新玩具途訊K068 IOS 天籟K歌

k068-t-or-f1

k068-t-or-f2

k068-t-or-f3

k068-t-or-f4

K歌app唔係咩新嘢,我間唔中有用headphone咪唱K歌逹人。不過近排好多朋友、甚至連唔唱K嘅同事都去淘K歌神器。我都忍唔住上香港格價網搵香港行貨買,睇相有分別,但用其實又分別不大,爭百零蚊,叫做有香港代理1年保養囉,電子嘢,撞手神,高仿都未必會壞。係代理話真有laser貼紙,或者有代理右邊個貼紙,機身平滑同埋有產品專利號,假果啲聲再「浮」啲喎,冇認真研究。同事話去羅湖100人仔有交易。

一路用K歌達人自娛冇理share俾人問題,但朋友whatsapp俾條mp3我,我都唔識俾返佢。


於是試天籟K歌,connect枝咪好簡單用返IOS個bluetooth就得。點歌後就識自動喺咪出你把聲同音樂聲,個人認為夠大聲。

但到錄音呢,唔關枝咪事,係IOS同Android都唔support bluetooth in條人聲(未爬文,或者有其他app得),一定要用佢條線插咪同iphone/ipad headphone位先得。問題就嚟喇,音樂太大聲會撞曬咪,太細聲根本聽唔到,發覺自己都甩曬bit,而錄人聲太細聲,即使已校100,之後校細echo,校大音樂係冇問題嘅,亦都冇V聲,同普通headphone個咪錄一樣好太「風」聲,可能我揀咗「錄音棚」音效模式,不過噴咪聲就好咗好多,兼冇曬啲呼吸聲添,其實應該唔係好事。錄音感覺有少少delay,太大聲會拆拆哋,不過強國嘢嚟計,OK啦。

local
然後保存。同小米盒子一樣,大陸嘢係好難用正常邏輯去諗明,點解唔係我的主頁,斷估係英文local drive去垃圾翻譯為「本地作品」,天籟已經算就IOS,喺呢度可以俾你導出。

上網爬文可以用裝iTools(試咗都ok啦),要小心唔好同時裝埋好多垃圾落PC。但其實用返PC iTunes就得。

file無論save乜,齋音樂、mv都係出MP4 format,要用返是但一隻mp4 to mp3 converter先得。正常應該save條聲就係導出mp3啩(要試吓)。

音樂比人聲大,我將人聲校85,音樂55都ok。之後可以上網搵任何edit audio file嘅equalizer去搞搞。例如:NCH隻WavePad Sound Editor。不過我未摸熟邊個Hz要boost邊個Hz要fade住,唔理住。

反正將個file e俾自己,喺IOS開email,save file再share返落whatsapp就得。

都幾煩:)

呢首薯話合格,冇執過任何嘢,開心些牙:不過又由mp3轉返mp4都幾無聊(._.")

新年東京富士遊

skytree

冇乜心機寫遊記,因為又要做下一個行程。有少少失敗淨係掛住揀亞仔假期而又相對平嘅時間,忽略咗日本5連休,搞到酒店又貴又少選擇,例如御殿場想連泊都冇,迪迪尼我schedule得12月31日就倒佢就休館,行程都要就返酒店,想唔日日搬都難。

另,JAL機票其實可計7晚,不過雞髀舅父冇咁多假,雞髀仔亦唔想請太多假,所以只去7日6夜。

14年12月30至15年1月5行程如下,有興趣就睇PDF詳情:
pdf

12月30 香港至成田,N’EX至新宿,食飯返酒店瞓
12月31 薯指名要食宝太朗咖哩,SKYTREE淺草周邊,夜晚明治神宮
1月1 搭去御殿場睇富士山,OUTLET SHOPPING
1月2 富士SAFARI PARK,之後再搭去富士急HIGHLAND附近別墅私家溫泉
1月3 富士急HIGHLAND + THOMAS LAND,回程到橫浜STAY一晚順便又去薯指名翻兜嘅新橫浜拉麵館
1月4 麵包超人博物館 + 杯麵博物館,黃昏去日暮里同朋友食飯
1月5 回程前可揀池袋乙女路或谷根千行。