Cycle 4 – Infertile

就咁睇好似有2 phases，其實今期係infertile。因為第一次食排卵藥clomid，day 14 去照超聲波時醫生話卵泡size仍然慢咗日半，但都已經有1粒18mm直徑卵泡，預計兩日倒破卵。（卵泡最初由0至10mm，每日增長1mm，到10mm後每日增長2mm。）成熟卵泡約於20至24mm左右破卵，不破卵的話無法成孕。而食排卵藥人應該有1至幾粒卵泡先係，唔知係咪因為我成day 5先開始食呢。如是者醫生俾驗排卵紙我，即LH試紙。怎知我用了6日都只係有綫，而唔係深粗。再去照超聲波，今次要由陰道照清楚喇，（對我嚟講痛），卵泡直徑20mm，但有陰影所以斷估係老化咗冇排出，因為LH唔夠。

上網睇咗好多關於卵泡黃素化，或者叫濾泡囊腫，LUFS。正常女性都有機會有d cycle 係咁唔破卵，印象中我之前用紅d係有過深粗o既。前排再睇倒O型血女性卵子質量較其他血型女性差，有仔趁嫩生云云。然後食排卵藥會再增加2、3成黃素化機會。不過呢樣有得解決，可以打HCG破卵針，只係有d人打完都會繼續黃素化，卵泡生得太大。

anyway，既然知道今個cycle衰咗，醫生suggest我可以去做埋輸卵管造影檢查。不過唔駛據聞我都知道痛，最痛o既位係要入鴨嘴鉗兼撐開，有d人話唔係咁痛係同生理構造有關係，我做pap smear都半死，醫生仲係冇撐鉗。well，有d人會好d，又有d人忍得痛d。不過果d金屬鉗，就算擺得落，撐開果吓係100%人會痛o既，所以推得遲就推遲先啦。之後入藥水就因人而異，有d人話好痛，有d人話ok，如果係痙攣似經痛果種我諗我頂慣。

決定再做人體實驗，先打HCG兩個cycle，醫生話試曬兩邊排卵喇，都唔中先去驗輸卵管啦，因為佢話3成人輸卵管有問題，唔少o架。但我心諗，都唔中的話咪斷估知道塞咗？咁其實係咪唔駛check，直接跳去IVF咪得。只係IVF咪仲痛仲煩？所以你隻薯仔薯女呀，唔好扮上菜玩我，嚟就嚟，唔嚟就最好話我知我唔啱做IVF。神呀，快d打救我。

仲未完，本來即使卵泡黃素化，都應該2個week倒m come，結果一直唔嚟，要我day 34食通經藥Provera，口服progestin，令好朋友終於嚟。期間中醫一時話我有滑脈，因為勁多「痰」，一時又話我血滯住，脈唔行。d hormones亂曬，雖然我明知齋睇中醫應該冇咁亂，又唔駛食咁多hormones落肚，亦可能冇咁多副作用。不過呢兩個cycle 破卵點都要keep住先，但今日day4我先發現之前拎o既排卵藥唔似放咗去邊tim，又唔可以day 2食，所以我諗都係得一粒卵泡，機會又少咗。

補充，個高溫期開始原因係我熄咗冷氣瞓。