樓,打去問話賣2xxx,仲做緊85折tim。
跟住見倒另一間網上嬰國孕育品專門店話1590,於是打個電話去佢荔枝角問吓訂貨需時幾耐。跟住個姐姐仔相當幫忙咁話,「你訂咗先啦,再有人contact你。」我話驚好耐,想知係現貨定同外國訂,佢話「訂貨係耐o架,咁你唔好訂啦。」唔該曬,亦代你老闆唔該你。如果你係老闆……咁我無話可說。


anyway,諗住算數唔買。點知我真係太得閒。又發現好多代郵公司如hop.shop.go,有PayPal戶口好易開,咁PayPal亦好易開,Amazon最平又只係USD116.99兼free shipping within US,咁見佢又輕,約4kg運費不過USD40樓下,加埋咪最多12xx港紙。於是買咗……

薯提醒我問清楚小心咪運費計過件貨。我以為自己計咗,hopshopgo亦寫得好清楚。運費以體積或重量計,以較高者為準。而我大安旨意以為唔爭好遠冇問體積。結果seller好快手兩個business day寄到我個hopshopgo美國地址,一睇hopshopgo email notice,件貨體積轉換後係21.5kg。OMG!佢哋有repack減體積service,不過件貨唔適合repack。結果運費真係貴過件貨,冇人呃我係我自己低能。唯有當o係time square冇discount咁買,嗱FEDEX仲唔使一星期已經送到屋企門口tim喇。希望雞髀仔你玩得開心d啦。

近嚟買o既玩具只係Chicco呢個Animal Cottage啫。


下一個目標可能係iimo架三輪車。


亦都想要Little Bird Told Me隻馬仔,雖然已經有隻Little Tikes,睇吓點啦,似乎係我想玩多過雞髀仔想玩呢。反正兩樣香港都有代理,唔使煩。

雞髀仔要10個月先可以玩個aircraft swing,正唔正遲d再講。