小一家長實戰紀錄


係,正常人中咗六合彩二奬唔應該公告天下,不過我真係有強逼症。(._.")


雞髀你記住我真係盡咗力㗎喇!
睇呢條link可見上表。2011年係47年嚟出生人數最高嘅一年,2012本來會更高,不過中間停咗雙非。

所以由K2開始,上咗整整一年面試班,係冇用嘅。其餘因為幼稚園已經夠深,只係上吓phonics同音樂班,玩吓happy bee算。而每報任何興趣班,薯都係要柴台話我嘥錢。雞髀仔啲英文會話麻麻,K3時,我唔再理薯反對喇,硬係要佢去monkeytree玩吓。再加畫畫同小提琴。

雞髀唔係笨,但係細仔,有搵沙浸好好人嘅譚sir做過評估,話佢雖然唔係最outstanding果批,但10分佢都俾8分,任何學校都可以去試吓咁話。結果呢?咪都係鎩羽而歸,全軍覆歿(除咗幼稚園聯繫小學收咗,但要10萬蚊一年);咁我都冇全港所有學校報曬,因為薯死都唔肯搬去11區。佢亦都唔肯俾錢雞髀讀國際學校,話納稅人應有福利喎。

即使係咁,我仍然冇放棄。既然直資私校都冇嘢揸手喇,自然要玩唔抱太大期望嘅嘥錢租屋大抽獎啦。

K2時,自己知自己事冇抽獎運。於是用雞髀八字去check紫微斗數,師傅話佢今年運強,值得一搏。因為朋友教路租借地址,尤其傳統名校,大把人抽查你,所以唯有就薯唔搬,但努力爭取喺41區租多一個單位將雞髀仔搬過去,兼且請姐姐幫手照顧,(我哋一向冇用姐姐,自己的事自己做)薯淘再分開一人幾晚咁過去陪太子讀書。我知道我明白成件事好柒,大量研究證明讀邊間小學並不影響小朋友將來成就,但我就係唔想後悔,將來雞髀問媽媽點解你推我去band3,我曳唔關我事,你一手做成,blah blah blah。(當時其實另一位朋友陪我,打算抽瑪神,又係題外喇,但起碼人同此心。)趙榮德先生都話啦,既然有咁嘅rule,你有能力嘅不妨玩呢個遊戲。亦自然唔掋得同胞得我哋港產唔得。anyway,monkeytree加姐姐係有啲用,起碼雞髀肯講多啲英文,不過到佢啲中文認字開始唔掂喇,應該又要再跟進吓。

同時,沙田區其實過去幾年嘅成功率仲低過九龍城… 不過我target始終唔係新界,以下就只post近幾年數據:
唔使問我,數自己識計,pure luck,另可上EK睇hkpapa852分析


唔知你哋睇到啲乜,我就睇到2007年至2010年出生人數增加萬八,但41區抽獎人數2013年至2016年之間,反而係由966變917,即係話其實都可以預計今年香港九龍區人數唔會大增,41區俾盡你一千人。而且唔係自行,真係參加統一抽奬嘅人數係由2013年嘅827人跌到2016年嘅742。
如果男女各半,有姐妹嘅又唔揀,有可能係2、3百人入面抽84個位,咁咪分分鐘有超過3成機會?筍過曬所有直資私校嘅機會率。

當然,自行時我哋乜分都冇,揀都冇用,所以揀咗41區嘅基督教學校,話曬有20分,而去過開放日其實資源都好充足,睇落唔差。入到我都願喇,最少唔使俾學費,慳好多。或者係隔夜點心,整定,自行又衰咗。

抽獎交表時,分8行,每行見老師名冊又係百零人,(唔太記得清名數同頁數,但當時我清楚數咗一版同乘咗頁數。)


6月3日,死期,已經預咗要跪玻璃,靠薯求校長之類,整定10份portfolio填曬form。我一個去到,薯帶雞髀仔上小蜜蜂,得返7行添,應該唔過千人啦。anyway,話平常心啫,預咗唔得啫,始終都有少少期望,薯已經預早吩咐,唔好喊呀。我全程靠閏蜜好友於whatsapp支持,記住要型要靚唔可以跪低。當時見到前面有家長笑,有家長眼濕濕,老師再派紙巾…越嚟越緊張,唔得我要型…深呼吸…


