11年5月花花紀綠


荷蘭玫瑰年零後開得唔錯,有1x個冧。

candlelight亦開喇,d味比較清淡,有d似鬱金香果種。


插枝成功o既mister licoln都見倒第一朵花,味道都係好濃o既玫瑰味,同荷蘭種差唔多。


秋播o既種子咁遲先開第一朵花仔,不過都幾cute。


去開花墟又買咗兩款薰衣草,呢款d花開之不斷。另一款未見花。


09年尾買o既new dawn總算豪咗一朵花俾我,總比冇開花好。


顏色係越睇越靚o既淡粉紅,唔記得聞吓咩味tim。


重瓣牽牛又復活,不過我發覺唔係主動播種o既,通常下年唔會再返嚟。

廣告

遲來的花開富貴


整咗唔好嘥~


茶花秋牡丹又咁早開。


玫瑰又插得成。


仲有富有柿,真富有。


諗住買David Austin,點知又買咗Rosen Tantau,anyway,都係好嘢。


唯有睇住書止痕先。


諗住實開得成。


點知殘曬都係咁。


今次唔買現剩,試吓自己發o既,但而家先知風信子要遮光等佢唔好夾箭,well,都靚o既。

跟住係好失敗o既鬱金香,因為d球本身太爛,我相信係得幾粒Denmark會開倒。


開咗12份之3,總算花開富貴,原來呢隻denmark有少少似橙汁糖咁o既香味。今年應該去花墟揀新鮮冇爛o既,成功機會大好多。

村姑種植之玫瑰插枝

方法:

網上好多方法,我求其跟個簡單o既,搵一朵有花開o既莖,如上圖咁cut,漏咗,個底斜斜o地cut好d,吸多d水。然後冇用生根粉或任何嘢。純粹放入砂盤或泥盤。網友教放砂盤,我試吓放泥盤。唔好郁佢一頭半個月,如果d葉冇甩,兼出新芽就可能work喇。

亦可以參考呢度:
http://gardening.about.com/od/rose1/ss/Rose_Cuttings.htm


結果放砂盤o既全軍覆沒,Dame De Coeur只係假活,Mister Licoln甩咗本來o既葉,但有出芽,可惜之後枝條變黑,都係失敗。因為俾隻貓拎過出嚟,唔知係咪咁所以衰咗。


反而暫時情況尚好o既係放泥盤果d,new dawn並非開花枝條,好幼身,但又冇死。呢棵Mister Licoln就連本來d葉都冇甩。而另一棵開花荷蘭包心玫瑰枝條又失敗咗,所以都係無定向間歇性o既。


雖然舊年兩棵比利時玫瑰一棵死咗一棵冇開花,但都係忍唔住响上環馬福記再加呢棵。店主啱啱上完飲食男女,非常健談,佢教路話想根苗生倒根發倒芽係唔應該每日淋水,更加唔可以濕透,佢話曬太陽,每兩至三日淋少少keep住濕濕o地就ok。試吓先,另買咗Yates(居然有iphone apps)日本大蔥同紅蘿蔔種子,佢話第度冇喎,唔知有冇搵笨。佢話自己好多嘢獨家,玫瑰泥又話專利,etc etc,又係唔知有冇搵笨。anyway,又試吓佢d肥料o唔ok。


拆開膠袋已經見倒出咗白色幼根,自己盡量溝鬆咗d泥炭土,黃泥珍珠岩。


希望今次會開花啦。