玩具 · 用家評論 · Plan B · 健康 · 教育

分享淘寶好物

cloth book

大風車樂園168

係呀,都係BB嘢,原來都淘過唔少。喺入面search布書發現唔係太多,呢間o既布書唔錯,運費亦平。雞髀仔生日時仲o係呢度買過送俾同學仔禮物tim,幾蚊人仔有交易。

wood fence
青島精美
木圍欄係呢間,香港膠果d都成千蚊,其實計埋運費唔爭得遠,不過個人偏好木質,佢d貨冇臭味,亦都算滑身。

wood table & chair set for kid
安安小天地

木枱櫈,連埋運費係會貴過宜家膠果d少少,不過又係個人喜好啦。好多外貿原單,日韓standard o既貨都整得幾靚,冇臭味,overall滑淨木刺唔算多,當然完美主義人士可以再搵砂紙磨一磨個別位罝。

Class World shape game

頑皮堂

有睇過幼稚園講座篇嘢可能知我幾like megaplus代理bbcare有售o既木玩具,近排想去bbcare訂,不過又多手search吓原來係classic world,德國牌子made in 強國,咁梗係又淘吓,連運費唔係平好多(每件平幾十啦),勝在多d款揀,呢個賣家係唔經常online,不過賣得最平,又會顧及運費,最後買咗3樣嘢上海寄順豐落到嚟都係60蚊運費,掋啦。

momma cup
國際母嬰館
淘寶試過賴嘢,自己想買老翻時當然冇問題。但我試過以為自己以超筍價買緊正品,嚟到唔對路先發覺人哋寫住乜乜牌子,冇話過正品。以上呢隻杯賣家好好,未收我錢就寄貨。隻杯嚟到,packing 100%堅,但杯上字體有別令我一度懷疑自己買咗隻好堅o既假嘢。不過上momma uk見倒原來係有呢款字o既先冇咁驚。

Lansinoh momma straw cup

國內似乎唔興俾劣評,不過我都冇劣評過人,因為so far除咗自己冇睇清楚某d唔係正品o既貨而買咗外,大部份seller(除植物外)都係如實描述,有個別仲相當nice會主動提我運費貴呀,易爛呀咁。咁當然有d香港網店都有,又訂得夠包送貨,又mark up得唔過份都可以繼續幫襯o既。不過即使made in Japan,有時計埋運費淘宝都會平過o係樂天訂,尤其我呢d鍾意訂埋曬d廚具o既人,樂天吓吓要轉送唔化算,搵偉大的Miyuki代購又除外。

ps 如果雞髀仔係女,淘宝search mother garden仲多嘢睇~

玩具 · Plan B · 古典音樂 · 教育

Schoenhut my first piano II 開箱文

官網: Schoenhut Piano

薯希望雞髀仔鍾意彈琴,咁淘就好開心咁走去杜菲藝術音樂中心抬機,佢位於紅磡up dup廣場。;p 都多嘢睇O既個場。

well,本來想o係淘宝訂,但對方話中國授權,唔可以寄香港喎,呢d時候我哋就係外國。本來想要高身d果隻piano pals,打去以上間香港獨家間嘢問幾重,操國內音女士答好易拎,十幾斤。哦,是但啦,唔expect佢答exact value,反正唔送貨要自取咁去睇實物lor。

去之前都係覺得隻動物其實唔太襟睇,決定要my first paino II算,25鍵。跟住發現盒有寫尺吋同重量啦,做乜唔睇吓話我知……佢話有紅色拆出嚟係粉紅色,話驗咗貨白色唔使拆出嚟再放入去咁煩……跟住話佢唔識用縄綁,最後我自己綁,但我都唔識綁假,結果總算抬到返屋企。雞髀仔已瞓,第朝先發現:


強國!原來真係可以冇QCo架!而我明明返工唔會信佢哋,點解私底下我又咁on居信佢唔check真呢。算,以為又要再辛苦抬返十幾斤去整,好在打去問,有另一位操國內口音男士話我可以拆開鏍絲換返d鍵,亦可以拎去佢整。


結果我又成功修琴喇。哈,慳返唔使走嚟走去。不過要記住教訓,真係唔好再輕易信人,(尤其是中國人,不論是否操不純正廣東話)。

好在雞髀仔都幾like新玩具,唔使做鋼琴家,只要你鍾意彈琴兼彈得唔太爛就好。

玩具 · 用家評論 · Plan B

HABA Aircraft Swing 開箱文


真係開箱文,哈哈,鬼死咁大個盒。


原來我大概俾咗兩舊水去寄呢d膠袋。


well, 咁入面呢個盒係好完美o既。


呢個make in china o既玩具同淘宝外貿原單o既分別係,呢個紙盒係運返去德國之後先裝o既。問你死未?不過我都冇check其實個紙盒係咪made in china。


仲有本說明書都係返去德國先有。


說明書本來係好fit咁攝o係座位中間。


暫時掛起o既住,又真係靚仔過塑膠果d好多o既衰鬼。


見倒雞髀仔high到震,冇乜所謂lu。其實係自己想玩冇得玩。;p btw,係由10個月大至3歲o架,純粹俾佢試吓先,但好似都ok坐倒。