心目中就諗起種種唔科學嘅方法…塔羅牌我抽嘅係death card,冇嘢,事情告一段落,可能係新開始好事呢;雞髀仔抽嘅係lover,希望真係咁完美…
到我時,老師叫我對名,邊有心機睇,份嘢好多字,我由底睇上,喇沙利道?!唔係啩…
之後真係目無表情,簽收,先醒起睇清楚有冇錯名剩。YES,唔使跪玻璃喇,成件事唔柒喇。真係天堂地獄,唉,感謝主,我同自己講要決志,因為我一向覺得自己已經係個好人,再多對上帝都冇乜吸引力,;p,係嚟緊唔知跟雞髀天主定薯基督好,好彩都係同一個神。薯一路撥冷水話上帝唔會聽呢啲。

一笑,就發現有線(應該係除非唔係)camera對住我問意見,我只答了「ok la」。

廣告

去大自然上課

1

我經常帶犬兒郊遊,親近大自然,撇除經濟考慮外(來回車費只是十元八塊),主因是要擴闊他的眼界和胸襟。

我一向討厭市區,工作在石屎森林,人多車多廢氣多,抬頭仰望,如坐井觀天,天空只剩一片夾縫。犬兒也在市區返學,雖是低密度,在我眼中,依然是污煙瘴氣,不宜久留。每逢周末,如非必要,絕不踏入獅子山以南半步,生活圈子盡在新界西北。過去半年,我開始帶犬兒行山,蝴蝶山近,易上,卻不夠開揚,大石磨遠,難行,但風景甚佳,可飽覽中港邊界360度全景,看日落一流,或到馬會及高球場散步,在大草地奔跑,又或在梧桐河踏單車,欣賞沿河風光。

我告訴犬兒,大自然是多麼好,沒有高樓,天空是萬里無邊;沒有光害,星晨份外耀眼;沒有廢氣,呼吸清爽怡人;沒有噪音,靜聽萬籟和聲;登高山,方知天地大,在穹蒼下,自己只是一粒微塵。我希望大自然的環境能激發犬兒的好奇心,探索這個大千世界。

上周末,我和犬兒在高球場上,日落黃昏,球場空無一人,只餘我倆,適值翻風,我跟犬兒說:「風無形無體,無色無味,看不見也摸不著,但當涼風自天邊吹來,樹葉沙沙作響,聲音由遠而近,縱然你還未感受到輕風吹拂你的面,你卻知道,風起了。」

在大自然給犬兒上一堂課,勝過返十堂面試興趣班,而且,是免費的!

試作暑假廣島文化之旅

DRAFT:
原爆
唔多啦,今次離奇地一期一會集合倒幾個家庭。大範圍唔揸車有少少難度。anyway,試吓咁:

8月2日(星期二-火)坐UO1822 HKD938浮動
HKG 13:30(HKT)-> HIJ 17:55(JPT)

廣島機場至福山駅(巴士)1350YEN(日本交通一般6歲以下不收費,6至12大概半價,100YEN現價約7蚊港紙)
Hiroshima Airport to Fukuyama

食飯每位2、3千YEN,住駅前酒店每房6千零YEN

8月3日(星期三-水)坐巴士1750 YEN
輕便行李,喼放酒店,坐兩粒鐘到帝釈峽
Fukuyama to Toujou

Teishakukyo

食、零用每位全日3、4千YEN住休暇村 帝釈峡每房1萬YEN左右

8月4日(星期四-木)坐巴士至福山1750 YEN

帝釈峡好大,帶住細路唔好太趕,可以瞓多晚三原
Toujou to Fukuyama

食、零用每位全日3、4千YEN,住駅前酒店每房7千零YEN

Yamato
8月5日(星期五-金)JR呉線1140YEN
1. 三原(JR)8:25->10:12 呉
2. 三原(JR)9:50->11:33 呉  
酒店放低行李,食嘢,呉市海事博物館睇大和同密蘇里展(寫住至2016年,已10年,斷估再延長…啩)可買呉市DAY PASS或其他

食、零用每位全日3、4千YEN,住駅前酒店每房8千零YEN

8月6至7日可互換,星期六房價較貴,PLAN未齊,可等等再修正
8月6日(星期六-土)JR呉至広島 半粒鐘、500YEN
1. 8:39->9:09
2. 14:14->14:53  
酒店放低行李,和平紀念公園

8月7日(星期日-日)
或JR呉至宮島口,1小時14分鐘
14:14 ->15:28
先遊宮島

然後選擇廣島走定福岡走,如廣島走,可於呉及廣島分別多住一晚,廣島亦有OUTLET
8月9日 UO1823
HIJ 18:45(JPT)->HKG 21:30(HKT)

春帆樓
8月8日(星期一-月)
広島至下関 新幹線ひかり491号 博多行6150 YEN
9:06->10:03(每小時有幾班)
春帆樓
睇下関STAY定門司STAY

8月9 / 10 UO1601
福岡走UO1601 JPY 21500 YEN UP
FUK 12:55(JPT)-> HKG 15:30(HKT)